Wa ka yanakeʼ chéen tukult bukaʼaj utsil jeʼel u bin tiʼ wíinikeʼ. Bejlaʼeʼ yaʼab máakoʼob ku muʼyajoʼob tumen jach óotsiloʼob. Chéen junpʼíit máakoʼob táaj ayikʼaloʼob. Baʼaleʼ wa ka yanak junpʼéeliliʼ gobierno tuláakal yóokʼol kaabeʼ jeʼel u tsʼáaik baʼax kʼaʼabéet tiʼ tuláakal máakeʼ. Wíinikeʼ ¿jeʼel wa u páajtal u beetik junpʼéel gobierno beyoʼ? (Xok Jeremías 10:23.)

Desde úuchjeakil tak bejlaʼeʼ le gobiernoʼoboʼ tsʼoʼok u pʼatkoʼob kʼaasil le máakoʼoboʼ, maases le óotsiloʼoboʼ. Yaan tak gobiernoʼobeʼ ku beetkoʼob u muʼyaj máak (Eclesiastés 4:1; 8:9). Baʼaleʼ Dioseʼ u yaʼalmaj yaan u tsʼáaik junpʼéel gobierno kun jeelintik u maasil gobiernoʼob, yéetel tsʼoʼok u yéeyik juntúul gobernante jeʼel u kanáantik tuláakal máakeʼ. (Xok Isaías 11:4; Daniel 2:44.)

Jéeobaeʼ tsʼoʼok u yéeyik Jesucristo, u Hijo, utiaʼal u gobernar tu Reino (Lucas 1:31-33). Jesuseʼ jach maʼalob u gobernar, tumen ka taal way Luʼumeʼ tu yilaj u yáantik tuláakal máak. Bejlaʼa Reyeʼ yaan u beetik u biskuba maʼalob u máakiloʼob tuláakal kaajoʼob yéetel yaan u xuʼulsik baʼax beetik u muʼyajoʼob. (Xok Salmo 72:8, 12-14.)

¿Tuláakal wa máak kʼamik Jesús bey Reyeʼ? Maʼ, maʼ tuláakaliʼ. Baʼaleʼ Jéeobaeʼ yaan u paciencia (2 Pedro 3:9). Táan u tsʼáaik tiempo utiaʼal u kʼaʼamal Jesús bey Reyeʼ. Maʼ tun xáantaleʼ Jesuseʼ yaan u xuʼulsik le kʼasaʼanoʼoboʼ yéetel yaan u taasik jeetsʼelil bey xan junpʼéel maʼalob kuxtal tiʼ tuláakal máak. (Xok Miqueas 4:3, 4.)