向前邁進,做一個屬靈嘅人!
“不斷順應聖靈行事”——加拉太書5:16
1,2.一個弟兄發現自己嘅靈性有乜嘢問題?佢跟住點做?
羅伯特喺青少年嘅時候就受咗浸,不過佢並冇將真理放喺生活首位。佢話:“雖然我冇犯錯,但係我喺屬靈嘅事上只係做吓表面工夫。我冇錯過任何聚會,每年都有幾個月做輔助先驅。喺人睇嚟我嘅靈性好似好健壯,但實際上仲爭咗啲嘢。”
2 羅伯特喺結婚之後先發覺自己靈性有啲問題。佢同太太喺空閒時間會互相問一啲聖經問題。佢太太靈性好好,回答聖經問題對佢嚟講冇咩難度,但係羅伯特就因為經常唔識答而覺得好尷尬。佢話:“情況就好似我乜都唔識噉。我心諗:‘我作為家主,如果想喺屬靈上帶頭,就一定要做啲調整先得。’”之後,羅伯特就作出調整。佢話:“我認真研讀聖經,睇咗好多資料。聖經嘅知識就好似一塊塊拼圖慢慢拼埋一齊。我對聖經有咗更深嘅了解。更重要嘅係,我同耶和華之間嘅關係更加親密。”
3.(甲)我哋從羅伯特嘅例子可以學到乜嘢?(乙)我哋會討論邊啲要點?
3 我哋從羅伯特嘅例子可以學到重要嘅教訓。我哋可能有一定嘅聖經知識,亦可能經常同弟兄姊妹交往。即使係腓立比書3:16)為咗幫助自己繼續進步,我哋會喺呢篇課文回答三個主要問題:(1)乜嘢可以幫助我哋分析自己嘅屬靈情況?(2)我哋可以點樣成為一個屬靈嘅人,而且喺屬靈上不斷進步?(3)喺生活上運用屬靈嘅思想,可以點樣幫助我哋做明智嘅決定?
噉,我哋都未必會成為一個屬靈嘅人。又或者,我哋可能喺屬靈方面已經有一定嘅進步,但係,我哋深入察驗自己,就會發現自己仲有進步嘅空間。(自我分析
4.以弗所書4:23,24嘅勸勉適用於邊啲人?
4 我哋成為上帝子民嗰陣,就已經喺生活各方面作出調整。即使我哋受咗浸,都仲係要不斷調整。聖經勸勉我哋“要繼續更新[我哋]思想背後嘅動力”。(以弗所書4:23,24)因為人人都唔完美,所以我哋需要繼續作出改變。就算係嗰啲已經事奉耶和華多年嘅人,都需要保持靈性健壯。(腓立比書3:12,13)
5.乜嘢問題可以幫助我哋分析自己嘅屬靈情況?
5 如果我哋想保持靈性健壯並且喺屬靈上不斷進步,就要誠實噉分析自己嘅情況。無論我哋年輕抑或年老,我哋可以問吓自己:“我嘅改變有冇表明自己正向前邁進,努力成為一個有屬靈思想嘅人?我嘅品格係咪越來越似基督?我參加聚會嗰時嘅態度同行為,顯示我嘅屬靈情況係點樣嘅?我同人交談嘅内容表明我内心最關心嘅係乜嘢?我嘅研讀習慣、衣着打扮或者對勸告嘅反應,顯示我係點樣嘅人?面對誘惑嗰陣,我有乜嘢反應?我係咪努力成為一個更加成熟嘅基督徒,表明自己喺屬靈方面不斷長大成人?”(以弗所書4:13)思考呢啲問題嘅答案,可以幫助我哋睇出自己喺屬靈上進步到乜嘢程度。
6.仲有乜嘢方法可以幫助我哋分析自己嘅屬靈情況?
6 有時,我哋可能需要其他人幫助我哋分析自己嘅屬靈狀況。使徒保羅指出,順應肉體嘅人睇唔出自己嘅生活方式得唔到上帝嘅悦納。不過,屬靈嘅人就明白上帝嘅觀點,知道屬肉體嘅人嘅生活方式係錯嘅。(哥林多前書2:14-16;3:1-3)如果會衆開始有屬肉體嘅傾向,通常有基督思想嘅長老會好快察覺得到。當長老俾我哋勸告嘅時候,我哋願唔願意接受並且將勸告運用出嚟呢?如果我哋願意噉做,就表明我哋渴望喺屬靈上進步。(傳道書7:5,9)
繼續喺屬靈上進步
7.點解單靠聖經知識唔能够使我哋成為一個屬靈嘅人?
