基督徒嘅生活
“要孝敬父母”
耶穌喺地上嘅時候,强調過一條好重要嘅誡命:“要孝敬父母”。(出20:12;太15:4)耶穌自細就一直“順服”佢嘅父母,所以佢呼籲人孝敬父母,實在好有説服力。(路2:51,英《新世》修訂本腳注)後來,佢亦都確保媽媽喺佢死後得到合適嘅照顧。(約19:26,27)
今日亦一樣,年輕嘅基督徒順從佢哋嘅父母,用尊重嘅態度同父母溝通,就表明佢哋孝敬父母。事實上,孝敬父母呢個吩咐係冇年齡界限嘅,即使我哋嘅父母年紀大嘞,我哋都應該尊重佢哋,聽取佢哋嘅智慧之談,從中得益。(箴23:22)我哋亦會照顧佢哋感情同物質方面嘅需要,表明我哋尊重年長嘅父母。(提前5:8)無論我哋年齡有幾大,同父母保持良好嘅溝通係孝敬父母嘅關鍵。
播放白板動畫片《點樣同你嘅父母溝通?》,然後討論以下嘅問題:
-
點解你可能覺得同父母溝通係唔容易嘅呢?
-
你同父母溝通嗰陣可以點樣表現尊重呢?
-
點解同父母溝通係值得嘅呢?(箴15:22)