喺​牺牲​前​一​晚，耶稣​劝​使徒​唔​好​喺​信徒​当中​追求​显要​嘅​地位。佢​话：“列国​嘅​君王​主宰​人民，掌权​治理​佢哋​嘅​称​为‘恩主’。不过​你哋​唔​好​噉样。”（路加福音​22:25,26）

耶稣​所​讲​嘅“恩主”指​嘅​系​乜嘢​人​呢？我哋​从​一啲​铭文、钱币​同​著作​可以​睇到，古代​嘅​希腊​同​罗马​社会​习惯​用​施惠​者​或者​恩主​呢啲​头衔​嚟​荣耀​著名​人物​同埋​统治者。呢啲​人​之​所以​得到​尊荣，系​因为​佢哋​为​民众​提供​咗​一啲​重要​嘅​服务。

好多​君王​都​有“恩主”呢个​头衔，包括​埃及王​托勒密​三世（约​公元前​247-222​年）同​托勒密​八世（约​公元前​147-117​年）、罗马​统治者​尤利乌斯·凯撒（公元前​48-44​年）同​奥古斯都（公元前​31​年－公元​14​年），以及​犹地亚王​希律​大帝。希律​大帝​可能​因为​喺​饥荒期​间​为​民众​提供​谷物​同​衣物​而​得到​呢个​头衔。

根据​德国​圣经​学者​阿道夫·德斯曼​所​讲，“恩主”呢个​头衔​用​得​好​广泛。佢​话：“从​铭文​搜集​信息​一啲​都​唔​难，用​少少​时间​就​可以​揾​到​超过​100​处［用​到​呢个​头衔］。”

噉​耶稣​对​佢​嘅​门徒​讲“不过​你哋​唔​好​噉样”，系​乜嘢​意思？耶稣​系咪​叫门​徒​唔​好​热心​参与​公益​活动，即​系​唔使​关心​周围​嘅​人​呢？当然​唔​系。睇嚟​耶稣​留意​嘅​系​人​表现​慷慨​嘅​动机。

喺​耶稣​嘅​日子，有​钱​人​会​赞助​竞技场​嘅​表演​同​运动，建造​公园​同​神庙，以及​支持​其他​类似​嘅​活动，以​求​得到​好​嘅​名声。不过，佢哋​噉样​做​嘅​目的，系​想​获得​称赞、人气​或者​选票。一​本​参考书​话，“虽然​有啲​人​表现​慷慨​出于​真诚，但系​大多数​人​主要​系​为咗​个​人​嘅​政治​利益。”所以，耶稣​劝​佢​嘅​门徒​唔​好​有​呢​种​野心勃勃​同​自私​嘅​精神。

几​年​之后，保罗​同样​强调​咗​呢个​重要​嘅​原则，就系​基督徒​应该​怀​住​正确​嘅​动机​表现​慷慨。佢​写​信​俾​哥林多​嘅​信徒​话：“每​个​人​要​照​心里​所​决定​嘅​去​做，唔​好​勉强​或者​觉得​被迫，因为​上帝​喜爱​捐​得​快乐​嘅​人”。（哥林多后书​9:7）