Tuláakal baʼax kʼaʼabéet u kanáantaʼal utiaʼal maʼ u kʼastal, jeʼex junpʼéel coche wa junpʼéel naj. Utiaʼal maʼ u xuʼulul a wilik Jéeoba bey a amigoeʼ kex tsʼoʼok a wokjaʼeʼ yaan baʼaloʼob kʼaʼabéet xan a beetik. ¿Bey baʼaxoʼob jeʼel u yáantkecheʼ?

Koʼoneʼex ilik jujunpʼéeliʼ.

•  Maʼ u xuʼulul a xokik le Bibliaoʼ

•  Maʼ u xuʼulul a orar

•  Maʼ u xuʼulul a tʼaan tiʼ le baʼaxoʼob ka creerkoʼ

•  Maʼ u xuʼulul a bin teʼ reuniónoʼoboʼ

 Teksto jeʼel u yáantajeʼ: «Jach kiʼimakkúunteʼex u yóol mientras táan u yantal u yich tuláakal le uts ka beetkeʼexoʼ, bey xan le táan a maas chúukaʼan kʼaj óoltikeʼex Diosoʼ» (Colosenses 1:10).

 Baʼax u kʼáat u yaʼale: Kex tsʼoʼok a wokjaʼeʼ kʼaʼabéet u seguer a xokik le Bibliaoʼ yéetel a tuukul tiʼ le baʼax ka kanikoʼ (Salmo 25:4; 119:97).

 Baʼax jeʼel u tocar u yúuchultecheʼ: Maʼ xaaneʼ yaan kʼiineʼ maʼ kun taaktal a xook yéetel jeʼel tak a tuklikeʼ deporsi maʼ uts ta tʼaan a xookiʼ.

 Baʼax unaj a beetik: Investigart le temaʼob jatsʼuts a wilik yanoʼob teʼ Bibliaoʼ. Utiaʼal maʼ a wilik nak óol a xokik le Bibliaoʼ beet junpʼéel horario yéetel tsʼíibt baʼax ken a investigarte. Kʼaʼajaktecheʼ le baʼax a kʼáatoʼ a maas yaabiltik Jéeoba yéetel le baʼax ku yaʼalik le Bibliaoʼ. Wa ka beetkeʼ jach yaan u yáantkech, tsʼoʼoleʼ yaan a disfrutartik a xokik le Bibliaoʼ (Salmo 16:11).

 Beet lelaʼ: Kaxt junpʼéel lugar tranquilo tuʼux mix baʼal náaysik a wóol, beyoʼ yaan a maas jóoʼsik u yutsil le xook ka beetkoʼ.

 ¿Kʼaʼabéettech maas áantaj?

•   Xok le jaats:

   «¿Jeʼel wa u yáantken le Bibliaoʼ? Kaʼa jaats: ¿Bix jeʼel u yutstal ta wich u xookil le Bibliaoʼ?».

   «¿Baʼax jeʼel u yáantken in concentrartinbaeʼ?».

•   Chaʼant le video:

   Baʼax ku yaʼalik uláakʼ paalaloʼob: A xokik le Bibliaoʼ

•   Descargart:

   «U programail u xookil le Bibliaoʼ»

 Teksto jeʼel u yáantajeʼ: «Maʼ a sen chiʼichnaktaleʼex tu yoʼolal mix baʼal baʼaxeʼ aʼaleʼex tiʼ Dios ich oración tuláakal baʼax a kʼáateʼex. Kʼáat óolneneʼex tiʼ letiʼ yéetel tsʼáaʼex gracias tiʼ, beeteʼex yéetel tuláakal a puksiʼikʼaleʼex» (Filipenses 4:6).

 Baʼax u kʼáat u yaʼale: Utiaʼal a tsikbal yéetel Dioseʼ kaʼapʼéel baʼal kʼaʼabéet: Yáaxeʼ a wuʼuyik baʼax ku yaʼalik, leloʼ ka beetik le kéen a xok le Bibliaoʼ. Le u kaʼapʼéeloʼ a tʼaan tu yéetel, leloʼ ka beetik le kéen orarnakech. Jeʼel u páajtal a waʼaliktiʼ tuláakal baʼax ka tuklikeʼ yéetel a tsʼáaik u graciasil tiʼ yóolal tuláakal le baʼaxoʼob ku tsʼáaiktechoʼ.

 Baʼax jeʼel u tocar u yúuchultecheʼ: Maʼ xaaneʼ le kéen orarnakecheʼ junpʼéeliliʼ baʼal ka waʼalik tiʼ Jéeoba yéetel maʼ ta kaxtik baʼax uláakʼ jeʼel a waʼaliktiʼeʼ. Tsʼoʼoleʼ maʼ xaaneʼ ku káajal a tuklik wa Jéeobaeʼ ku yuʼubik le oraciónoʼob ka beetiktiʼoʼ yéetel wa jach tu jaajil u yaabiltmech (Salmo 10:1).

 Baʼax unaj a beetik: Sáamsamaleʼ tukult baʼaxoʼob taak a tsikbaltik tiʼ Jéeoba. Pero wa teʼ súutukil ka wilik maʼ tu páajtal a orareʼ ilawil maʼ u tuʼubultech le baʼax a kʼáat a waʼal tiʼ Jéeobaoʼ, beyoʼ kéen kʼuchuk u yorail a orareʼ ka waʼaliktiʼ. Tsʼoʼoleʼ kʼaʼajaktecheʼ kʼaʼabéet a orar tu yoʼolal u maasil, maʼ chéen ta woʼolaliʼ (Filipenses 2:4).

