发出亮光,荣耀耶和华
“你哋嘅光亦应该喺人前照耀,噉样人就可以睇见你哋嘅善行,将荣耀归于你哋嘅天父。”——马太福音5:16
1.我哋因乜嘢事而特别喜乐?
上帝嘅子民正发出亮光照耀整个世界。见到耶和华嘅子民不断增加,我哋感到非常振奋!喺过去嘅一年,我哋主持超过一千万个圣经课程。千百万对圣经感兴趣嘅人参加咗耶稣受难纪念聚会,了解到耶和华点样通过赎价向人类表现爱心。(约翰一书4:9)
2,3.(甲)乜嘢妨碍唔到我哋 “如同明光照耀”?(乙)呢篇课文会讨论同马太福音5:14-16有关嘅乜嘢问题?
2 耶和华嘅子民遍布世界各地,使用嘅语言各不相同。不过,呢个妨碍唔到我哋团结起嚟赞美天父耶和华。(启示录7:9)无论我哋讲乜嘢语言或者生活喺边度,都能够“喺世人当中如同明光照耀”。(腓立比书2:15)
3 我哋努力传道,促进团结同埋不断守望,就能够为耶和华带嚟荣耀。呢篇课文会讨论,我哋喺呢三方马太福音5:14-16)
面点样发出亮光。(请读帮助人崇拜耶和华
4,5.(甲)除咗传道之外,我哋仲可以点样发出亮光?(乙)我哋友善嘅态度可以带嚟乜嘢好结果?(请睇吓课文开头嘅图片)
4 《守望台》1925年6月1日刊(英语)有一篇题目为“黑暗中嘅亮光”嘅文章话:“一个人除非喺黑暗中努力发出亮光,否则喺剩余嘅日子,佢好难对主保持坚定嘅信心。”呢篇文章跟住解释话:“佢必须向所有人传讲好消息,发出亮光,自己都要跟从呢啲亮光而行。”显然,我哋传讲好信息并帮助人成为基督徒就系发出亮光。(马太福音28:19,20)另外,我哋可以通过自己嘅行为荣耀耶和华。住户同其他人都会留意到我哋嘅言行举止。我哋友善嘅微笑同真诚嘅问候可以帮助佢哋睇出,我哋系点样嘅人以及我哋崇拜点样嘅上帝。
5 耶稣对门徒讲:“你哋入嗰一家嘅时候,要向家里嘅人问好。”(马太福音10:12)喺耶稣同使徒当时嘅传道地区,人邀请陌生人去自己屋企作客系好平常嘅事。不过喺现代,好多地方都冇噉嘅习惯。通常,好多人见到陌生人敲自己嘅门都会觉得紧张或者好烦。但系,如果我哋嘅态度亲切友善,住户就会放松好多,冇咁反感。好多弟兄姊妹发觉,做公众场所见证嘅时候,向路人微笑同打招呼会更容易吸引对方留意我哋嘅书刊,待人亲切友善亦都有助于我哋打开话题。
6.一对年长嘅夫妇点样扩大佢哋嘅传道工作?
6 英国一对年长嘅夫妇因为健康问题,唔能够经常参与逐家逐户传道。佢哋屋企附近有间学校,好多家长会嚟接小朋友放学。为咗向呢啲家长作见证,佢哋就喺屋企外面摆咗张台,用嚟展示圣经书刊。好多家长出于好奇都攞咗《青年人所提出的问题——有实效的答案》第1、2册同其他册子。后来,会众一个先驱姊妹亦都加入佢哋嘅传道。由于呢对夫妇待人真诚,先驱姊妹态度友善,结果一个家长受到吸引,接受咗圣经课程。
7.你可以点样帮助自己地区嘅难民?
7 近年来,好多国家都有大量嘅难民涌入。你可以点样帮助自己地区嘅难民认识耶和华同佢嘅旨意?首先,学习用佢哋嘅语言向佢哋打招呼。JW Language应用程式系一个帮助你学习外语嘅好工具。跟住,学几句可以引起佢哋兴趣嘅传道介绍词。然后,向佢哋介绍jw.org网站,以及佢哋母语嘅影片同书刊。(申命记10:19)
8,9.(甲)我哋喺周中聚会得到乜嘢实际嘅帮助?(乙)父母可以点样帮助仔女喺聚会发表评论?
8 耶和华仁爱噉通过传道与生活聚会向我哋提供实用嘅指引,帮助我
哋做续访同主持圣经课程嘅时候更有自信,使我哋嘅传道工作更有成效。9 好多啱啱开始参加聚会嘅人,见到我哋嘅仔女积极参与评论,都对此留低咗深刻嘅印象。做父母嘅,要教仔女用自己嘅话嚟发表评论,帮助佢哋发出亮光。佢哋简单、发自内心嘅评论可能会激发新近感兴趣嘅人睇出呢个就系真理。(哥林多前书14:25)
促进团结
10.家庭崇拜点样帮助一家人更加团结?
10 我哋喺家庭同会众促进团结亦都系发出亮光。父母应该定期举行家庭崇拜。好多人喺家庭崇拜嘅时候会收睇每个月嘅JW电视网节目。睇完之后,一家人可以抽啲时间讨论吓点样应用其中嘅要点。父母要记住,小朋友同青少年嘅需要唔一样,主持家庭崇拜嗰阵可能要用唔同嘅方法嚟引导儿女。父母要善用研读资料,使家庭嘅每个成员从家庭崇拜得益。(诗篇148:12,13)
关怀年长嘅弟兄姊妹可以彼此强化(请睇第11段)
11-13.我哋所有人可以点样喺会众促进团结,并帮助其他人发出亮光?
