U videoiloʼob u libroiloʼob le Bibliaoʼ

Baʼax ku taasik le Bibliaoʼ

Le Bibliaoʼ ku tʼaan tiʼ junpʼéeliliʼ baʼal, ku yaʼalikeʼ le Reinooʼ yaan u yeʼesik chéen tiʼ Jéeoba Dios yaan u derechoil u gobernar.

U káajbal u libroil Génesis

U libroil Génesiseʼ ku tʼaan tiʼ bix káajik wíinik, tiʼ bix úuchik u kʼebantal máak yéetel bix káajik u kíimil.

U káajbal u libroil Éxodo

Ilawil bix úuchik u jóoʼsaʼal le israelitaʼob tu luʼumil Egiptooʼ yéetel bix úuchik u yéeyaʼaloʼob tumen Dios.

U káajbal u libroil Levítico

U libroil Levíticoeʼ ku yaʼalikeʼ Jéeobaeʼ jach santo yéetel ku tsolik baʼaxten unaj k-pʼáatal limpioil wa santo xan.

U káajbal u libroil Números

Ilawil baʼaxten kʼaʼabéet k-beetik baʼax ku yaʼalik Jéeoba yéetel baʼaxten unaj k-uʼuyik u tʼaan le máaxoʼob u tsʼaamaj utiaʼal u nuʼuktik u kaajaloʼ.

U káajbal u libroil Deuteronomio

Le Ley tu tsʼáaj Jéeoba tiʼ le israelitaʼoboʼ tu yeʼesaj jach tu jaajil u yaabiltmoʼob.

U káajbal u libroil Josué

Ilawil bix tu tiaʼalintoʼob le israelitaʼob le luʼum aʼalaʼan u tsʼaʼabaltiʼoboʼ yéetel bix tu tʼoxiloʼob.

U káajbal u libroil Jueces

U libroil Jueceseʼ ku tsikbaltik baʼaxoʼob tu beetaj le juezoʼob tsʼaʼaboʼob tumen Jéeoba utiaʼal u kanáantkoʼob u kaajal tiʼ le máaxoʼob pʼekmiloʼ.

U káajbal u libroil Rut

U libroil Ruteʼ ku tsikbaltik bix tu yeʼesil juntúul x-ilibtsil jach u yaabiltmaj u suegra, úuchik u yeʼeskoʼob u yaabiltmubaʼobeʼ bendecirtaʼaboʼob tumen Jéeoba.

U káajbal u libroil 1 Samuel

Ilawil bix úuchik u bin tiʼ u yúuchben kaajil Israel tu kʼiinil le juezoʼoboʼ bey xan tu kʼiinil le reyoʼoboʼ.

U káajbal u libroil 2 Samuel

Le kabal óolal yéetel le fe ku yaʼalik le Biblia tu yeʼesaj Davidoʼ junpʼéel maʼalob ejemplo utiaʼal tuláakal máak teʼ kʼiinoʼobaʼ.

U káajbal u libroil 1 Reyes

Teʼ kʼiinoʼob táan u reinar Salomónoʼ le kaajoʼ jach bin utsil tiʼ tumen ku bendecirtaloʼob tumen Jéeoba, pero ka máan kʼiineʼ káaj u sufriroʼob tumen tu jatsuba le kaajoʼ.

U káajbal u libroil 2 Reyes

U kaajil Israeleʼ náachchaj tiʼ Jéeoba pero letiʼeʼ maʼ xuʼul u bendecirtik le máaxoʼob chúukpaj u yóoloʼoboʼ.

U káajbal u libroil 1 Crónicas

Le Libroaʼ ku tsikbaltik le baʼaxoʼob úuch desde teʼ kʼiinoʼob táan u reinar David tu luʼumil Israeloʼ tak ka kíimi.

U káajbal u libroil 2 Crónicas

Le baʼax úuch tiʼ u reyiloʼob Judáoʼ ku yeʼesik baʼaxten maʼalob ka k-beet le baʼax ku yaʼalik Diosoʼ.

U káajbal u libroil Esdras

Jéeobaeʼ tu beetaj baʼax u yaʼalmaj: jóokʼ le judíoʼob tu kaajil Babiloniaoʼ, ka káaj u kaʼa adorartikoʼob tu kaajil Jerusalén.

U káajbal u libroil Nehemías

U libroil Nehemíaseʼ ku kaʼansik baʼaloʼob jach kʼaʼanaʼantak tiʼ le máaxoʼob meyajtik Dios bejlaʼoʼ.