7 請記住,單靠聖經知識唔足以令你成為一個有屬靈思想嘅人。古代嘅所羅門王知道好多同耶和華有關嘅事,而且佢所講嘅話後來亦都成為聖經嘅一部分。不過最終,佢成為一個唔屬靈嘅人,對耶和華冇繼續保持忠貞。(列王紀上4:29,30;11:4-6)所以,除咗聖經知識之外,仲需要乜嘢?我哋需要繼續喺屬靈上進步。(歌羅西書2:6,7)我哋應該點樣做呢?
8,9.(甲)乜嘢會幫助我哋鞏固自己嘅靈性?(乙)我哋研讀同沉思嘅目標係乜嘢?(請睇吓課文開頭嘅圖片)
希伯來書6:1)為咗實踐保羅嘅勸告,我哋可以點樣做?要學習《常在上帝的愛裏》,噉樣做好重要。呢本書可以幫助你學識點樣將聖經原則應用喺生活上。如果你已經學完呢本書,可以研讀其他出版物,繼續鞏固自己嘅信心。(歌羅西書1:23)我哋亦都可以沉思自己學到嘅内容,懇求耶和華幫助我哋將呢啲知識實踐出嚟。
8 保羅鼓勵1世紀嘅基督徒喺屬靈上要“邁向成熟嘅階段”。(9 請謹記,我哋研讀同沉思嘅時候,應該以渴望取悦耶和華同服從佢嘅律法為目標。(詩篇40:8;119:97)同時,我哋要付出努力,唔好俾任何事妨礙我哋嘅屬靈成長。(提多書2:11,12)
10.年輕人如果想喺屬靈上進步,可以點樣做?
10 年輕人,你有冇清晰嘅屬靈目標?每次參加分區大會嘅時候,一個喺伯特利服務嘅弟兄,習慣喺節目開始之前同嗰啲準備受浸嘅弟兄姊妹傾吓計。呢啲弟兄姊妹好多都係年輕人。弟兄問佢哋有乜嘢屬靈目標。好多人嘅回答都表明,佢哋清楚知道自己想喺將來點樣事奉耶和華。佢哋嘅目標可能係參與某種形式嘅全時服務,或者係去需求更大嘅地區傳道。不過,都有啲年輕人睇嚟唔清楚自己嘅目標係乜嘢。噉係咪表明佢哋心入面仲未定立清晰嘅屬靈目標?如果你係個年輕人,請問吓自己:“我參與屬靈活動係咪只係因為父母要求我噉做?”當然,除咗年輕人之外,我哋每一個人都應該定立屬靈目標,噉我哋就可以喺屬靈上繼續進步。(傳道書12:1,13)
11.(甲)我哋想喺屬靈上進步,就需要點樣做?(乙)邊個聖經人物值得我哋效法?
11 我哋一發現自己仲有可以進步嘅空間,就應該採用一啲切實可行嘅方法嚟幫助自己向前邁進。成為一個屬靈嘅人非常重要,因為呢個關乎到我哋嘅生命。(羅馬書8:6-8)不過,我哋想喺屬靈上成熟唔等於要變得完美。耶和華嘅聖靈會幫助我哋進步,而我哋自己亦都需要付出努力。好多年前,中央長老團成員約翰•巴爾弟兄引用路加福音13:24指出:“好多人做唔到,係因為佢哋冇努力使自己堅毅剛强。”雅各同天使摔跤嗰時,佢點都唔肯放棄直至得到祝福。我哋都需要有佢噉嘅態度。(創世記32:26-28)雖然研讀聖經好有樂趣,但我哋唔應該認為聖經係一本為咗娛樂而寫嘅小説。我哋要努力挖掘屬靈嘅寶石,使自己得益。
12,13.(甲)乜嘢幫助我哋“有基督耶穌嘅思想態度”?(乙)使徒彼得嘅例子同勸勉可以點樣幫助我哋?(丙)你可以做啲乜嘢使自己喺屬靈上進步?(請參考附欄“ 想喺屬靈上進步你可以點樣做”)
12 如果我哋喺屬靈上努力進步,聖靈就會使我哋有力量調整自己嘅思想。喺聖靈嘅幫助下,我哋會逐漸學識用基督嘅思想嚟考慮問題。(羅馬書15:5)另外,聖靈仲會幫助我哋鏟除肉體嘅慾望,培養耶和華喜悦嘅特質。(加拉太書5:16,22,23)就算我哋有時仲係會想追求物質或者滿足肉體嘅慾望,都千祈唔好向呢啲傾向屈服。我哋要繼續向上帝祈求聖靈,噉耶和華就會幫助我哋作出調整,再次將注意力集中喺正確嘅事情上。(路加福音11:13)使徒彼得都曾經有幾次冇用基督嘅思想嚟考慮問題。(馬太福音16:22,23;路加福音22:34,54-62;加拉太書2:11-14)不過我哋要記得,佢並冇放棄。喺耶和華嘅幫助下,彼得慢慢培養出基督嘅思想。我哋都可以做得到。
13 後來,彼得具體列出咗一啲我哋可以努力培養嘅特質。(請讀彼得後書1:5-8)我哋“盡力”培養自制、忍耐同埋弟兄之情呢啲美好特質,就會繼續向前邁進,成為一個屬靈嘅人。我哋每日都可以問吓自己:“喺屬靈上,我今日可以做啲乜嘢使自己進步?”
