Le Bibliaoʼ maʼatech u yaʼalik wa kʼaas u yuʼukʼul cerveza, chéen baʼaleʼ unaj u tsʼaʼabal u pʼiis yéetel u chʼaʼabal en cuenta baʼax ku yaʼalik le autoridadoʼoboʼ. Le baʼax u pʼeek Diosoʼ letiʼe u káaltal máakoʼ (Salmo 104:15; 1 Corintios 6:​10).

 Maʼ xaaneʼ yaan horaeʼ a amigoʼobeʼ ku yaʼalikoʼobtech ka a wukʼ cerveza pero le ley u tsʼaamaj le autoridadoʼoboʼ ku yaʼalik minaʼantech u edadil a wukʼik cerveza, tsʼoʼoleʼ a papáʼobeʼ u yaʼalmoʼobtech maʼ a wukʼik. ¿Baʼax jeʼel a beetik wa ka úuchuktech beyoʼ?

•  Kʼaʼajs baʼax jeʼel u yúuchleʼ

•  Chʼaʼtukult baʼax ken a beete

•  Baʼax ku yaʼalik uláakʼ paalaloʼob

 Maʼ xaaneʼ jujuntúul tiʼ a amigoʼobeʼ ku tuklikoʼobeʼ utiaʼal u kiʼimaktal u yóoloʼobeʼ kʼaʼabéet u yukʼikoʼob cerveza. Pero ¿baʼax jeʼel u yúuchultech wa ka wukʼikeʼ?

•  Jeʼel a kʼaʼalal cárceleʼ. Yaan tuʼuxeʼ le autoridadoʼoboʼ u yaʼalmoʼob tiʼ baʼax súutukil maʼ unaj u yuʼukʼul cervezaiʼ. Wa maʼ ta beetkeʼ jeʼel a multartaʼaleʼ, a castigartaʼaleʼ, u luʼsaʼal u licenciail a manejar yéetel jeʼel tak a kʼaʼalal cárceleʼ (Romanos 13:3).

•  Jeʼel u beetik u yaʼalaʼaltech baʼaleʼ. Kéen k-ukʼ cervezaeʼ maʼ tu páajtal k-controlartik baʼaxoʼob k-beetik. Yaan horaeʼ jeʼel tak aʼalik wa k-beetik baʼaloʼob jeʼel u suʼlakkúuntikoʼoneʼ (Proverbios 23:31-​33). Tsʼoʼoleʼ le baʼaxoʼob ka naʼaksik teʼ redes socialesoʼ jeʼel u beetik u yaʼalaʼaltech baʼaleʼ.

•  Jeʼel u bintech kʼaasileʼ. Wa kalaʼanecheʼ jach séeb jeʼel u beetaʼaltech loobeʼ yéetel jeʼel tak u beetaʼaltech baʼal kʼaaseʼ wa a violartaʼaleʼ. Tsʼoʼoleʼ jach séeb jeʼel a convencertaʼal a beet baʼax kʼaas wa baʼax peligrosoeʼ.

•  Jeʼel u pʼáatal vicioil techeʼ. Tsʼoʼok u yilaʼaleʼ wa desde ta paalil ka wukʼik cervezaeʼ maʼ xaaneʼ jeʼel u pʼáatal vicioil techeʼ. Wa ku suuktal a wukʼik cerveza kéen estresarnakech yéetel kéen a wuʼuyaba chéen ta juunaleʼ yaan u maas difíciltaltech a pʼatik le viciooʼ.

•  Jeʼel tak a kíimileʼ. Maʼ sen úucheʼ ilaʼabeʼ tu kaajil Estados Unidoseʼ cada 52 minutoseʼ ku kíimil juntúul máak tumen kalaʼan le táan u manejaroʼ. Tsʼoʼoleʼ tu yáamil cinco añoseʼ ilaʼabeʼ tiʼ cada añoeʼ kíim maas tiʼ 1,500 xiʼipalaloʼob maʼ u tsʼáa mix 21 años tiʼobiʼ. Lelaʼ ku yúuchul tumen le táan u manejaroʼoboʼ u yukʼmoʼob cerveza. Pero maʼ u tuʼubultecheʼ kex maʼ kalaʼanecheʼ wa ka bin tu coche juntúul máak kalaʼaneʼ ka tsʼáaik xan en peligroil a kuxtal.

 Antes a beetik wa baʼaxeʼ chʼaʼtukult wa maʼalob baʼax ken a beete, beyoʼ maʼ ken a beet baʼaloʼob jeʼel u beetik u yaatal a wóoleʼ.

 Le Bibliaoʼ ku yaʼalik: «Le máax yaan u naʼatoʼ ku taʼakikuba kéen u yil junpʼéel peligro» (Proverbios 22:3). Jach táaj peligroso u manejar máak wa kalaʼan bey xan wa ku beetik uláakʼ baʼaloʼob.

 Baʼax unaj in beetik: «Wa kin chʼaʼtuklik in wukʼik cervezaeʼ yaan in beetik jeʼex u yaʼalik le ley u tsʼaamaj le autoridadoʼoboʼ yéetel yaan in beetik tiʼ junpʼéel súutukil maʼ ten u afectarten».

 Le Bibliaoʼ ku yaʼalik: «Esclavoʼex tiʼ letiʼ tumen ka beetkeʼex baʼax u kʼáat» (Romanos 6:​16). Wa ka wukʼik cerveza chéen tumen bey u beetik a amigoʼoboʼ u kʼáat u yaʼaleʼ táan a chaʼik u controlarkechoʼob. Tsʼoʼoleʼ wa ka wukʼik chéen tumen triste a wuʼuyikabaeʼ mix bikʼin ken a kan a wutskíint a problemas.

 Baʼax unaj in beetik: «Junpuliʼ maʼ ken in chaʼa tiʼ mix máak ka u obligarten in wukʼ alcohol wa cerveza».

 Le Bibliaoʼ ku yaʼalik: «Maʼ a wantal ichil le máaxoʼob ku yukʼikoʼob yaʼab vinooʼ» (Proverbios 23:20). Wa ka biskaba yéetel máakoʼob suuk u káaltaloʼobeʼ mix junpʼéel kun antaltech, baʼaxeʼ yaan a tsʼáaik en peligroil a kuxtal.

 Baʼax unaj in beetik: «Maʼ ken in bisinba yéetel le máaxoʼob suuk u píitmáan u yukʼikoʼob cervezaoʼ».