唔好俾任何事夺去你哋嘅奖赏
“唔好俾人夺去你哋嘅奖赏。”——歌罗西书2:18
1,2. (甲)上帝嘅仆人期待乜嘢奖赏?(乙)乜嘢可以帮助我哋定睛注视前头嘅奖赏?(请睇吓课文开头嘅图片)
好似使徒保罗噉,今日嘅受膏基督徒有宝贵嘅希望,“蒙上帝……召[佢哋]去上面”。(腓立比书3:14)佢哋好期待同耶稣基督喺天上嘅王国一齐统治,帮助人类恢复完美嘅身心。(启示录20:6)呢个系几咁美好嘅希望!而另外嘅绵羊期待得到嘅奖赏系永远生活喺地上,呢个的确系令人向往嘅前景!(彼得后书3:13)
2 为咗帮助受膏基督徒保持忠心,得到奖赏,保罗劝勉佢哋:“你哋要思念嘅,系天上嘅事”。(歌罗西书3:2)佢哋要紧记自己将会承受天上产业呢个希望。(歌罗西书1:4,5)无论我哋嘅希望系喺天上抑或地上,沉思耶和华俾佢子民嘅祝福,可以帮助我哋定睛注视前头嘅奖赏。(哥林多前书9:24)
3. 保罗提醒基督徒要留意乜嘢危险?
歌罗西书2:16-18)保罗提到嘅危险直到今日依然存在,而且可能会夺去我哋嘅奖赏。例如,佢解释点样抵抗不道德嘅欲望,点样解决同弟兄姊妹之间嘅矛盾,以及点样处理同家庭有关嘅难题。今日,保罗嘅劝告对我哋仍然大有帮助。等我哋嚟睇吓,保罗向歌罗西会众提出基于爱心嘅警告。
3 保罗亦都提醒基督徒,有乜嘢危险可能会使佢哋失去奖赏。例如,佢喺写俾歌罗西会众嘅信里面提到,一啲假基督徒认为通过遵守律法就可以得到上帝嘅悦纳,而唔需要对基督培养信心。(治死不道德嘅欲望
4. 点解不道德嘅欲望可以令我哋失去奖赏?
4 保罗提醒弟兄将注意力集中喺天上嘅希望之后,跟住话:“所以,要治死你哋喺地上嘅肢体,根绝淫乱、不洁、唔受控制嘅性欲、有害嘅欲望、贪婪。”(歌罗西书3:5)不道德嘅欲望可以系一种强大嘅力量,破坏我哋同耶和华之间嘅关系,使我哋失去未来嘅奖赏。一个曾经有不道德行为嘅弟兄返翻嚟会众之后,佢话:“我俾一股强大嘅力量拉住,当我想回头嗰时已经太迟嘞。”
5. 喺危险嘅环境下,我哋可以点样保护自己?
5 有啲情况可能会使我哋唔想紧守耶和华嘅道德标准。如果遇到噉样嘅情况,我哋就要特别小心。例如,两个人开始拍拖嗰阵,就应该喺接吻、身体接触、单独喺一齐等方面定下清楚嘅界限,预先噉做系好明智嘅。(箴言22:3)一个基督徒喺出差或者同一个异性工作嘅时候,可能会受到引诱做出一啲不道德嘅事。(箴言2:10-12,16)如果你处于噉样嘅环境,你应该表明自己系耶和华见证人,你嘅行为要庄重得体,同埋唔好忘记,调情可以导致悲惨嘅后果。我哋感到沮丧、心情低落嘅时候就更加危险喇。因为喺呢个时候,我哋可能好渴望得到其他人嘅关注,甚至任何人喺感情上俾我哋嘅支持,我哋都想接受。如果你遇到类似嘅情况,就要向耶和华同弟兄姊妹寻求帮助,免得自己失去耶和华嘅奖赏。(请读诗篇34:18;箴言13:20)
6. 喺选择娱乐方面,我哋要谨记乜嘢?
6 要治死不道德嘅欲望,我哋就要拒绝不道德嘅娱乐。今日好多娱乐都反映出所多玛、蛾摩拉人卑劣嘅精神。(犹大书7)商业界嘅人推崇佢哋嘅道德标准,令人觉得发生不道德嘅性行为系无伤大雅嘅,唔会有乜嘢恶果。我哋唔应该放松警惕,随便接受世界提供嘅娱乐。我哋要小心选择娱乐,唔好俾娱乐妨碍我哋得到永生嘅奖赏。(箴言4:23)
“要穿上”爱同仁慈
7. 我哋喺基督徒会众里面可能会面对乜嘢问题?
