Maʼ Dios beetik u yantal le nukuch loobiloʼoboʼ, baʼaxeʼ letiʼeʼ ku yaatal u yóol kéen u yil bix u sufrir máak. Le nukuch loobiloʼoboʼ táakaʼan ichil le baʼaxoʼob beetik k-sen sufrir teʼ kʼiinoʼobaʼ, le oʼolaleʼ u Reino Dioseʼ yaan u xuʼulsik le baʼaloʼob beyaʼ. Mientras u kʼuchul le kʼiin jeʼeloʼ Dioseʼ ku líiʼsik u yóol le máaxoʼob ku sufriroʼob yoʼolal le nukuch loobiloʼoboʼ (2 Corintios 1:3).

•  ¿Baʼaxten jach k-ojel de ke le nukuch loobiloʼoboʼ maʼ u castigo Diosiʼ?

•  Le nukuch loobiloʼoboʼ, ¿ku yeʼeskoʼob wa kuxaʼanoʼon tu tsʼook kʼiinoʼob?

•  ¿Bix u yáantik Dios le máaxoʼob ku sufriroʼob yoʼolal le nukuch loobiloʼoboʼ?

•  ¿Jeʼel wa u yáantkoʼon le Biblia utiaʼal k-preparartikba antes u yúuchul junpʼéel nojoch loobileʼ?

•  Tekstoʼob jeʼel u yáantik le máaxoʼob ku sufriroʼob yoʼolal le nukuch loobiloʼoboʼ

 Le Bibliaoʼ ku yaʼalikeʼ úuchjeakileʼ Dioseʼ meyajnajtiʼ le baʼaloʼob u beetmaj utiaʼal u castigartik le kʼasaʼan máakoʼoboʼ. Pero, ¿baʼax u jelaʼanil tiʼ le nukuch loobiloʼob ku yúuchul teʼ kʼiinoʼobaʼ?

•   Teʼ kʼiinoʼobaʼ le nukuch loobiloʼoboʼ ku beetik u muʼyaj tuláakal máak. Le Bibliaoʼ ku yaʼalikeʼ le ka meyajnaj tiʼ Jéeoba le nukuch loobiloʼob utiaʼal u castigartik le kʼasaʼan máakoʼoboʼ maʼ tu afectartaj le utsoʼoboʼ. Por ejemploeʼ, le ka tu xuʼulsaj u kaajiloʼob Sodoma yéetel Gomorraeʼ, Jéeobaeʼ tu salvartaj Lot yéetel u hijaʼob, tumen letiʼobeʼ utsul máakoʼob (Génesis 19:29, 30). Jéeobaeʼ u yojel baʼax yaan tu puksiʼikʼal Lot yéetel u hijas, le oʼolal chéen le kʼasaʼan máakoʼob tu xuʼulsaj tiʼoboʼ (Génesis 18:23-32; 1 Samuel 16:7).

•   Le nukuch loobiloʼoboʼ ku kʼuchloʼob teʼ súutukiloʼob mix máak páaʼtkoʼoboʼ. Úuchjeakileʼ antes u xuʼulsik Dios tiʼ le kʼasaʼan máakoʼob yéetel le nukuch loobiloʼoboʼ yáax táanileʼ ku avisarkoʼob. Le oʼolaleʼ le máaxoʼob ku yuʼubikoʼob tʼaanoʼ ku salvarkubaʼob (Génesis 7:1-5; Mateo 24:38, 39).

•   Yaan nukuch loobiloʼobeʼ ku yúuchloʼob yoʼolal le baʼaxoʼob ku beetik wíinikoʼ. ¿Bix u yúuchul lelaʼ? Tumen le máakoʼoboʼ táan u kʼaskúuntikoʼob le baʼaxoʼob yaan teʼ Luʼumaʼ. Bejlaʼeʼ jach yaan contaminación. Tsʼoʼoleʼ le máakoʼoboʼ ku beetik u yotochoʼob teʼ tuʼuxoʼob ku sen búululoʼ, tuʼux ku sen tíitkuba le luʼumoʼ bey xan teʼ tuʼuxoʼob maʼ jach maʼalob le climaoʼ (Apocalipsis11:18). Maʼ u culpa Dios u yúuchul le nukuch baʼaloʼobaʼ, tumen wíinik decidirtik baʼax ku beetik (Proverbios 19:3).

