耶和華​造​咗​第​一​個​女人​夏娃，將​佢​賜​俾​亞當​做​太太。（創世記​2:21，22）

耶和華​賜​俾​佢哋​嘅​頭腦​同​身體​都​係​十全十美，毫無​缺陷​嘅。

亞當​同​夏娃​住​喺​伊甸園​裏面。伊甸園​係​一​個​好​靚​嘅​樂園，嗰度​有​河，有​各​種​各​樣​嘅​果樹​同​動物。

佢哋​仲​可以​同​耶和華​傾計，受​耶和華​教導。如果​佢哋​聽​上帝​嘅​話，就​可以​喺​地上​嘅​樂園​裏面​永遠​生活​落去。

耶和華​話​俾​亞當​夏娃​知，伊甸園​入面​有​棵​特别​嘅​樹，又​吩咐​佢哋​唔​好​食​上面​嘅​果，如果​食​咗​就​一定​會​死。

一​個​天使​背叛​上帝，呢個​變​壞​嘅​天使​稱​為​魔鬼​撒但。

撒但​唔​想​亞當​同​夏娃​聽​上帝​嘅​話，就​用​一​條​蛇​同​夏娃​講，如果​佢​食​咗​呢​棵​樹​嘅​果，唔單止​唔​會​死，仲​可以​好似​上帝​噉。佢​當然​係​講​大話​啦。（創世記​3:1-5）