A amigoʼobeʼ ku invitarkechoʼob tiʼ junpʼéel fiesta, pero le kéen a kʼáat permiso tiʼ a papáʼobeʼ jeʼex suukileʼ ku yaʼalikoʼobtech «maʼ tu páajtal a bin».

Teʼ xookaʼ yaan k-ilik:

•  ¿Baʼaxten maʼ tu tsʼaʼabalten permiso utiaʼal in divertirkinba?

•  ¿Baʼax jeʼel in beetik utiaʼal ka tsʼaʼabakten permisoeʼ?

•  Baʼax ku yaʼalik uláakʼ paalaloʼob

 ¿Baʼaxten maʼ tu tsʼaʼabalten permiso utiaʼal in divertirkinba?

 Wa ka wilik yaan jujunpʼéel baʼaloʼob maʼ tu chaʼabal a beetik tumen a papáʼobeʼ maʼ xaaneʼ ka tuklikeʼ maʼ u kʼáatoʼob ka a divertirtabaiʼ.

 Bey tu yuʼubiluba juntúul x-chʼúupal ku kʼaabaʼtik Marie le ka yanchaj u yáax celularoʼ. Letiʼeʼ ku yaʼalik: «In papáeʼ tu tsʼáajten yaʼab reglas, tu yaʼalajten baʼax aplicacióniloʼob jeʼel u páajtal in descargarkeʼ, máax jeʼel u páajtal in tʼankeʼ yéetel tak baʼax hora jeʼel u páajtal in usarkeʼ. Pero in amigoʼobeʼ jeʼel u páajtal u beetkoʼob jeʼel baʼalak u kʼáatoʼob yéetel u celularoʼobeʼ».

 Tukult lelaʼ: ¿Baʼax oʼolal aʼalaʼab tiʼ Marie bix ken u usartil u celular? ¿U pʼeekoʼob wa u divertirkuba wa chéen táan u kanáantaʼal?

 Beet lelaʼ: Tukleʼ techeʼ yaan juntúul a hijo yéetel yáax u manik u celularoʼ. ¿Baʼax peligroiloʼob a waʼalik jeʼel u yantaltiʼeʼ? ¿Bix jeʼel a kanáantikeʼ? ¿Baʼax jeʼel a waʼaliktiʼ wa ka u yaʼaltech maʼ ta chaʼik u divertirkubaeʼ?

 Tanyaeʼ ku yaʼalik: «In papáeʼ mantatsʼ ku yaʼalikten: ‹tsʼáaba tin lugar›. Leloʼ ku yáantken utiaʼal maʼ in sen tuukul tiʼ le reglas ku tsʼáaiktenoʼ, baʼaxeʼ tiʼ baʼaxten ku tsʼáaikten. Wa yaan in paalaleʼ jeʼel in waʼaliktiʼob ka u beetoʼob xan le baʼaxoʼob ku yaʼalikten in papáoʼ».

 ¿Baʼax jeʼel in beetik utiaʼal ka tsʼaʼabakten permisoeʼ?

 Ivyeʼ ku yaʼalik: «Tuláakal le reglas ku tsʼáaikten in papáʼoboʼ utiaʼal in wutsil. Maʼ wa u pʼeekoʼob in divertirkinbaiʼ, baʼaxeʼ u kʼáatoʼob ka in divertirtinba pero sin ke in wokskinba tiʼ problemas».

 Teksto jeʼel u yáantajeʼ: «Le j-maʼ naʼatoʼ ku chaʼik u jóokʼol tuláakal u pʼujaʼanil, pero le máax yaan u naʼatoʼ ku controlarkuba» (Proverbios 29:11).

 Melindaeʼ ku yaʼalik: «Yanaktech paciencia. Maʼ xaaneʼ kéen máanak kʼiineʼ jeʼel u kʼexkoʼob le reglas u tsʼaamoʼob techoʼ. Pero wa ka beetik le baʼaxoʼob ku yaʼalikoʼobtech beoraaʼ maas táanileʼ jeʼel u tsʼáaikoʼobtech maas permisoeʼ».

 Teksto jeʼel u yáantajeʼ: «Uʼuyeʼex u tʼaan a taataʼex tiʼ tuláakal baʼal» (Colosenses 3:20).

 Josepheʼ ku yaʼalik: «Le taatatsiloʼoboʼ u kʼáatoʼob u yiloʼob wa u paalaloʼobeʼ ku kanik u chʼaʼob maʼalob decisiónoʼob. le oʼolal kéen tsikbalnaken yéetel in papáʼob yoʼolal le reglas ku tsʼáaikoʼoboʼ kin wilik maʼ in sen tʼaan chéen tiʼ le baʼaxoʼob in kʼáat ka u chaʼob in beetkoʼ. Maas maʼalob u binten kéen in beet beyoʼ».

 Teksto jeʼel u yáantajeʼ: «Respetart a papá yéetel a maama» (Efesios 6:2).