點解​咁​重要:學生​為​聖經​討論​做​好​準備​嘅​話，就​可以​更加​明白​學習​嘅​内容，亦​更​容易​記得​學習​嘅​資料。佢哋​明白​得​越​多，記得​越​多，就​會​進步​得​更​快。就算​將來​學生​受​咗​浸，佢哋​都​需要​繼續​為​聚會​同​傳道​工作​做​準備，以​求“不斷​守望”。（太​25:13）所以，如果​聖經​學生​學​會​點樣​準備​資料，有​良好​嘅​研讀​習慣，噉​佢哋​就​一生​受益​嘞。學生​一​開始​學習​聖經，我哋​就​要​幫助​佢哋​養​成​呢個​良好​嘅​習慣。

點樣​做:

• 做​個​好​榜樣。（羅​2:21）備課​嘅​時候​要​諗​吓​每​個​聖經​學生​嘅​需要。（《月報》2015/11​刊​3​頁）打開​你​嘅​課本，俾​學生​睇​吓​你​點樣​做​好​預習

• 鼓勵​學生​做​好​準備。開始​常規​嘅​聖經​討論​之後，要​令​學生​睇​出，預習​資料​係​聖經​討論​安排​嘅​重要​一​環，亦​要​幫助​學生​睇​出​噉​做​有​咩​益處。要​提供​一啲​實用​嘅​建議，幫助​學生​安排​好​時間，準備​資料。有啲​傳道員​會​喺​討論​期間，俾​學生​用​佢​嘅​課本​討論​幾​段​資料，使​學生​睇​出​預先​劃​低​重點​嘅​益處。學生​預習​後，要​稱讚​佢哋​準備​資料​所​付出​嘅​努力

• 示範​俾​學生​睇​點樣​做​準備。喺​學習​嘅​初期，有啲​傳道員​會​用​其中​一​次​學習​嘅​時間，集中​示範​俾​學生​睇​點樣​為​學習​做​好​準備