U káajbal u libroil Ester

Le baʼaxoʼob ku kaʼansik u libroil Esteroʼ ku muʼukʼaʼankúuntik k-fe yéetel ku kaʼansiktoʼon bix u kanáantik Jéeoba u kaajal.

U káajbal u libroil Job

Tuláakal máax u yaabiltmaj Jéeobaeʼ yaan u túuntaʼal u yóol. U tsikbalil Jobeʼ ku yeʼesikeʼ jeʼel u páajtal u chúukpajal k-óol tiʼ Jéeoba yéetel k-eʼesik chéen letiʼ unaj u gobernar.

U káajbal u libroil Salmos

U libroil Salmoseʼ ku yeʼesikeʼ chéen Jéeoba unaj u gobernar yéetel ku líiʼsik u yóol máaxoʼob yaabiltmil. Ku yaʼalik xaneʼ u Reino Cristoeʼ yaan u sutik Paraísoil le Luʼumaʼ.

U káajbal u libroil Proverbios

U libroil Proverbioseʼ ku yáantik máak tiʼ tuláakal baʼax ku beetik: desde tiʼ u yúuchul koonol tak tiʼ u biskuba máak yéetel u láakʼtsiloʼob.

U káajbal u libroil Eclesiastés

Le rey Salomonoʼ tu yaʼalaj baʼaxoʼob jeʼel u taasik utsil yéetel baʼaxoʼob ku bin tu contra le naʼat ku taal tiʼ Diosoʼ.

U káajbal u libroil Cantares

¿Baʼaxten ku keʼetel yéetel junpʼéel kiliʼich kʼáakʼ le nojoch yaabilaj tu yeʼesaj le x-sulamita tu yoʼolal le j-kanan tamanoʼ?

U káajbal u libroil Isaías

U libroil Isaíaseʼ jeʼel u yáantkech utiaʼal a maas confiar tiʼ Jéeoba, le Máax béeykuntik u promesaʼoboʼ yéetel le Dios salvartikoʼonoʼ.

U káajbal u libroil Jeremías

Jeremíaseʼ chúukpaj u yóol u beet le meyaj tsʼaʼabtiʼ kex jach pʼektaʼaboʼ. ¿Baʼax jeʼel u páajtal k-kanik tiʼ le baʼax tu beetoʼ?

U káajbal u libroil Lamentaciones

Tu libroil Lamentacioneseʼ profeta Jeremíaseʼ tʼaanaj tiʼ bix xuʼulsaʼabik Jerusalén yéetel bix chʼaʼabik óotsilil tiʼ máaxoʼob arrepentirnajoʼob.

U káajbal u libroil Ezequiel

Ezequieleʼ juntúul máax kabal u yóol yéetel kex maʼ chéen chʼaʼabileʼ chúukpaj u yóol u beet baʼax aʼalaʼabtiʼ tumen Dios. Toʼoneʼ unaj k-beetik jeʼex letiʼeʼ.

U káajbal u libroil Daniel

Daniel yéetel u amigoʼobeʼ chúukpaj u yóoloʼob kex yaʼab baʼaloʼob tu aktáantoʼob. Bejlaʼeʼ yaʼab baʼaloʼob jeʼel k-kanik tiʼ letiʼobeʼ bey xan tiʼ le profecíaʼob béeychajoʼoboʼ.

U káajbal u libroil Oseas

U libroil Oseaseʼ ku kaʼansiktoʼon bix u chʼaʼik óotsilil Jéeoba tiʼ máax ku arrepentir yéetel bix u kʼáat ka adorartaʼak.

U káajbal u libroil Joel

Profeta Joeleʼ tʼaanaj tiʼ u kʼiinil Jéeoba yéetel tu yaʼalaj bix jeʼel k-salvartaʼaleʼ. Teʼ kʼiinoʼobaʼ maas unaj k-chʼenxikintik le baʼax tu yaʼaloʼ.

U káajbal u libroil Amós

Jéeobaeʼ tu yéeyaj Amós, juntúul máak kabal u yóol utiaʼal u beetik junpʼéel nojoch meyaj. ¿Baʼax jeʼel k-kanik tiʼ le baʼaxoʼob tu beetaj Amosoʼ?

U káajbal u libroil Abdías

Le libroaʼ letiʼe maas chichan yaan teʼ Úuchben Testamentooʼ. Ku líiʼsik u yóol máax ku muʼyaj yéetel ku yaʼalik yaan u alabartaʼal Jéeoba mantatsʼ.

U káajbal u libroil Jonás

Jonaseʼ tu chaʼaj u tsolnuʼuktaʼal yéetel tu yuʼubaj tʼaan. Tu yilaj xan u yaabilaj Jéeoba yéetel bix u chʼaʼik óotsilil. ¿Máasaʼ yaʼab baʼax k-kanik tiʼ?