 Beet lelaʼ: Aʼal tiʼ Jéeoba jach bix a wuʼuyikaba tak wa ka tuklik junpʼéeliliʼ baʼax ka waʼalik cada ken orarnakech. Letiʼeʼ ku preocuparkuba ta woʼolal yéetel u kʼáat u yojéelt jach bix a wuʼuyikaba (1 Juan 5:14).

 ¿Kʼaʼabéettech maas áantaj?

•   Xok le jaats:

   «¿Baʼaxten kʼaʼabéet k-orar?»

•   Descargart:

   «¿Cómo puedo mejorar mis oraciones?», ich español.

 Teksto jeʼel u yáantajeʼ: «Maʼ u xuʼulul a kanáantkaba yéetel mantatsʼ jach kanáant baʼax ka kaʼansik. [...] Beyoʼ yaan a salvarkaba bey xan le máaxoʼob chʼenxikintikechoʼ» (1 Timoteo 4:16).

 Baʼax u kʼáat u yaʼale: Wa ka tsikbaltik le baʼaxoʼob ka creerkoʼ yaan u maas muʼukʼaʼantal a fe, tsʼoʼoleʼ yaan a salvarkaba bey xan le máaxoʼob uʼuyikechoʼ.

 Baʼax jeʼel u tocar u yúuchultecheʼ: Maʼ xaaneʼ jeʼel a sajaktal a tsikbalt le baʼaxoʼob ka creerkoʼ, maases tiʼ a wéet xookoʼob.

 Baʼax unaj a beetik: Maʼ u xuʼulul a tsikbaltik baʼaxoʼob ka creertik kex yaan hora ka suʼlaktal wa ka sajaktal. Juntéenjeakeʼ apóstol Pabloeʼ tu yaʼalaj: «Kʼubéentaʼanten ka in beet le nojoch meyajaʼ [in tsikbaltik u tʼaan Dios]» (1 Corintios 9:16, 17). Jeʼex k-ilkoʼ tak Pabloeʼ maʼ fácil tu yilil u predicariʼ pero tu yilaj u beetik tumen u yojel junpʼéel meyaj kʼubéentaʼantiʼ tumen Dios.

 Beet lelaʼ: Aʼal tiʼ a papáʼob ka u yáantechoʼob a kaxt juntúul maʼalob amigo jach u tsʼaamaj u yóol u meyajt Dios. U ejemploeʼ jeʼel u yáantkech a tsʼáa a wóol jeʼex letiʼoʼ (Proverbios 27:17).

 ¿Kʼaʼabéettech maas áantaj?

•   Xok le jaats:

   «¿Por qué temo hablar de mi fe?», ich español.

 Teksto jeʼel u yáantajeʼ: «Koʼoneʼex ilik bix jeʼel k-paklan áantikbaʼex utiaʼal ka yanak yaabilaj ichiloʼoneʼex bey xan utiaʼal ka k-beeteʼex baʼaloʼob maʼalobtak. Tsʼoʼoleʼ maʼ unaj u xuʼulul k-muchʼikbaex[iʼ]» (Hebreos 10:24, 25).

 Baʼax u kʼáat u yaʼale: Toʼoneʼ k-bin reunión tumen k-kʼáat adorart Jéeoba. Teʼ reuniónoʼoboʼ ku líiʼsaʼal xan k-óol tumen le sukuʼunoʼoboʼ, tsʼoʼoleʼ wa mantatsʼ k-bin yéetel k-ilik comentareʼ k-líiʼsik xan u yóoloʼob (Romanos 1:11, 12).

 Baʼax jeʼel u tocar u yúuchultecheʼ: Maʼ xaaneʼ le tiaʼanech teʼ reuniónoʼ ku káajal a tuukul tiʼ yaanal baʼaloʼob wa maʼ xaaneʼ maʼ ta bin tiʼ tuláakal le reuniónoʼoboʼ tumen taak a tsʼoʼoksik tuláakal a tarea.

 Baʼax unaj a beetik: Kex kʼaʼabéet a beetik tuláakal a tareaeʼ maas kʼaʼabéet a bin tiʼ tuláakal le reuniónoʼoboʼ. Uʼuy baʼax ku yaʼalaʼaliʼ, beyoʼ yaan u béeytal a comentar. Kéen tsʼoʼokok le reuniónoʼ felicitart máax comentarnaji wa máax tu máansaj junpʼéel jaats.

 Beet lelaʼ: Cada semanaeʼ ilawil a líiʼskaba utiaʼal le reuniónoʼoboʼ. Utiaʼal a beetik leloʼ jeʼel u páajtal a descargartik le aplicación JW Library® yéetel a wokol tuʼux ku yaʼalik «Reuniones».

 ¿Kʼaʼabéettech maas áantaj?

•   Xok le jaats:

   «¿Baʼax utsil jeʼel u taasiktech a bin teʼ muchʼtáambaloʼob ku beetik u testigoʼob Jéeobaoʼ?»