11 年轻人喺会众可以点样促进团结并鼓励其他人发出亮光?如果你系一个年轻嘅基督徒,可唔可以立下目标,多啲关注年长嘅弟兄姊妹?你可以用尊重嘅态度问吓佢哋多年以来事奉耶和华嘅经历。噉样做,无论你定系佢哋都会受到强化,更加积极去发出真理嘅亮光。我哋每个人都可以立下目标,欢迎所有嚟王国聚会所参加聚会嘅人。你可以用友善嘅笑容向佢哋打招呼,或者帮助佢哋揾座位。你亦都可以介绍其他人俾佢哋认识,使佢哋有宾至如归嘅感觉。
12 如果你受委派负责主持传道前聚会,你可以为年长嘅弟兄姊妹作适当嘅安排。你可以考虑吓,有冇适合佢哋嘅传道地区。有时,你都可以为利未记19:32)
佢哋安排一个比佢哋年轻嘅传道同伴,使佢哋得到实际嘅帮助。有啲弟兄姊妹受健康或其他个人情况所限,唔能够为耶和华做好多。无论弟兄姊妹年轻抑或年长,有经验抑或冇经验,我哋都可以关心体谅佢哋。噉佢哋就可以得到鼓励,继续热心传讲好消息。(13 以色列人一齐喜乐噉崇拜耶和华。诗篇执笔者对此有感而发,话:“睇吓!弟兄团结同住,几咁美善,几咁可喜!”(请读诗篇133:1,2)呢种团结就好似圣膏油噉,令人身心愉悦又倍感安舒。我哋可以定下目标,喺弟兄姊妹当中主动促进团结。如果你已经噉样做,就真系值得称赞嘞。你可唔可以“开阔心胸”,继续加深对弟兄姊妹嘅认识?(哥林多后书6:11-13)
14.你可以点样向邻居发出亮光?
14 你可唔可以作出更多努力向人发出圣经真理嘅亮光?你仁慈嘅言行可以吸引邻居认识真理。我哋可以谂吓:“邻居对我有点样嘅评价?我有冇使家居物业保持整洁,令隔篱邻舍觉得舒服?我可唔可以主动帮助其他人?”你同其他见证人交谈嘅时候,不妨多啲请教佢哋,睇吓佢哋亲切友善噉对待自己嘅亲人、邻居、同事或者同学得到乜嘢美好嘅结果。你可能会听到好多鼓舞人心嘅经历。(以弗所书5:9)
不断守望
15.点解不断守望好重要?
15 我哋想继续发出亮光,就要清楚明白我哋正生活喺乜嘢日子。耶稣多次劝勉佢嘅门徒“要不断守望”。(马太福音24:42;25:13;26:41)如果我哋觉得“大患难”好遥远,唔会喺自己有生之年嚟到,就会对传道工作缺乏紧迫感。(马太福音24:21)我哋有噉样嘅态度,发出嘅光就会变得暗淡,甚至完全消失。
16,17.你可以点样不断警醒守望?
16 随住呢个非常时期嘅情况不断恶化,我哋所有人都要不断守望。耶和华一定会喺适当嘅时候采取行动。(马太福音24:42-44)我哋喺最后嘅日子要表现耐心,时刻警醒。要每日研读上帝嘅话语,不断祷告。(彼得前书4:7)另外,亦都可以留意嗰啲喜乐噉不断守望,发出亮光嘅弟兄姊妹嘅忠贞榜样。我哋可以阅读弟兄姊妹嘅生平事迹,例如刊登喺《守望台》2012年4月15日刊18-21页嘅一篇文章,题目为“七十年来抓紧‘犹太人的衣袍’”。
17 要经常参加可以强化我哋灵性嘅活动同交往。噉样,我哋就可以得到好大嘅喜乐,亦都会觉得日子过得好充实。(以弗所书5:16)耶和华嘅子民喺过去一百年成就咗好多事。今日,我哋有更多嘅属灵工作要做。喺耶和华嘅指引下,王国取得越来越多 嘅成就,超出我哋嘅想象。我哋嘅亮光的确越照越明!
牧养探访使我哋有机会从上帝嘅话语得到智慧(请睇第18、19段)
18,19.点解话会众嘅长老系耶和华嘅恩赐?请举例。
18 虽然我哋唔完美,但系耶和华都俾机会我哋事奉佢。佢为咗帮助我哋,“将人赐下,作为恩赐”。经文所讲嘅恩赐,就系会众嘅长老。(请读以弗所书4:8,11,12)我哋接受牧养探访嘅时候,要把握机会向长老学习,听取佢哋嘅劝告。
19 喺英国,两个长老向一对喺婚姻方面遇到难题嘅基督徒夫妇提供帮助。姊妹觉得丈夫喺属灵方面冇带好头,而弟兄就觉得自己教导技巧唔好,并承认冇经常举行家庭崇拜。长老请呢对夫妇谂吓耶稣点样悉心照顾门徒,留意门徒嘅需要。长老劝勉丈夫,喺照顾家人方面要效法耶稣嘅榜样,亦都鼓励妻子要有耐心。长老又俾咗佢哋一啲实际嘅建议,帮助佢哋学识点样一齐合作,同两个仔女举行家庭崇拜。(以弗所书5:21-29)后来,长老称赞丈夫作出努力,鼓励佢要继续坚持并倚靠圣灵做一个好家主。长老仁爱噉关怀、支持呢个家庭,帮助佢哋发出亮光。
20.你发出亮光会有乜嘢好结果?
20 诗篇执笔者话:“凡敬畏耶和华、遵行佢嘅道嘅人几咁有福!”(诗篇128:1)你帮助人认识上帝,主动促进团结,不断守望,就系发出自己嘅亮光嘞。噉样,你就会越来越快乐。你良好嘅行为亦都可以使其他人受到推动,将荣耀归于天父。(马太福音5:16)