U káajbal u libroil Miqueas

Le profecíaaʼ ku kaʼansikeʼ tuláakal le baʼax ku kʼáatiktoʼon Jéeobaoʼ utiaʼal k-utsil yéetel maʼatech u kʼáatiktoʼon maas tiʼ le ku páajtal k-beetkoʼ.

U káajbal u libroil Nahúm

Le profecíaaʼ ku yáantkoʼon k-creert yaan u béeytal baʼax u yaʼalmaj Jéeoba yéetel ku yeʼesikeʼ letiʼeʼ ku yáantik le máaxoʼob u kʼáatoʼob kuxtal ich jeetsʼelil yáanal u Reinooʼ.

U káajbal u libroil Habacuc

Toʼoneʼ k-ojel Jéeobaeʼ yaan u salvartik u kaajal teʼ kʼiin yéetel le bix u tuklik maas maʼaloboʼ.

U káajbal u libroil Sofonías

¿Baʼaxten maʼ unaj k-tuklik wa mix bikʼin kéen kʼuchuk u kʼiinil Jéeobaiʼ?

U káajbal u libroil Ageo

Le profecíaaʼ ku yeʼesik kʼaʼabéet k-tsʼáaik táanil k-meyajtik Dios tu lugar k-kaxtik chéen k-utsil.

U káajbal u libroil Zacarías

Úuchjeakileʼ yaʼab profecíaʼob muʼukʼaʼankúunt u fe u kaajal Jéeoba. Le profecíaʼobaʼ ku yeʼeskoʼob láayliʼ yaan xan u yáantkoʼon Jéeobaeʼ.

U káajbal u libroil Malaquías

U libroil Malaquíaseʼ ku yeʼesikeʼ u tʼaan Jéeobaeʼ maʼatech u kʼexpajal, nojoch u chʼaʼ óotsilal yéetel u yaabilaj. Le libroaʼ yaʼab bix u yáantkoʼon bejlaʼeʼ.

U káajbal u libroil Mateo

Ojéelt le baʼaxoʼob maas kʼaʼanaʼantak yaan tu libroil Mateo, le yáax tiʼ le kanpʼéel Evangelioʼoboʼ.

U káajbal u libroil Marcos

U libroil Marcoseʼ letiʼe libro maas kóom tiʼ le kanpʼéel Evangelioʼoboʼ yéetel ku yeʼesik baʼaxoʼob ken u beet Jesús kéen káajak u gobernar.

U káajbal u libroil Lucas

¿Baʼaxoʼob ku chíikpajal chéen tu libroil Lucas?

U káajbal u libroil Juan

U Evangelioil Juaneʼ ku tʼaan tiʼ le nojoch yaabilaj ku yuʼubik Jesús yoʼolal wíinikoʼ, u kabal óolal bey xan le meyaj ken u beet tu Reino Diosoʼ.

U káajbal u libroil Baʼaxoʼob

Le sukuʼunoʼob teʼ yáax siglooʼ tu tsʼáaj u yóoloʼob kʼaʼaytaj tiʼ jejeláas máakoʼob. U libroil Baʼaxoʼobeʼ jeʼel u yáantkech a maas tsʼáa a wóol teʼ kʼaʼaytajoʼ.

U káajbal u libroil Romailoʼob

Le cartaaʼ ku yeʼesikeʼ Jéeobaeʼ mix máak jelaʼan u paktik yéetel ku yeʼesik xan u kʼaʼanaʼanil k-tsʼáaik fe tiʼ Jesús.

U káajbal u libroil 1 Corintoiloʼob

Le cartaaʼ ku tʼaan tiʼ u kʼaʼabéetil k-eʼesik yaabilaj, k-múul meyaj, ka yanaktoʼon junpʼéel toj kuxtal yéetel maʼ k-tuʼubsik yaan u kaʼa líiʼsaʼal le kimenoʼoboʼ.

U káajbal u libroil 2 Corintoiloʼob

Jéeoba, «le Dios mantatsʼ ku líiʼsaj óoloʼ», jach ku yáantik le máaxoʼob meyajtikoʼ.

U káajbal u libroil Galaciailoʼob

Le carta tu túuxtaj Pablo tiʼ le galaciailoʼoboʼ tak bejlaʼa ku yáantkoʼoneʼ. Le cartaaʼ jeʼel u yáantkoʼon utiaʼal ka chúukpajak k-óoleʼ.