7 我哋都好开心成为基督徒会众彼得前书3:8,9)
嘅一分子。喺聚会里面学习上帝嘅话语,同弟兄姊妹互相表现爱心、仁慈,可以帮助我哋将注意力放喺未来嘅奖赏之上。不过,有时一啲误会可能会使弟兄姊妹关系紧张。如果我哋冇及时解决问题,内心就会好容易产生怨恨嘅情绪。(请读8,9. (甲)培养乜嘢品格可以帮助我哋赢得奖赏?(乙)如果一个基督徒伤害咗我哋,乜嘢可以帮助我哋保持和睦?
8 我哋唔应该俾怨恨嘅情绪夺去我哋嘅奖赏。保罗鼓励歌罗西嘅基督徒:“你哋既然系上帝所拣选嘅人,系圣洁蒙爱嘅,就要穿上怜恤之情、仁慈、谦卑、温和、耐心。无论边个有理由对人不满,都要继续彼此包容,彼此甘心宽恕。耶和华点样甘心宽恕咗你哋,你哋亦都要点样甘心宽恕人。除咗呢一切之外,仲要穿上爱,因为爱能够完美噉维系团结。”(歌罗西书3:12-14)
9 爱心同仁慈可以帮助我哋彼此宽恕。如果一个基督徒唔仁慈嘅言行伤害咗我哋,我哋要记住,自己亦都曾经讲过或者做过唔仁慈嘅事。我哋好感激弟兄姊妹向我哋表现爱心同仁慈,冇将我哋嘅过犯放喺心上。(请读传道书7:21,22)我哋特别感激基督仁慈噉将人召集起嚟团结一致支持正确嘅崇拜。(歌罗西书3:15)我哋每个人都爱同一位上帝,传讲同一个信息,面对同样嘅挑战。我哋怀住爱心同仁慈彼此宽恕,就能够促进基督徒团结,亦都可以帮助我哋将目光集中喺奖赏之上。
10,11. (甲)点解心怀妒忌好危险?(乙)我哋可以点样唔俾嫉妒夺去我哋嘅奖赏?
10 圣经嘅一啲例子提醒我哋,心怀妒忌可能会夺去我哋嘅奖赏。例如,该隐由于妒忌佢弟弟亚伯就杀咗佢;可拉、大坦同亚比兰由于妒忌摩西就反叛佢嘅领导;扫罗王亦都由于妒忌大卫就想杀死佢。圣经讲得好啱:“边度有嫉妒、争胜,边度就会有混乱同各种卑劣嘅事。”(雅各书3:16)
11 如果我哋喺内心培养爱同仁慈,就唔会咁容易妒忌其他人。圣经话:“爱系有耐心、和蔼仁慈嘅。爱唔嫉妒”。(哥林多前书13:4)为咗唔俾嫉妒喺心里面扎根,我哋要尽力用上帝嘅观点睇事情。如果我哋真系将弟兄姊妹视为同一个身体,呢个就会推动我哋表现弟兄之情,亦都同经文所讲嘅一致:“[身体]一处得荣耀,各处就一同欢乐。”(哥林多前书12:16-18,26)当某个同工得到祝福嘅时候,我哋唔会妒忌佢,反而会戥佢开心。请睇吓扫罗王个仔约拿单嘅例子。虽然大卫被立为王,但系约拿单冇妒忌佢,反而仲鼓励佢。(撒母耳记上23:16-18)我哋可唔可以好似约拿单噉,表现爱心同仁慈呢?
成家人赢得奖赏
12. 听从乜嘢圣经劝告,可以帮助我哋成家人赢得奖赏?
