可喜嘅团结与受难纪念
“睇吓!弟兄团结同住,几咁美善,几咁可喜!”——诗篇133:1
1,2. 喺2018年,边个场合最能够体现全球弟兄姊妹嘅团结精神?请解释。(请睇吓课文开头嘅图片)
2018年3月31日,上帝嘅子民同好多感兴趣人士会喺日落之后聚集埋一齐,参加一年一度主嘅晚餐。世界各地千百万人会一齐纪念耶稣基督嘅死亡。每年嘅纪念聚会,系最能够体现全球弟兄姊妹团结精神嘅场合!
2 喺受难纪念嗰一日,耶和华同耶稣一定好开心见到地球上每一刻都有人参加呢个特别聚会。圣经预言“有一大群人,多到冇人可以数得晒,系从所有国族、部族、民族、语言嚟嘅”。佢哋会呼喊话:“我哋得救,全靠坐喺宝座上我哋嘅上帝,同埋绵羊羔。”(启示录7:9,10)每年嘅受难纪念聚会都可以使耶和华同耶稣得到莫大嘅尊荣。
3. 呢篇课文会回答乜嘢问题?
3 呢篇课文会回答以下嘅问题:(1)我哋每个人可以点样为参加受难纪念聚会做好准备并从中得益?(2)受难
纪念聚会点样影响上帝子民嘅团结?(3)我哋可以点样促进基督徒嘅团结?(4)将来系咪会有最后一次嘅受难纪念聚会?如果有,系几时?做好准备并从中得益
4. 点解尽力参加受难纪念聚会咁重要?
4 点解尽力参加受难纪念聚会咁重要?一个原因系,参加会众聚会系我哋崇拜耶和华嘅一部分,而受难纪念系一年之中最重要嘅聚会。耶和华同耶稣一定会留意每个人为参加呢个聚会所付出嘅努力。除非身体或者情况真系唔允许,我哋都会尽力参加受难纪念聚会。如果我哋通过行动表明自己重视聚会嘅安排,耶和华就有更多理由将我哋嘅名“记录喺佢面前嘅册上”,即系“生命册”。呢本“生命册”记录住所有将会得永生嘅人嘅名字。(玛拉基书3:16;启示录20:15)
5. 喺受难纪念聚会之前,我哋可以点样“察验自己系咪持守住信仰”?
5 喺受难纪念聚会之前,我哋要拨出时间祷告、仔细察验自己同耶和华之间嘅关系。(请读哥林多后书13:5)噉我哋具体可以点样做呢?要“察验自己系咪持守住信仰”。我哋可以问吓自己:“我系咪真系相信,自己属于唯一一个受耶和华任用嚟成就佢旨意嘅组织?我系咪竭尽全力传讲同教导人王国嘅好消息?我嘅行动有冇表明我真系相信而家就系最后嘅日子,同埋撒但嘅统治好快就会结束?而家我对耶和华同耶稣嘅信心系咪同献身受浸嗰时一样?”(马太福音24:14;提摩太后书3:1;希伯来书3:14)沉思呢啲问题嘅答案,可以帮助我哋不断验明自己到底系点样嘅人。
6. (甲)通往永生嘅唯一道路系乜嘢?(乙)一位长老点样为纪念聚会做好准备?你可以点样做类似嘅准备?
6 为受难纪念聚会做好准备嘅一个方法系,研读同沉思解释呢个聚会点解咁重要嘅文章。(请读约翰福音3:16;17:3)通往永生嘅唯一道路就系“认识”耶和华同“信从”佢嘅独生子耶稣。我哋可以选择一啲能够帮助自己亲近耶和华同耶稣嘅资料嚟做个人研读。我哋嚟睇吓一位长老点样做。多年来,佢一直收集一啲耶和华同耶稣点样向我哋表现爱心,以及同受难纪念有关嘅《守望台》文章。喺纪念聚会之前嘅几个星期,佢会重读收集到嘅文章同沉思呢个聚会嘅重要性。佢时不时会收集多一两篇新文章。呢位长老发觉,重读呢啲文章、研读同沉思有关耶稣受难嘅经文,每年都会有新嘅体会。最重要嘅系,佢觉得自己对耶和华同耶稣嘅爱每年都不断增加。噉样嘅个人研读可以帮助你加深对耶和华同耶稣嘅爱同感激,亦都可以帮助你从受难纪念聚会充分得益。
受难纪念聚会使我哋团结
7. (甲)喺第一个主嘅晚餐,耶稣向天父祈求乜嘢?(乙)乜嘢表明耶和华回应咗耶稣嘅祷告?
