想像​吓，如果​你​生活​喺​耶穌​時代​嘅​加利利。你​需要​長途跋涉​去​耶路撒冷​慶祝​住​棚​節。喺​嗰個​節期，耶路撒冷​逼​滿​咗​好多​遠​道​而​嚟​嘅​同工。你​想​將​祭物​獻​俾​耶和華，所以​你​帶​住​隻​羊，穿​過​擠​擁​嘅​巷​仔，向​住​聖殿​嘅​方向​行。幾​經​辛苦，你​最終​嚟​到​聖殿，發現​嗰度​逼​滿​晒​向​耶和華​獻祭​嘅​人。等​咗​好​耐，終於​輪​到​你​可以​獻祭​嘞。點​知​就​喺​嗰個​時候，你​諗​翻​起​有​個​弟兄​對​你​不滿，佢​好​可能​就​喺​人​群​當中。耶穌​解釋​俾​我哋​知​喺​呢個​時候​應該​點​做。（請​讀​馬太福音​5:24）你​同​嗰個​弟兄​應該​點​做，先至​係​聽從​耶穌​嘅​指引​追求​和睦​呢？請​喺​以​下​列​出​嘅​選項​中，揀選​你​認為​啱​嘅​答案。

你​會……

• 睇​吓​佢​係咪​有​正當​理由​對​你​不滿，如果​唔​係，就​絶對​唔​會​同​佢​講和

• 嘗試​糾正​你​弟兄​嘅​睇法，因為​你​覺得​佢​過度​敏感，或者​想​推​卸​責任

• 耐心​聽​佢​講，即使​你​唔​係​完全​了解​弟兄​嘅​諗法。可能​係​佢​覺得​受​到​傷害，又​或者​你​嘅​無​心​之​失​真係​傷害​咗​佢，無論​係​點，你​都​向​佢​誠​懇​道歉

你​嘅​弟兄​會……

• 將​你​得罪​咗​佢​嘅​事​話​俾​會衆​其他​人​知，希望​得到​佢哋​嘅​支持

• 怪責​你，翻​舊​帳，將​你​得罪​佢​嘅​每​個​細節​都​翻​出嚟​講，要求​你​承認​錯誤

• 欣賞​你​主動​講和​所​表現​嘅​謙卑​同​勇氣，衷心​寬恕​你

今日​我哋​嘅​崇拜​唔​會​獻​上​實際​嘅​祭牲。但係​我哋​從​耶穌​嘅​教導​可以​睇​出，保持​弟兄​之​間​嘅​和睦，同​我哋​嘅​崇拜​蒙​耶和華​悦納​有​乜嘢​關係​呢？