¿Tsʼoʼok wa u yaʼaliktech a núup jach ku píitmáan a wukʼik? Wa beyoʼ le xookaʼ jach yaan u yáantkech.

Teʼ xookaʼ yaan a kanik lelaʼ:

•  U píitmáan u yuʼukʼul alcohol ichil le máaxoʼob tsʼokaʼan u beeloʼoboʼ jach ku taasik yaʼab problemas

•  ¿Ka controlartaʼal wa tumen le alcoholoʼ?

•  Maʼ a culpartik u maasil

•  Baʼax jeʼel u páajtal a beetkeʼ

 Le u píitmáan u yuʼukʼul alcoholoʼ jeʼel u beetik u tsaʼayal kʼojaʼaniloʼob tu puksiʼikʼal máakeʼ, cirrosis yéetel cáncer. Jeʼel xan u beetik u káajal u maltratartik máak u núupeʼ, u pʼáatal minaʼan taakʼin tiʼeʼ, u tusik u núup yéetel yaneʼ jeʼel tak u divorciarkubaeʼ.

 Le Bibliaoʼ ku yaʼalikeʼ le alcoholoʼ «ku chiʼibal bey juntúul kaaneʼ, ku chaʼik u veneno jeʼex juntúul chiʼibal kaaneʼ» (Proverbios 23:32). Le oʼolaleʼ, ¿bix jeʼel a wojéeltik wa táan a controlartaʼal tumen le alcoholoʼ?

 Le preguntaʼobaʼ jeʼel u yáantkech a wileʼ:

•   ¿Istikyaj wa a controlartik bukaʼaj ken a wukʼiʼ?

•   ¿Chéen wa táan a páaʼtik u kʼuchul u kʼiinil a kaʼa ukʼik?

•   ¿Uts ta tʼaan wa a sen ukʼik kex a wojel jeʼel a kʼojaʼantaleʼ yéetel jeʼel u yantaltech problemas yéetel a núupeʼ?

•   Le kéen a wóot a pʼateʼ, ¿jach wa ku beetik a pʼuʼujul yéetel a sen tsʼíiboltik a kaʼa ukʼik?

•   ¿Ka discutir wa yéetel a núup kéen u yaʼaltech tsʼoʼok u píitmáan a wukʼik?

•   ¿Tsʼoʼok wa u pʼáatal maʼ tu afectarkech le alcohol kex tsʼoʼok u maas yaʼabtal a wukʼikoʼ?

•   ¿Ka taʼakikaba wa utiaʼal a wukʼik? ¿Ka taʼakik wa alcohol ta wotoch wa teʼ tuʼux ka meyajoʼ?

 Wa ka waʼalik bey u yúuchultech tiʼ junpʼéel tiʼ le preguntaʼobaʼ u kʼáat u yaʼaleʼ táan a suut alcohólicoil.

 ¿Tsʼoʼok wa u yaʼaliktech a núup preocupado tumen ku yilik maʼ ta controlartik bukaʼaj ka wukʼik? Maʼ xaaneʼ hasta káaj tak a defenderkaba yéetel ta culpartaj a núup wa u maasil. ¿Ta waʼalaj wa lelaʼ?:

•   «Wa ka a tratarten maʼalobeʼ maʼ kun taaktal in wukʼik».

•   «Wa ka tocarnaktech juntúul patrón jeʼex le yaantenoʼ jeʼel xan a wukʼikeʼ».

•   «Maʼ chéen teen kin wukʼik beyoʼ, u maasiloʼobeʼ maas ku píitmáanoʼob».

 Wa tsʼoʼok a waʼalik le tʼaanoʼobaʼ u kʼáat u yaʼaleʼ maas ka preferirtik a wukʼik ke a kiʼimakkúuntik u yóol a núup. Pero le tuukul beyaʼ maʼ maʼalobiʼ.

 Teksto jeʼel u yáantajeʼ:<u202F>‹Le xiib tsʼokaʼan u beeloʼ [...] ku yilik bix jeʼel u pʼáatal maʼalobil tu táan u yataneʼ› (1<u202F>Corintios 7:33).

•   Chʼaʼ en cuenta bix u yuʼubikuba a núup. Kex ka a tukult chéen táan u exagerar a núupeʼ beet baʼax ku yaʼaliktech. Wa ka wuʼuyik maʼ tu páajtal a pʼatik le alcoholoʼ u kʼáat u yaʼaleʼ táan u suuttech vicioil.

   Teksto jeʼel u yáantajeʼ: «Cada juntúul máakeʼ maʼ u seguer u kaxtik chéen u yutsil, baʼaxeʼ u yutsil u yéet máakil» (1<u202F>Corintios 10:24).

•   Kaxt información. Juntúul soldadoeʼ utiaʼal u ganartik junpʼéel baʼateleʼ yáaxeʼ ku kʼaj óoltik u enemigo tsʼoʼoleʼ ku yilik bix jeʼel u ganartikeʼ. Teech xaneʼ utiaʼal u béeytal a pʼatik le alcoholoʼ kʼaʼabéet a wojéeltik baʼax beetik u taaktal a wukʼik bey xan baʼax consecuenciail jeʼel u taasiktecheʼ. Tsʼoʼoleʼ kʼaʼabéet xan a wilik baʼax jeʼel u páajtal a beetik utiaʼal a pʼatkeʼ yéetel maʼ a kaʼa lúubul tiʼ le vicioaʼ.

   Teksto jeʼel u yáantajeʼ: «Náachkuntabaʼex tiʼ u tsʼíibolal le bakʼoʼ, tumen leloʼ ku baʼateʼel ta contraʼex» (1<u202F>Pedro 2:11).

•   Kaxt áantaj. Yaan jejeláas lugaroʼob beetaʼanoʼob utiaʼal u yáantaʼal le máaxoʼob ku píitmáan u yukʼikoʼoboʼ. Jeʼel xan u páajtal a kʼáatik tiʼ juntúul a amigo ka u yáantech a wil baʼaxoʼob beetik u taaktal a wukʼik. Tsoʼoleʼ kéen a wuʼuy taak a kaʼa ukʼikeʼ tʼan utiaʼal a tsikbal tu yéetel.

   Teksto jeʼel u yáantajeʼ: «Juntúul jach maʼalob amigoeʼ ku yeʼesik yaabilaj tiʼ tuláakal súutukil, tu kʼiinil táan u muʼyaj máakeʼ letiʼeʼ bey juntúul sukuʼuneʼ» (Proverbios 17:17).

 Le máaxoʼob ku píitmáan u yukʼikoʼob alcoholoʼ maʼ ken u pʼatoʼob chéen tumen ku xokikoʼob maʼ maʼalobiʼ mix chéen ikil u yaʼalikoʼob jujunpʼíitil ken u pʼatoʼob. Maʼalob ka a kʼaʼajseʼ le alcoholoʼ maʼ chéen teech ku afectarkechiʼ baʼaxeʼ tak a núup.

 Utiaʼal a wojéeltik u maasil: Ilawil baʼax áant jujuntúul máakoʼob utiaʼal u xuʼulul u sen ukʼikoʼob alcohol.

 «Bejlaʼeʼ maʼ kʼasaʼanen jeʼex kaʼacheʼ»

 «Bejlaʼeʼ maas maʼalob bix kuxliken»

 «In wotocheʼ letiʼe calleoʼ»

 Chaʼant xan le video «Káaj in pʼektik le kuxtal kin bisik kaʼachoʼ»