耶和华​造​咗​第​一​个​女人​夏娃，将​佢​赐​俾​亚当​做​太太。（创世记​2:21，22）

耶和华​赐​俾​佢哋​嘅​头脑​同​身体​都​系​十全十美，毫无​缺陷​嘅。

亚当​同​夏娃​住​喺​伊甸园​里面。伊甸园​系​一​个​好​靓​嘅​乐园，嗰度​有​河，有​各种​各样​嘅​果树​同​动物。

佢哋​仲​可以​同​耶和华​倾计，受​耶和华​教导。如果​佢哋​听​上帝​嘅​话，就​可以​喺​地上​嘅​乐园​里面​永远​生活​落去。

耶和华​话​俾​亚当​夏娃​知，伊甸园​入面​有​棵​特别​嘅​树，又​吩咐​佢哋​唔好​食​上面​嘅​果，如果​食​咗​就​一定​会​死。

一​个​天使​背叛​上帝，呢个​变​坏​嘅​天使​称为​魔鬼​撒但。

撒但​唔​想​亚当​同​夏娃​听​上帝​嘅​话，就​用​一​条​蛇​同​夏娃​讲，如果​佢​食​咗​呢​棵​树​嘅​果，唔单止​唔​会​死，仲​可以​好似​上帝​噉。佢​当然​系​讲​大话​啦。（创世记​3:1-5）