7 喺第一个主嘅晚餐,耶稣向天约翰福音17:20,21)耶和华的确回应咗爱子嘅祷告。受难纪念聚会比其他聚会更有力证明,耶和华见证人系团结一致嘅。唔同国族、唔同肤色嘅人,喺世界各地嘅聚会场所都聚集一齐参加呢个聚会。喺一啲地区,唔同种族嘅人一齐参加宗教集会系好罕见嘅,甚至因此会俾人嘲笑。不过喺耶和华同耶稣眼中,呢种团结系非常宝贵嘅!
父祷告,祈求佢帮助门徒团结一致,就好似佢同父亲团结一样。(请读8. 关于团结,耶和华俾咗以西结一个乜嘢信息?
8 睇到上帝嘅子民享有团结,我哋唔会感到意外,因为耶和华早就预告咗呢件事。佢吩咐以西结先知喺一条木棍上面写住“犹大”,另一条就写住“约瑟”,之后将两条木棍合埋一齐。(请读以西结书37:15-17)《守望台》2016年7月刊嘅“读者来函”解释:“耶和华俾咗以西结一个充满希望嘅信息,佢应许以色列人会返到应许之地,再次团结起嚟成为一个国家。呢个信息亦都预告,喺最后嘅日子,上帝嘅子民会团结一致噉事奉佢。”
9. 每年嘅耶稣受难纪念聚会点样表明以西结嘅预言获得应验?
9 从1919年以来,耶和华逐步将受膏基督徒再次组织起嚟,使佢哋团结合一。受膏基督徒就系象征“犹大”嘅木棍。而有希望喺地上享永生嘅人就系象征“约瑟”嘅木棍,佢哋嘅人数不断增加,同受膏基督徒一齐并肩工作。呢两群人合成“一群”。(约翰福音10:16;撒迦利亚书8:23)耶和华承诺佢会将呢两条木棍合埋一齐,成为一条。(以西结书37:19)而家呢两群人都受已经得到荣耀嘅耶稣基督统治,团结噉事奉耶和华。耶稣就系以西结预言里面所提到嘅“[上帝]嘅仆人大卫”。(以西结书37:24,25)剩余嘅受膏基督徒同“另外嘅绵羊”,都会聚集埋一齐参加一年一度嘅耶稣受难纪念聚会,呢个清楚表明以西结书所描述嘅宝贵团结系真实嘅!我哋每个人可以点样保持同促进团结呢?
促进团结嘅方式
10. 我哋可以点样喺上帝嘅子民当中促进团结?
10 我哋促进上帝子民团结嘅一个方式系,培养谦卑嘅态度。耶稣喺地上嘅时候,劝勉门徒要保持谦卑。(马太福音23:12)如果我哋内心谦卑,就唔会表现自高自大嘅世俗精神。谦卑嘅态度可以帮助我哋顺从带头嘅人,而服从嘅精神喺促进会众团结方面系必不可少嘅。更重要嘅系,我哋表现谦卑可以令上帝嘅心欢喜,因为佢“同高傲嘅人为敌,但系就赐分外恩典俾谦卑嘅人。”(彼得前书5:5)
11. 沉思受难纪念象征物嘅含意点样帮助我哋促进团结?
11 我哋促进上帝子民团结嘅第二个方式系,沉思受难纪念象征物嘅含哥林多前书11:23-25)无酵饼象征耶稣为人类牺牲嘅完美身体,而红酒就象征佢留出嘅宝血。不过我哋只系知道呢啲象征物代表乜嘢系唔够嘅。仲要记住,基督献出嘅赎价包含两种最伟大嘅爱:一种系耶和华为我哋牺牲爱子嘅爱,另一种系耶稣甘愿为我哋牺牲自己生命嘅爱。沉思佢哋嘅爱无疑推使我哋想以爱还爱。我哋同弟兄姊妹对耶和华嘅爱,就好似一条绳噉将我哋紧紧连系埋一齐,巩固我哋之间嘅团结。
意。喺受难纪念聚会之前,特别系聚会当晚,要认真谂吓无酵饼同红酒嘅含意。(12. 喺国王赦免奴隶债务嘅比喻里面,耶稣点样清楚表明耶和华期望我哋宽恕其他人?