喺生活上運用聖經原則
14.基督嘅思想點樣影響我哋嘅生活?
14 基督嘅思想會影響我哋喺工作地方或者喺學校嘅言行,同埋我哋每日所作嘅決定。我哋嘅決定可以表明我哋係咪努力效法基督。作為屬靈嘅人,我哋唔希望有任何事破壞我哋同天父嘅關係。面對誘惑嗰陣,如果我哋有基督嘅思想,就會即刻拒絶呢啲引誘。我哋做決定嘅時候,會停落嚟反覆仔細諗吓呢啲問題:“邊啲聖經原則可以幫助我做決定?耶穌喺噉嘅情況下會點做?耶和華希望我哋作出點樣嘅決定?”我哋應該培養噉樣嘅思維模式。而家我哋嚟睇吓,生活上可能會遇到嘅幾種情況。喺每種情況我哋都可以學到一個聖經原則,有助於我哋作明智嘅決定。
15,16.基督嘅思想喺以下兩方面點樣幫助我哋作出明智嘅抉擇?(甲)選擇配偶;(乙)結交朋友。
15 選擇配偶。相關嘅聖經原則可以參考哥林多後書6:14,15(請讀)。保羅嘅話清楚表明,一個屬靈嘅人同一個唔屬靈嘅人有好大差異,佢哋喺好多重要嘅事情上好難有一致嘅睇法。我哋可以點樣運用呢個原則嚟選擇配偶?
16 結交朋友。相關嘅聖經原則可以參考哥林多前書15:33(請讀)。一個愛上帝嘅人唔會同嗰啲危害佢靈性嘅人密切來往。喺唔同情況下,你可以點樣運用呢個原則?例如,你會結交點樣嘅朋友?如果有陌生人邀請你一齊玩線上遊戲,你應該點做?
我嘅決定會唔會幫助我喺屬靈上進步?(請睇第17段)
17-19.屬靈嘅思想點樣幫助你 (甲)避免追求冇意義嘅事?(乙)定立人生目標?(丙)解決紛爭?
17 妨礙靈性成長嘅行為。保羅對基督徒同工所講嘅話俾咗我哋一個提希伯來書6:1)我哋應該避免邊啲“死嘅行為”?就係任何喺屬靈上冇意義或者會使我哋靈性死去嘅行為。呢個原則可以幫助我哋喺一啲問題上作出正確嘅判斷同明智嘅選擇,例如:呢種行為係咪屬肉體嘅呢?我係咪應該接受某個賺錢嘅機會?點解我唔應該參與呢個世界嘅改革運動?
醒。(請讀我嘅決定會唔會幫助我定立屬靈目標?(請睇第18段)
18 屬靈目標。耶穌嘅登山寶訓喺定立目標方面為我哋提供咗清晰嘅指引。(馬太福音6:33)有屬靈思想嘅人會將王國事務放喺生活首位。呢個原則可以幫助我哋回答類似以下嘅問題:我應唔應該追求高等教育?我係咪要接受某份工作?
我嘅決定會唔會幫助我“促進和睦”?(請睇第19段)
19 紛爭。當我哋同其他人有爭執嘅時候,保羅向羅馬會衆提出嘅勸告點樣幫助我哋解決問題?作為基督嘅門徒,我哋應該盡力“同所有人和睦相處”。(羅馬書12:18)同人發生爭執嘅時候,我會有乜嘢反應?我係咪唔容易作出讓步呢?抑或其他人都覺得我係個“促進和睦”嘅人?(雅各書3:18)
20.點解你想向前邁進,做一個屬靈嘅人?
20 我哋運用聖經原則做決定,就表明我哋願意受上帝聖靈指引。以上嘅例子表明,聖經原則可以幫助我哋作出明智嘅決定,使我哋嘅生活過得更加心滿意足。課文開頭提到嘅羅伯特話:“同耶和華有親密嘅關係,使我成為更好嘅丈夫同父親。而家,我生活得又滿足又快樂。”如果我哋盡力做一個屬靈嘅人,亦都可以好似佢噉享有各種福分。我哋唔單止而家就有更快樂更有滿足感嘅人生,而且仲可以喺將來享有“真正嘅生命”。(提摩太前書6:19)