摩西​律法​規定，如果​人​想​同​配偶​離婚，就​要​準備​法律​嘅​文書。呢個​規定​防止​人民​草率​噉​離婚。不過​喺​耶穌​嘅​日子，宗教​領袖​縱容​人​隨意​離婚。男人​可以​用​任何​藉口​同​妻子​離婚。（英《新世》精​讀​本​注釋，可​10:4“離婚​證​書”；英《新世》精​讀​本​注釋，可​10:11“跟​妻子​離婚”“就是​通姦，對​不​起​妻子”）耶穌​幫助​人​認​清​一​個​事實，喺​婚姻​方面，耶和華​係​創始​者，亦​係​最​權威​嘅​專家。（可​10:2-12）夫妻​雙方​成為“一體”，係​永久​嘅​結合。根據​馬太福音​嘅​相關​記載，唯一​有​聖經​依據​嘅​離婚​理由​係“淫亂”。（太​19:9）

今日，好多​人​對​婚姻​嘅​睇法​同​法利賽派​一樣，違背​咗​耶穌​嘅​教導。當​婚姻​問題​出現​嗰陣，好多​人​冇​經過​審​慎​考慮，就​選擇​離婚。不過，基督徒​夫婦​好​重視​婚誓，亦​努力​實踐​聖經​原則，克服​困難。睇完《愛​與​尊重​維繫​家庭​嘅​團結》之後，回答​以​下​嘅​問題:

• 你​可以​點樣​喺​婚姻​實踐​箴言​15:1​嘅​原則？點解​噉​做​好​重要？

• 實踐​箴言​19:11​可以​點樣​幫助​你​避免​婚姻​難題？

• 如果​婚姻​面臨​破裂，與其​諗“我​應​唔​應該​離婚”，不如​思考​乜嘢​問題​呢？

• 實踐​馬太福音​7:12​嘅​原則​可以​點樣​幫助​你​成為​更​好​嘅​丈夫​或者​妻子？