你记唔记得?
你有冇仔细读过最近几期《守望台》嘅内容呢?睇吓答唔答到以下嘅问题:
圣经点样表明上帝有同情心,能够体恤我哋?
古代以色列人喺埃及做奴隶嘅时候,上帝唔单止见到佢哋受苦,仲感受到佢哋嘅痛苦。(出埃及记3:7;以赛亚书63:9)我哋系按照上帝嘅形像创造嘅,所以我哋都会有同情心。有时我哋可能会觉得自己唔配得到上帝嘅爱,即使系噉,上帝仍然体恤我哋、同情我哋。——《守众》2018.3期8-9页
耶稣嘅教导点样帮助人消除偏见呢?
耶稣喺地上嘅时候,好多犹太人都对人有偏见。耶稣谴责种族歧视,强调人要培养谦卑,仲促请门徒要将信徒同工视为弟兄姊妹。——《守》2018.6刊9-10页
耶和华唔允许摩西进入应许之地,我哋从呢件事学到乜嘢?
摩西同耶和华有亲密嘅关系。(申命记34:10)以色列人喺旷野流浪四十年嘅生活就快结束嗰阵,佢哋又再次埋怨冇水饮。上帝叫摩西向岩石讲话,但系摩西冇照做,反而击打岩石。耶和华发怒嘅原因,好可能系因为摩西冇按照指示去做,又或者系因为摩西冇将功劳归俾真正施行奇迹嘅耶和华。(民数记20:6-12)从呢件事我哋学到,服从同埋荣耀耶和华好重要。——《守》2018.7刊13-14页
如果我哋只系睇人嘅外表,就好容易根据乜嘢嚟判断人?
好多人都根据种族、财富、年龄嚟衡量人。但耶和华系唔偏心嘅,我哋应该用佢嘅观点去睇其他人,噉样做好重要。(使徒行传10:34,35)——《守》2018.8刊8-12页
年长嘅基督徒可以喺边啲方面帮助其他人?
年长嘅基督徒就算职责改变咗,耶和华依然好珍视佢哋。而佢哋仲系可以做好多嘢帮助其他人,例如进一步认识会众成员嘅不信配偶、帮助停止传道嘅弟兄姊妹、教导人学习圣经,同埋喺传道方面扩大服务。——《守》2018.9刊8-11页
基督徒嘅教导工具箱有乜嘢工具?
有网站名片、会众聚会邀请单、八份精心设计嘅传单、《守望台》同《警醒!》杂志、几本册子、用嚟教导圣经学生嘅两本书,同埋四部实用嘅短片,例如《点解要学习圣经?》。——《守》2018.10刊16页
箴言23:23鼓励人要“买真理”,噉基督徒点样做就系“买真理”呢?
我哋唔使俾钱买真理。不过,我哋确实需要付出时间同精力先至可以获得真理。——《守》2018.11刊4页
从何西阿对待妻子歌篾嘅方式,我哋可以学到乜嘢?
虽然歌篾多次通奸,但何西阿宽恕佢,仲系同佢保持婚姻关系。如果一个基督徒嘅配偶犯咗淫乱,清白嘅一方可以选择宽恕。如果佢同犯错嘅配偶恢复性关系,就表明已经原谅对方,噉佢就冇基于圣经嘅理由离婚嘞。——《守》2018.12刊13页