12 我哋促进团结嘅第三个方式系,甘心宽恕人。我哋宽恕得罪自己嘅人,就表明我哋感激基督献出嘅赎价,使我哋嘅罪得蒙宽恕。请睇吓记载喺马太福音18:23-34耶稣所讲嘅比喻,问吓自己:“我有冇受到推动实践耶稣所教嘅?我有冇对同工表现忍耐同体恤佢哋嘅感受?我系咪乐意宽恕嗰啲得罪我嘅人?”当然,人犯嘅罪有轻有重。我哋唔完美嘅人有时好难宽恕某啲过犯,但系呢个比喻使我哋知道耶和华希望我哋点样做。(请读马太福音18:35)耶稣讲得好清楚,如果我哋有理由宽恕弟兄不过又冇噉做,耶和华就唔会宽恕我哋。真系发人深省!我哋跟从耶稣嘅教导宽恕其他人,就可以保护同维系基督徒宝贵嘅团结。
13. 我哋点样表明自己促进团结?
13 我哋宽恕其他人,就表明自以弗所书4:3)喺今年受难纪念嘅月份,特别系聚会嗰晚,要认真谂吓自己平时点样对待其他人。问吓自己:“我有冇表明自己尽力避免心怀怨恨?其他人系咪觉得我尽力追求和睦同团结?”特别喺呢个时候,我哋需要沉思呢啲重要问题。
己促进和睦。使徒保罗曾经提出劝告话,我哋要“用和平维系团结,竭力持守圣灵所赐嘅合一”。(14. 我哋点样表明自己“用爱心彼此包容”?
14 促进团结嘅第四个方式系,效法耶和华表现爱心。(约翰一书4:8)“我或者要爱佢,但系唔需要钟意佢!”我哋唔应该对任何弟兄姊妹有噉样嘅谂法。如果我哋噉谂,就系同保罗嘅劝告背道而驰,佢话我哋应该“用爱心彼此包容”。(以弗所书4:2)请留意,保罗唔系只系话“彼此包容”,而系话我哋要“用爱心”彼此包容。呢个有咩分别?喺会众里面,我哋可以睇到各种各样嘅人,因为耶和华吸引佢哋亲近佢。(约翰福音6:44)既然耶和华吸引佢哋,噉佢哋一定值得耶和华去爱。所以我哋点可以认为某个弟兄姊妹唔值得我哋去爱呢?耶和华吩咐我哋要表现爱心,噉我哋就唔应该有所保留!(约翰一书4:20,21)
几时系最后一次受难纪念聚会?
15. 我哋点知会有最后一次受难纪念聚会?
15 终有一日,我哋会举行最后一次受难纪念聚会。我哋点知呢?保罗受圣灵启示,喺写俾哥林多会众受膏基督徒嘅第一封信里面,讲到佢哋每年纪念耶稣嘅死亡就系“显扬主嘅死,直到佢嚟”。(哥林多前书11:26)呢度讲嘅“嚟”同耶稣喺谈及终结时期嘅预言里面所讲嘅“嚟”系指同一件事。关于临近嘅大患难,耶稣话:“到时人子显现嘅凭证会喺天上出现,于是地上所有民族都悲恸捶胸,并且睇见人子 喺天云上带住力量同大荣耀而 嚟。[耶稣]必定差佢嘅天使用号筒嘅大声将蒙拣选嘅人,从四方,从天呢边到天嗰边,都聚集起嚟。”(马太福音24:29-31)蒙拣选嘅人聚集起嚟,就系所有地上剩余嘅受膏基督徒到天上得到奖赏嘅时候。呢件事会喺大患难开始之后,哈米吉多顿大战爆发之前发生。之后14万4000人会同耶稣一齐战胜地上嘅君王。(启示录17:12-14)喺耶稣“嚟”聚集剩余嘅受膏基督徒之前,所举行嘅受难纪念聚会就系最后一次。
16. 点解你下定决心出席今年嘅受难纪念聚会?
16 愿我哋下定决心参加2018年3月31日嘅受难纪念聚会,并从中得益。我哋可以祈求耶和华帮助我哋继续喺佢嘅子民当中促进团结!(请读诗篇133:1)终有一日,我哋会参加最后一次受难纪念聚会。愿我哋尽力出席并且珍惜喺受难纪念聚会所享有嘅团结。