基督徒嘅生活
改善傳道技巧——善用問題
點解咁重要:聖經話“人心裏嘅思想好似深處嘅水”,善用問題就好似用水桶打水一樣,可以將人嘅諗法汲引出嚟。(箴20:5)問題能引發回應,使對方更加留心。精心構思嘅問題,可以幫我哋從對方嘅回應取得有用嘅信息。耶穌經常善用問題。我哋可以點樣效法佢呢?
點樣做:
-
善用問題探知觀點。耶穌用一連串嘅問題去探知門徒嘅觀點。(太16:13-16;《傳道訓練班課本》238頁2-4段)你可以用乜嘢問題探知對方嘅觀點呢?
-
善用問題引發思考。為咗糾正彼得嘅諗法,耶穌問咗彼得幾個問題,又提出幾個選項,引導佢得出正確嘅結論。(太17:24-26)為咗幫助人得出正確嘅結論,你會善用乜嘢問題引發對方思考呢?
-
稱讚對方。有個抄經士回應耶穌嘅提問,佢“答得聰明”,耶穌就稱讚佢。(可12:34)有人回答問題後,你可以點樣稱讚對方呢?
播放《效法耶穌做善工——教導人》第一部分,然後討論以下問題:
-
雖然弟兄教導嘅資料係正確嘅,但係點解佢嘅教導效果唔理想呢?
-
點解我哋唔應該只係一味解釋資料?
播放影片嘅第二部分,然後討論以下問題:
-
弟兄點樣善用問題呢?
-
佢嘅教導仲有乜嘢地方值得我哋學習呢?