如果​你​想​知道​而家​系​几​点，你​会​点样​做？好​可能​你​会​睇​吓​个​钟​或者​手表。如果​一​个​朋友​问​你​而家​系​几​点，你​会​点样​回答​佢？其实，有​唔同​嘅​方法​可以​表示​时间。

假如，而家​系​中午​过后​一​个​半​钟，你​可能​话​系​一点​半。如果​有啲​地方​使用​24​小时​制，可能​就​会​讲​13​点​30​分。另​一啲​地方​甚至​会​讲​成“两​点​嘅​一半”，意思​系​仲​有​三十​分钟​就​到​两​点。

人​阅读​圣经​嗰时​可能​会​谂，圣经​时代​嘅​人​系​点样​划分​时间​嘅​呢？其实，有​好多​方法。例如，希伯来语​经卷​就​用“清早”、“早上”、“中午”、“晚上”呢啲​词​嚟​描述​时间。（创世记​8:11；19:27；列王纪上​18:26）圣经​入面​仲​有​另​一​种​更​精确​嘅​方式​用​嚟​表示​时间。

喺​圣经​时代，以色列人​通常​会​喺​晚黑​安排​人​做​看更。耶稣​出世​前​好多​个​世纪，以色列人​将​夜晚​划分​为​三​个​时段，称​为“更”。（诗篇​63:6）例如，士师记​7:19 就​提​到，“半夜​以前，啱啱​换​更”。到​咗​耶稣​嘅​日子，犹太人​又​采纳​咗​希腊​同​罗马​嘅​四​更​制。

福音书​好多​次​用“更”嚟​表示​时间。例如，马太福音​14:25​提​到​耶稣​喺​海​上​行走​嘅​记载，经文​话​当时​系“天​就​光​嘅​时候”。呢度​译​作“天​就​光​嘅​时候”嘅​希腊语​原文​意思​系“第​四​更”。耶稣​喺​一​个​比喻​入面​亦​都​话：“家主​如果​知道​几​更​天​有​贼​嚟，就​会​保持​警醒，唔​俾​贼​挖​窿​入​嚟​屋企。”（马太福音​24:43）

有​一​次，耶稣​同​门徒​讲话​嘅​时候，分别​提​到​有​边​四​更。佢​话：“所以，你哋​要​时刻​守望，因为​你哋​唔​知道​家主​喺​乜嘢​时候​嚟​到，可能​黄昏，可能​半夜，可能​鸡​叫，可能​清晨。”（马可福音​13:35）第​一​更“黄昏”，系​从​日落​到​大约​夜晚​9​点。第​二​更“半夜”，系​从​大约​夜晚​9​点​到​12​点。第​三​更“鸡​叫”或者​叫做“黎明​前”，系​从​夜晚​12​点​到​大约​凌晨​3​点。喺​耶稣​被​捕​嗰​晚，好​可能​就系​喺​呢​一​更​有​鸡​叫。（马可福音​14:72）第​四​更“清晨”，系​从​大约​凌晨​3​点​到​日出。

所以，虽然​圣经​时代​嘅​人​冇​我哋​今日​嘅​钟表，但系​佢哋​都​有​表示​唔同​时间段​嘅​方式。