所罗门​系​罗波​安​嘅​父亲，佢​统治​咗​以色列​40​年。（列王纪上​11:42）所罗门​喺​公元前​997​年​去世。之后，罗波​安​从​耶路撒冷​去​到​示​剑​登基​作​王。（历代志下​10:1）所罗门​智慧​出众​系​众​所​周​知​嘅，罗波​安​继承​王位​嘅​时候​会​唔​会​因为​噉​而​觉得​有​压力​呢？好​快，佢​就​要​证明​自己​系咪​有​足够​嘅​智慧​解决​棘​手​嘅​问题。

以色列人​觉得​受​到​压迫，于是​派​人​向​罗波​安​提​出​佢哋​嘅​请求，话：“你​父亲​使​我哋​担负​重​轭，而家​如果​你​减轻​你​父亲​加​喺​我哋​身上​嘅​苦​役​同​重​轭，我哋​就​事奉​你。”（历代志下​10:3,4）

罗波​安​可能​觉得​左右​为​难。如果​佢​满足​民众​嘅​要求，减轻​佢哋​嘅​重担，噉​就​意味​住​佢​自己、王​室​成员​以及​官​员​可能​要​减少​一啲​奢侈​嘅​享受。另​一​方面，如果​佢​拒绝，噉​民众​就​可能​会​发动​叛乱。佢​点样​做？佢​首先​向​曾经​做​过​所罗门​参谋​嘅​长老​征求​意见，跟住​又​去​揾​一啲​同​佢​年纪​差唔多​嘅​年轻人​商议。最后，罗波​安​采纳​咗​年轻人​嘅​建议，决定​要​严厉​对待​佢​嘅​子民，回​复​话：“我​要​加​重​你哋​嘅​轭，使​你哋​担负​更​重​嘅​轭；我​父亲​用​鞭​子​责​打​你哋，而​我​就​要​用​蝎​子​鞭责​打​你哋。”（历代志下​10:6-14）

你​从​呢​件​事​吸取​到​乜嘢​教训？一啲​年长​嘅​人​灵性​成熟，我哋​听​取​佢哋​嘅​意见​系​明智​之​举。佢哋​亦​都​有​丰富​嘅​经验，或者​可以​预料​到​一​个​决定​会​有​点样​嘅​结果，从​而​向​我哋​提​出​好​嘅​建议。（约伯记​12:12）

罗波​安​召集​佢​嘅​军队，想​镇压​呢​场​叛乱，不过​耶和华​通过​示玛雅​先知​同​佢​讲：“你哋​唔​可 以​上​去​同​你哋​嘅​弟兄​以色列人​交​战。你哋​各自​返​屋企​啦，因为​呢​件​事​系​出于​我​嘅。”（列王纪上​12:21-24） *

唔​可以​开​战？要​听从​耶和华​嘅​吩咐​容​唔​容易​呢？罗波​安​作为​君王，之前​已经​讲​过​要“用​蝎​子​鞭”惩罚​佢​嘅​子民，如果​佢​咁​快​就​对​呢​场​公​然​嘅​叛乱​作出​让步，民众​会​点​谂​呢？（参考​历代志下​13:7）不过​最后，罗波​安​同​佢​嘅​军队​仲系“听从​耶和华​嘅​话，照​耶和华​嘅​话​返去​屋企”。

我哋​从中​学​到​乜嘢？就算​会​成为​人哋​嘅​笑​柄​都​要​听从​耶和华​嘅​吩咐，噉样​做​非常​明智。我哋​服从​上帝，就​可以​得到​佢​嘅​悦纳​同​赐​福。（申命记​28:2）

罗波​安​呢​次​服从​上帝，放弃​攻​打​北方​十​部族，之后​得到​乜嘢​福分？佢​喺​自己​统治​下​嘅​犹大​同​便雅悯​部族​建造​城市，亦​都​重建​并“大大​巩固”咗​好多​座​城。（历代志下​11:5-12）更​重要​嘅​系，有​一​段​时间​佢​遵守​耶和华​嘅​律法。当时，以色列国​嘅​十​部族​喺​耶罗波​安​嘅​统治​下​都​崇拜​偶像，不过​佢哋​当中​有​好多​人​都​支持​罗波​安，去​耶路撒冷​表明​自己​拥护​正确​崇拜。（历代志下​11:16,17）罗波​安​因为​服从​上帝，而​使​自己​嘅​王权​得​以​巩固。