12 应用圣经原则能够为家庭带嚟歌罗西书3:18-21)你一定会同意,实践保罗嘅劝告可以为丈夫、妻子同儿女带嚟益处。
和平同快乐,亦都可以帮助佢哋赢得奖赏。喺家庭方面,保罗向歌罗西嘅基督徒提出咗乜嘢圣经劝告?佢话:“你哋做妻子嘅,要顺服丈夫,呢个喺主睇嚟系合适嘅。你哋做丈夫嘅,要爱妻子,唔好发嬲苦待佢哋。你哋做儿女嘅,要凡事服从父母,因为呢个系主所喜悦嘅。你哋做父亲嘅,唔好激怒儿女,免得佢哋灰心丧气。”(13. 一个基督徒妻子可以点样帮助不信嘅丈夫接受真理?
13 如果你系一个妻子,而你不信嘅丈夫对你唔好,你可以点样做呢?你同佢嗌交可唔可以改善你嘅情况呢?就算你嗌赢咗,你又能唔能够令佢接受圣经真理呢?睇嚟唔得。如果你尊重丈夫嘅领导权,就可以促进家庭和睦,荣耀耶和华,甚至可以吸引丈夫接受真理。噉样,你哋就可以一齐赢得奖赏。(请读彼得前书3:1,2)
14. 如果不信嘅妻子表现唔尊重嘅态度,基督徒丈夫可以点样做?
以弗所书5:23)作为会众嘅元首,耶稣总系仁爱耐心噉对待会众。(路加福音9:46-48)丈夫效法耶稣嘅榜样,就可以吸引妻子接受真理。
14 如果你系一个丈夫,而你不信嘅妻子唔尊重你,噉又点呢?通过大声呼喝嚟显示边个喺屋企系话事嘅,会唔会使佢更尊重你呢?一定唔会!上帝想你效法耶稣,仁爱噉行使领导权。(15. 一个基督徒男子点样表明佢爱妻子?
15 耶和华教导做丈夫嘅:“要爱妻子,唔好发嬲苦待佢哋”。(歌罗西书3:19)一个仁爱嘅丈夫会尊重妻子,留心听佢表达意见,仲会话俾佢知自己好重视佢嘅睇法。(彼得前书3:7)虽然丈夫未必每次都会按照妻子嘅建议去做,不过同妻子商量之后,佢通常可以作出一个更平衡嘅决定。(箴言15:22)一个仁爱嘅丈夫会努力赢得妻子嘅尊重,而唔系夹硬要求妻子尊重佢。一个爱妻子同仔女嘅丈夫会更容易帮助成家人喜乐噉事奉耶和华,从而得到永生嘅奖赏。
年轻人——唔好俾任何事夺去你哋嘅奖赏!
16,17. 如果你系一个年轻人,你可以点样避免埋怨父母?
16 如果你系一个年轻人,你觉得自己嘅基督徒父母唔明白你嘅感受,又限制你嘅自由,可以点样做呢?你面对嘅情况可能会使你怀疑,事奉耶和华系咪最好嘅生活方式。但系,如果你因为噉而放弃事奉耶和华,你可能好快就会发现,冇人会好似你嘅基督徒父母同会众嘅弟兄姊妹一样咁关心你。
17 如果你嘅父母从来都冇纠正过你,你会唔会怀疑佢哋系咪真系关心你呢?(希伯来书12:8)或者你唔钟意父母管教你嘅方式,不过,与其一味埋怨父母嘅做法,不如尝试去了解佢哋噉样做嘅原因系乜嘢,亦都要保持冷静,尽力避免对佢哋嘅批评有过激嘅反应。圣经话:“约束言语嘅人具有知识,心里冷静嘅人明辨事理。”(箴言17:27)要立下目标做一个成熟嘅人。成熟嘅人唔会过度在意人提出劝告嘅方式,而系会冷静噉接受劝告。(箴言1:8)拥有真正爱耶和华嘅父母系一个好大嘅福分。佢哋真系好想帮助你赢得永生嘅奖赏。
18. 点解你想下定决心,定睛注视未来嘅奖赏?
18 无论我哋嘅奖赏系喺天上享有不朽嘅生命,抑或喺地上嘅乐园享有永远嘅生命,我哋人人都热切盼望美好嘅将来。呢个希望系真实稳确嘅,因为造物主亲自作出承诺。关于地上嘅乐园,耶和华预告:“认识[佢]嘅知识必定遍满大地”。(以赛亚书11:9)到时,地上所有人都会受耶和华教导。呢个的确系值得我哋追求嘅奖赏。所以要紧记耶和华作出嘅应许,唔好俾任何事夺去你嘅奖赏!