U káajbal u libroil Efesoiloʼob

Le cartaaʼ ku tsolik bix ken u béeykunt Jesús baʼax u tukultmaj Dios: u yantal jeetsʼelil yéetel u múuchʼ meyaj máaxoʼob meyajtik Dios.

U káajbal u libroil Filiposiloʼob

Kéen chúukpajak k-óoleʼ k-áantik u maasil utiaʼal u chúukpajal xan u yóoloʼob.

U káajbal u libroil Colosasiloʼob

Jeʼel k-lúubul utsil tu táan Jéeoba wa k-beetik baʼax ku yaʼalikeʼ, k-perdonartik u maasil yéetel tsʼáaikba yáanal u páajtalil Jesús.

U káajbal u libroil 1 Tesalonicailoʼob

Toʼoneʼ unaj k-ilik maʼ u náayal k-óol, k-ilik le baʼaxoʼob maas kʼaʼanaʼanoʼ, k-orar yéetel k-líiʼsik u yóol u maasil.

U káajbal u libroil 2 Tesalonicailoʼob

Pabloeʼ tu yáantaj le sukuʼunoʼob u naʼatoʼob maʼ kʼuchuk u kʼiinil Jéeobaoʼ yéetel tu yaʼalajtiʼob ka chúukpajak u yóoloʼob.

U káajbal u libroil 1 Timoteo

Pabloeʼ tʼaanaj tiʼ bix u nuʼuktaʼal le múuchʼuliloʼ, tiʼ u kanáantkuba máak tiʼ le maʼ jaajil kaʼansajoʼoboʼ yéetel tiʼ u yaabiltaʼal le taakʼinoʼ.

U káajbal u libroil 2 Timoteo

Pabloeʼ ku yaʼalik tiʼ Timoteo ka u tsʼoʼokbes le meyaj kʼubéentaʼabtiʼoʼ.

U káajbal u libroil Tito

U cartail Titoeʼ ku yaʼalik baʼax tu aktáantaj u múuchʼuliloʼob Creta yéetel bix jeʼel u beetik máak u ancianoileʼ.

U káajbal u libroil Filemón

Le cartaaʼ ku kaʼansik bix jeʼel u yeʼesaʼal kabal óolal, utsil yéetel u perdonar máakeʼ.

U káajbal u libroil Hebreoʼob

Le adoración k-tsʼáaik tiʼ Jéeobaoʼ maas maʼalob tiʼ junpʼéel jatsʼuts templo yéetel tiʼ u kʼuʼubul kíimsbil baʼalcheʼob.

U káajbal u libroil Santiago

Santiagoeʼ ku tʼaan tiʼ jejeláas kettʼaanoʼob utiaʼal u yeʼesik bix unaj k-meyajtik Dios.

U káajbal u libroil 1 Pedro

Yáax tiʼ Pedroeʼ ku yáantkoʼon k-meyajt Jéeoba yéetel k-aʼaliktiʼ baʼaxoʼob k-muʼyajtik.

U káajbal u libroil 2 Pedro

Kaʼapʼéel tiʼ Pedroeʼ ku yáantkoʼon utiaʼal ka chúukpajak k-óol tiʼ Jéeoba le táan k-páaʼtik le túumben kaʼan yéetel le túumben luʼumoʼ.

U káajbal u libroil 1 Juan

U carta Juaneʼ ku yaʼaliktoʼon ka k-kanáantba tiʼ le anticristoʼoboʼ yéetel ka k-eʼes yaabilaj.

U káajbal u libroil 2 Juan

Le cartaaʼ ku kʼaʼajsiktoʼon kʼaʼabéet k-tsʼoʼokbesik u mandamientoʼob Dios yéetel k-kanáantikba tiʼ le máaxoʼob maʼ tu kʼamkoʼob u kaʼansaj Cristooʼ.

U káajbal u libroil 3 Juan

Le cartaaʼ ku kaʼansiktoʼon bix unaj k-kʼamik le sukuʼunoʼoboʼ.

U káajbal u libroil Judas

Judaseʼ tu yaʼalaj tiʼ le sukuʼunoʼob ka u kanáantubaʼob tiʼ u tuusoʼob le kʼasaʼan máakoʼoboʼ.

U káajbal u libroil Apocalipsis

Le náayoʼob ku chíikpajal tu libroil Apocalipsisoʼ ku yeʼesik bix ken u béeykuntil le Reino le baʼax u tukultmaj Dios utiaʼal wíinik yéetel utiaʼal le Luʼumaʼ.

Maʼ xaaneʼ jeʼel u yutstal xan ta wicheʼ

Yéey u idiomail

Máans tiʼ wa máax