 Ku yeʼesik. Le profecíaoʼob yaan teʼ Bibliaoʼ ku yeʼeskoʼobeʼ le «táan u tsʼoʼokol tiʼ le yóokʼol kaabaʼ» wa «tu tsʼook kʼiinoʼobeʼ» yaan u yantal nukuch loobiloʼob (Mateo 24:3; 2 Timoteo 3:1). Le ka tʼaanaj Jesús tiʼ le baʼaxoʼob kun úuchul teʼ kʼiinoʼobaʼ, tu yaʼalaj: «Yaan u pʼáatal minaʼan baʼal jaantbil yéetel jejeláas tuʼux ken u tíituba le luʼumoʼ» (Mateo 24:7). Maʼ kun xáantaleʼ Dioseʼ yaan u xuʼulsik tuláakal le baʼaxoʼob beetik u sufrir wíinikoʼ, ichiloʼobeʼ táakaʼan le nukuch loobiloʼoboʼ (Apocalipsis 21:3, 4).

•   Dioseʼ ku líiʼsik u yóol máak yéetel le Bibliaoʼ. Le Bibliaoʼ ku asegurartiktoʼoneʼ Dioseʼ jach taak u yáantkoʼon, yéetel jach ku yaatal u yóol kéen u yil táan k-sufrir (Isaías 63:9; 1 Pedro 5:6, 7). Ku kaʼansik xaneʼ Dioseʼ yaan u xuʼulsik le nukuch loobiloʼob utiaʼal mantatsʼoʼ (Ilawil le cuadro « Tekstoʼob jeʼel u yáantik le máaxoʼob ku sufriroʼob yoʼolal le nukuch loobiloʼoboʼ»).

•   Dioseʼ ku meyajtiʼ u kaajal utiaʼal u líiʼsik u yóol le máaxoʼob ku sufriroʼoboʼ. Le profecíaʼob ku tʼaanoʼob yoʼolal Jesúsoʼ ku yaʼalikoʼobeʼ letiʼeʼ yaan u líiʼsik u yóol «le puksiʼikʼaloʼob uchaʼan loob tiʼoboʼ» bey xan «tuláakal le máaxoʼob yaachajaʼan u yóoloʼoboʼ» (Isaías 61:1, 2). Bejlaʼeʼ le máaxoʼob meyajtik Jéeobaoʼ ku yilik u seguerkoʼob u ejemplo Jesús (Juan 13:15).

   Tiʼ Dioseʼ ku meyaj u kaajal utiaʼal u tsʼáaik le áantaj kʼaʼabéet tiʼ le máaxoʼob ku sufriroʼob yoʼolal le nukuch loobiloʼoboʼ (Hechos 11:28-30; Gálatas 6:10).

 Jeʼeleʼ. Kex le Biblia maʼ junpʼéel libro ku tsoliktoʼon jach baʼax unaj k-beetik utiaʼal maʼ u yúuchultoʼon loobeʼ, pero ku taasik principioʼob jach jeʼel u yáantkoʼon bejlaʼeʼ. Koʼox ilik jujunpʼéeloʼobiʼ:

•   Tukult baʼax jeʼel a beetik wa ka úuchuk junpʼéel nojoch loobileʼ. Le Bibliaoʼ ku yaʼalikeʼ «le máax yaan u naʼatoʼ ku taʼakikuba kéen u yil junpʼéel peligro» (Proverbios 22:3). Le oʼolaleʼ jach maʼalob ka a tukult baʼax jeʼel a beetik antes u yúuchul junpʼéel nojoch loobileʼ. Ichil lelaʼ táakaʼan a beetik yéetel a familia junpʼéel mochila de emergencia bey xan a chʼaʼtuklikeʼex tuʼux ken a wilabaʼex wa ka úuchuk junpʼéel nojoch loobil. Tsʼoʼoleʼ ensayarteʼex le baʼax ta chʼaʼtukleʼexoʼ.

•   Kanáant a kuxtal tumen letiʼe baʼax maas kʼaʼanaʼan yaantechoʼ. Le Bibliaoʼ ku yaʼalik: «Mix baʼal t-taasaj way yóokʼol kaabeʼ yéetel mix baʼal xan jeʼel u páajtal k-biskeʼ» (1 Timoteo 6:7, 8). Unaj k-chʼaʼtuklik k-pʼatik k-otoch wa le baʼaxoʼob yaantoʼonoʼ, tumen le baʼax maas koʼoj yaantoʼonoʼ letiʼe kuxtaloʼ (Mateo 6:25).