K-xokik bey u testigoʼob Jéeoba tuláakal le máaxoʼob ku predicartikoʼob u Reino Dios cada mesoʼ (Mateo 24:14). Táakaʼan le máaxoʼob okjaʼanajaʼanoʼoboʼ bey xan le máaxoʼob aʼalaʼantiʼob jeʼel u páajtal u predicaroʼob kex maʼ okjaʼanajaʼanoʼoboʼ.

 Maʼatech. U beetkuba máak Testigoil wa u tsʼaʼabaltiʼ wa baʼax meyajil ichil k-organizacióneʼ mix baʼal yaan u yil yéetel taakʼin (Hechos 8:18-20). Le taakʼin ku siʼibiloʼ maʼ ojéelaʼan máax tsʼáaikiʼ. Tak tuʼux ku páajtal yéetel jeʼex u síijil tu puksiʼikʼaloʼobeʼ tuláakal le Testigoʼoboʼ ku síik u tiempoʼob, u muukʼoʼob yéetel u taakʼinoʼob utiaʼal u predicartaʼal le Reino tiʼ tuláakal yóokʼol kaaboʼ (2 Corintios 9:7).

 Cada meseʼ le Testigoʼoboʼ ku tsʼáaikoʼob u yojéelt le congregación bukaʼaj tiempo predicarnajoʼoboʼ. Lelaʼ mix máak obligartik u beetoʼob.

 Le bukaʼaj tiempo tu beetaj le congregación táan u predicaroʼ ku láaj sumartaʼal, tsʼoʼoleʼ ku tsʼaʼabal u yojéelt le sucursal nuʼuktikoʼ. Le sucursal túunaʼ ku tsʼáaik ojéeltbil bukaʼaj tiempo tu beetaj cada junpʼéel tiʼ le luʼumoʼob tsʼaʼan u nuʼuktoʼ. Lelaʼ ku tsʼáaik ojéeltbil teʼ tuʼux ku nuʼuktaʼal u meyaj u testigoʼob Jéeobaoʼ.

 Le kéen tsʼoʼokok u añoil servicioeʼ  a ku yilaʼal jaytúul Testigoʼob yaan tiʼ cada luʼumil. Tsoʼoleʼ ku sumartaʼal utiaʼal u yilaʼal jaytúul Testigoʼob yaan tiʼ tuláakal yóokʼol kaab. Le jaats ku kʼaabaʼtik «Por todo el mundo» teʼ sitio tiʼ Internet jw.org ich españoloʼ, ku tsolik jach bukaʼaj meyaj tu beetaj le Testigoʼob tiʼ cada luʼumiloʼ. Le jatsʼuts baʼaloʼobaʼ ku líiʼsik k-óol jeʼex úuchik u líiʼsik u yóol le yáax cristianoʼoboʼ (Hechos 2:41; 4:4; 15:3).

 Maʼatech. Chéen baʼaleʼ jach ku kiʼimaktal k-óol ikil u muchʼkubaʼob t-éetel. U maas yaʼabil tiʼ le máakoʼobaʼ ku láakʼintikoʼon tiʼ u Kʼaʼajsajil úuchik u kíimil Cristo. Utiaʼal k-ojéeltik jaytúul máaxoʼob maʼ Testigoʼob binoʼobeʼ, chéen k-luʼsik le jaytúul Testigoʼob k-ojel yaan tiʼ tuláakal yóokʼol kaaboʼ. Tu añoil 2023, tuláakal le binoʼob teʼ Kʼaʼajsajiloʼ 20,461,767 máakoʼob.

 Yaʼab máakoʼob xaneʼ maʼatech u binoʼob teʼ reuniónoʼoboʼ pero ku tsʼaʼabaltiʼob xook yéetel le Bibliaoʼ. Tu añoil 2023, cada meseʼ óoliʼ 7,281,212 xookoʼob tsʼaʼabi. Yaan tiʼ le xoknáaloʼoboʼ junmúuchʼ u tsʼaʼabal xook tiʼob.

 U suukileʼ kéen beetaʼak le censooʼ ku kʼáataʼal tiʼ máak máakalmáak u religión. Jeʼex le Oficina del Censo de Estados Unidosoʼ ku yaʼalikeʼ, junpʼéel baʼax oʼolal ku censartaʼal le máakoʼoboʼ «utiaʼal u yojéeltaʼal wa ku yuʼubikoʼob táakaʼanoʼob tiʼ junpʼéel religión». Ku yaʼalik xaneʼ yaan máakoʼobeʼ chéen ku yaʼalikoʼob yaan u religiónoʼob kex maʼatech u binoʼobiʼ. Chéen baʼaleʼ toʼon u testigoʼon Jéeobaeʼ k-aʼalik Testigo chéen le máaxoʼob ku predicarkoʼob u Reino Dios yéetel ku tsʼáaikoʼob ojéeltbil bukaʼaj meyaj tu beetoʼoboʼ.