Le sede mundial tiʼ u testigoʼob Jéeobaoʼ tiaʼan Estados Unidoseʼ. Baʼaleʼ maʼ u kʼáat u yaʼal wa toʼoneʼ junpʼéel secta káaj Estados Unidosiʼ. Ilawil baʼaxten:

•   Ku yaʼalal secta tiʼ junmúuchʼ máakoʼob ku jatskubaʼob tiʼ junpʼéel religión. Toʼon u testigoʼon Jéeobaeʼ maʼ k-jatsmakba tiʼ mix junpʼéel religioniʼ. Baʼaxeʼ táan k-múul meyajtik Dios jeʼex úuchik u beetik le cristianoʼob tiʼ le yáax siglooʼ.

•   U testigoʼob Jéeobaeʼ táan u kʼaʼaytajoʼob tiʼ maanal doscientos treinta luʼumoʼob. Kex jeʼel tuʼuxak kajaʼanoʼoneʼ, maas kʼaʼanaʼan k-ilik k-beetik baʼax ku yaʼalik Jéeoba yéetel Jesucristo táanil tiʼ k-beetik baʼax ku yaʼalik u gobiernoil Estados Unidos wa uláakʼ gobierno (Juan 15:19; 17:15, 16).

•   K-creertik baʼax ku yaʼalik le Bibliaoʼ, maʼ le baʼax ku kaʼansik u nojchil junpʼéel religión yaan Estados Unidosoʼ (1 Tesalonicailoʼob 2:13).

•   K-kuxtal jeʼex tu kaʼansilak Jesucristooʼ, maʼ jeʼex u kaʼansik wíinikiʼ (Mateo 23:8-10).