Maʼ. U testigoʼon Jéeobaeʼ cristianoʼon, maʼ protestanteʼoniʼ. ¿Baʼaxten k-aʼalik?

 Yaʼab máakoʼobeʼ ku yaʼalikoʼobeʼ le iglesiaʼob protestanteʼoboʼ letiʼe religionoʼob ku tsʼáaikubaʼob tu contra le baʼaxoʼob ku kaʼansik le Iglesia Catolicaoʼ. U jaajileʼ mix toʼon k-creertik yaʼab tiʼ le baʼaxoʼob ku kaʼansik le Iglesia Catolicaoʼ, baʼaleʼ maʼ protestanteʼoniʼ. Ilawil baʼaxten:

1.   Yaʼab tiʼ le baʼaxoʼob ku kaʼansik le protestanteʼoboʼ ku bin tu contra le baʼax ku kaʼansik le Bibliaoʼ. Por ejemploeʼ, le Bibliaoʼ maʼ tu yaʼalik wa Dioseʼ junpʼéel Trinidad, baʼaxeʼ ku yaʼalikeʼ «chéen juntúul Dios» (1 Timoteo 2:5; Juan 14:28). Maʼ tu yaʼalik xan wa Dioseʼ yaan u pulik le kʼasaʼan máakoʼob teʼ infierno utiaʼal u muʼyajoʼob minaʼan u xuuloʼ, baʼaxeʼ chéen ku yaʼalikeʼ yaan u xuʼulskoʼob utiaʼal mantatsʼ (Salmo 37:9; 2 Tesalonicailoʼob 1:9).

2.   Maʼ k-kʼáat k-utskíint u kaʼansaj le Iglesia Catolicaoʼ, mix u kaʼansaj uláakʼ religioniʼ. Toʼoneʼ chéen k-kʼáat k-tsikbalt tiʼ u maasil le jatsʼuts baʼaloʼob ken u beet u Reino Diosoʼ yéetel k-áantkoʼob utiaʼal ka u creertoʼob (Mateo 24:14; 28:19, 20). Maʼ táan k-ilik utskíintik mix junpʼéel religioniʼ, baʼaxeʼ k-kʼáat k-kaʼans u jaajil yoʼolal Dios yéetel le Biblia tiʼ jeʼel máaxak uts tu tʼaaneʼ (Colosasiloʼob 1:​9, 10; 2 Timoteo 2:​24, 25).