Desicareʼ juntúul maamatsil kajaʼan Venezuela, yéetel tu juunal ku líiʼsik u hija. Letiʼeʼ taak u beetik u precursora regularil, chéen baʼaleʼ teʼ tuʼux kajaʼanoʼ jach yaan óotsililiʼ. Jach le ku káajal u beetik u precursoraileʼ ka káaj u pandemiail le COVID-19.

 Tu káajbaleʼ Desicareʼ maʼ tu kaxtik bix jeʼel u predicareʼ tumen jach difícil u yilik u tsʼíibtik cartas. Tu tsʼookeʼ maʼ tu páajtal u conectarkuba utiaʼal u predicar tiʼ videoconferencia tumen jach koʼoj le Internet teʼ tuʼux kajaʼanoʼ. Letiʼeʼ ku yaʼalik: «Jach lúub in wóol. Chéen ka téek kʼexpaj tuláakal. Tin wuʼuyaj maʼ tin tsaʼayal in beet in precursorail».

 Chéen baʼaleʼ enero tiʼ 2021, u sucursalil Venezuelaeʼ tu yaʼalaj yaan u yantal junpʼéel campana especial utiaʼal u yúuchul predicar. Utiaʼal leloʼ contratartaʼab 60 estaciónoʼob tiʼ radio yéetel 7 canaloʼob tiʼ televisión utiaʼal u máansaʼal discursoʼob cada fin de semana durante le mesoʼ. Le beetik aʼalaʼab tiʼ le sukuʼunoʼoboʼ ka u invitartoʼob le máakoʼob utiaʼal ka u chaʼantoʼob wa ka u yuʼuboʼob le discursoʼob kun máansbiloʼ. Tsʼoʼoleʼ le sucursaloʼ tu túuxtaj junpʼéel lista preguntaʼob bey xan tekstoʼob yaan yil yéetel le discursoʼob kun máansbiloʼoboʼ, beyoʼ jeʼel u páajtal u meyaj tiʼ le sukuʼunoʼob kéen predicarnakoʼob tiʼ carta wa tiʼ teléfonooʼ. Tsʼoʼoleʼ jach animartaʼaboʼob xan utiaʼal ka predicarnakoʼob tiʼ mensajes. Lelaʼ junpʼéel baʼal túumben utiaʼal le sukuʼunoʼob yanoʼob Venezuelaoʼ.

 Desicareʼ jach kiʼimakchaj u yóol yoʼolal le campañaoʼ. Kex mix juntéen predicarnak tiʼ mensajeeʼ tu chʼaʼtuklaj u beetik. Letiʼeʼ ku yaʼalikeʼ jach maʼ u yojel u usart le celularoʼ, le oʼolal tu yaʼalaj tiʼ u hija ka kaʼansaʼak u usarte. U maʼalobileʼ maʼ xáanchaj ka tu kaniʼ.

 Letiʼeʼ tu túuxtaj mensajes tiʼ yaʼab máakoʼob u kʼaj óoloʼob utiaʼal u invitarkoʼob u yuʼuboʼob le discursoʼob kun máansbiloʼ. Desicareʼ jach jaʼakʼ u yóol ka yilaj bix biniktiʼ, tumen yaʼab tiʼ le máaxoʼob tu invitartoʼ tu yuʼuboʼob le discursoʼoboʼ yéetel tu beetoʼob preguntaʼob tiʼ. Tsʼoʼoleʼ le máaxoʼob maʼ páajchaj u yuʼubikoʼob le discursooʼ tu kʼáatoʼobtiʼ baʼax kaʼansaʼabi. Letiʼeʼ ku yaʼalik: «Tin beetaj junpʼéel resumen tiʼ le baʼaxoʼob aʼalaʼaboʼ ka tin tsikbaltajtiʼob. ¡Mix juntéen in beet 5 revisitas tiʼ junpʼéel mes, pero ka tsʼoʼok le campañaoʼ tin beetaj 112 revisitas!». a

 Desicar xaneʼ tu invitartaj u kiik utiaʼal u yuʼubik le discursoʼob kun máansbil tiʼ radiooʼ. Desicareʼ ku yaʼalik: «Jach jaʼakʼ in wóol ka tin wuʼuyaj u yaʼalikeʼ jeʼeleʼ. Le oʼolaleʼ cada domingo láas 8:00 de la mañanaeʼ kin bin tu yotoch utiaʼal k-múul uʼuyik le discursooʼ. Letiʼeʼ ku beetikten yaʼab preguntas le táan le discursooʼ bey xan kéen tsʼoʼokok». U kiik Desicareʼ tu conectartuba xan utiaʼal le Kʼaʼajsajil úuchik u kíimil Cristooʼ, tsʼoʼoleʼ hasta tu chaʼaj tiʼ Desicar u conectarkuba tu internet utiaʼal u predicar.

 Desicareʼ ku yaʼalik: «Jach kin tsʼáaik gracias tiʼ Jéeoba bey xan tiʼ le ancianoʼob yanoʼob tin múuchʼuliloʼ tumen jach tu animartenoʼob yéetel tu yáantenoʼob utiaʼal ka seguernak in disfrutartik le predicaciónoʼ» (Jeremías 15:16). Le kiikaʼ láayliʼ táan u beetik u precursoraileʼ yéetel táan u yáantik le máakoʼob taakchaj u maas kaanbaloʼob predicarnajtiʼob tiʼ mensajeoʼ.