罗波​安​喺​佢​嘅​王权​稳定​之后，做​咗​啲​出​人​意​料​嘅​事。佢​竟然​违反​耶和华​嘅​律法​信奉​异教！点解​会​噉？佢​母亲​系​亚扪​人，所以​好​可能​佢​系​受​母亲​影响。（列王纪上​14:21）无论​原因​系​乜嘢，成​个​国族​都​跟随​咗​佢​嘅​行​径。所以，耶和华​容许​埃及​王​示​撒​入侵​犹大。好多​城​尽管​已经​得到​巩固，但​仲系​被​埃及人​攻​占！（列王纪上​14:22-24；历代志下​12:1-4）

后来，示​撒​攻​到​罗波​安​所​在​嘅​耶路撒冷​城，形势​就​更加​紧迫。呢个​时候，示玛雅​先知​向​罗波​安​同​众​领袖​宣告​耶和华​嘅​信息：“你哋​既然​离弃​我，我​亦​必​离弃​你哋，将​你哋​交​喺​示​撒​嘅​手。”罗波​安​对​耶和华​嘅​管教​有​乜嘢​反应？圣经​话：“以色列​嘅​众​领袖​同​王​就​谦卑​自抑，话：‘耶和华​系​正义​嘅。’”因为​噉，耶和华​拯救​耶路撒冷​同​罗波​安​免​受​毁灭。（历代志下​12:5-7,12）

之后，罗波​安​继续​统治​南​方​嘅​犹大​国。佢​喺​去世​之前​立​咗​亚​比​雅​做​继承人，为咗​避免​其他​儿子​争​夺​王位，就​送​咗​好多​礼物​俾​佢哋。（历代志下​11:21-23）罗波​安​喺​呢​件​事​上​所​做​嘅，表明​佢​比​年轻​时​更​有​智慧。

罗波​安​的确​做​咗​一啲​好事，但​佢​仲系​得​唔​到​上帝​嘅​悦纳。圣经​总结​佢​嘅​一生​话：“罗波​安​行​恶”。点解？因为“佢​冇​立​定​心意​寻求​耶和华”。（历代志下​12:14）

请​谂​吓​呢个​评价​嘅​含意：罗波​安​有时​服从​耶和华，亦​都​为​耶和华​嘅​子民​做​咗​啲​贡献。但系，罗波​安​冇​同​耶和华​培养​亲密​嘅​关系，冇​热切​渴望​取悦​佢。另外，佢​唔​再​做​啱​嘅​事，转而​崇拜​假​神。你​可能​会​谂：“罗波​安​听从​上帝​嘅​管教，会​唔​会​只系​因为​其他​人​叫​佢​噉样​做，而​唔​系​佢​真心​渴望​取悦​上帝？”（历代志下​11:3,4；12:6）后来，佢​又​再​行​恶。佢​同​佢​嘅​爷爷​大卫​王​真系​有​好​大​嘅​分别！大卫​亦​都​犯​过错，但系​佢​一生​都​爱​耶和华，热心​拥护​正确​崇拜，真诚​噉​为​自己​嘅​过犯​悔改。（列王纪上​14:8；诗篇​51:1,17；63:1）

 我哋​从​罗波​安​身上​可以​学​到​好多。我哋​为​家人​提供​生活​所​需​同埋​追求​有​价值​嘅​事，系​值得​称赞​嘅。不过，如果​想​得到​上帝​嘅​悦纳，我哋​就​要​以​佢​喜悦​嘅​方式​崇拜​佢，同​佢​保持​亲密​嘅​关系。

我哋​不断​努力​加深​对​耶和华​嘅​爱，就​可以​达到​呢个​目标。正如​想​一​团​火​继续​燃烧​就​必须​添加​燃​料，我哋​希望​自己​对​上帝​嘅​爱​继续​烧旺，就​要​经常​研读​佢​嘅​话语，沉思​所​读​嘅​内容，并且​不断​祷告。（诗篇​1:2；罗马书​12:12）我哋​爱​耶和华，就​会​努力​喺​一切​事​上​取悦​佢，犯错​嘅​时候​亦​都​会​真心​悔改，恳求​耶和华​宽恕​我哋。我哋​唔​想​效法​罗波​安，而​会​继续​坚定不移​噉​拥护​正确​崇拜。（犹大书​20,21）