受浸——成為基督徒必須採取嘅步驟
“浸禮,而家都……拯救你哋。”——彼得前書3:21
1,2.(甲)喺兒女提出想受浸嘅時候,有啲基督徒父母會有乜嘢反應?(乙)點解講者會問準備受浸嘅人,佢哋係咪已經獻身俾耶和華?(請睇吓課文開頭嘅圖片)
一個叫瑪麗亞嘅年輕人同其他準備受浸嘅弟兄姊妹一齊企起身。佢嘅父母係基督徒,佢哋好開心噉望住自己嘅女。瑪麗亞用清晰、響亮嘅聲音回答講者提出嘅兩個問題。之後,佢就接受咗水浸禮。
2 瑪麗亞毫無保留噉獻身俾耶和華並接受浸禮,呢個決定令佢父母感到非常自豪。不過,之前佢媽媽對佢嘅決定有好多疑問。媽媽曾經問自己:“瑪麗亞仲咁年輕,受得浸未㗎?佢係咪真係明白獻身受浸係好嚴肅嘅事?係咪最好叫佢再等吓先?”當兒女表示自己想受浸嗰時,好多關愛兒女嘅父母都會問自己呢啲問題。(傳道書5:5)畢竟,獻身受浸係基督徒一生當中最重要嘅步驟。(請睇附欄“ 你係咪已經獻咗身俾耶和華?”)
3,4.(甲)使徒彼得用乜嘢嚟比喻受浸嘅重要性?(乙)點解話受浸就好似挪亞建造方舟一樣?
彼得前書3:20,21)方舟係一個實際嘅證據,清楚表明挪亞忠於耶和華,全心遵行佢嘅旨意。挪亞忠心完成耶和華委派嘅工作。佢出於信心嘅行動,使全家人都可以渡過大洪水。彼得呢番話係乜嘢意思呢?
3 喺講到浸禮呢件事嗰時,使徒彼得提及方舟嘅建造工程:“呢件事所預表嘅浸禮,而家都……拯救你哋。”(請讀4 挪亞建造方舟,證明佢對耶和華有信心。噉一個人喺大家面前受浸,又證明乜嘢呢?證明一個對贖價有信心嘅人,已經將自己獻俾耶和華。就好似挪亞噉,呢啲獻咗身嘅人會聽從耶和華嘅吩咐,執行佢所委派嘅工作。挪亞可以活着渡過大洪水,同樣,喺現行邪惡制度終結嘅時候,受咗浸嘅忠心基督徒都可以保全生命。(馬可福音13:10;啟示錄7:9,10)所以,獻身受浸的確非常重要。一個人如果遲遲唔受浸,噉佢永生嘅希望就會受到影響。
5.我哋會喺呢篇課文考慮乜嘢問題?
5 受浸係一件嚴肅嘅事,所以我哋應該仔細考慮以下三個問題:關於受浸,聖經點樣講?一個人喺受浸之前需要採取乜嘢步驟?基督徒教導自己兒女或者聖經學生嗰時,點解應該緊記受浸嘅重要性?
聖經記載嘅浸禮
6,7.(甲)請解釋約翰施行嘅浸禮有乜嘢意義?(乙)約翰有殊榮為邊個施浸?
6 聖經首次記載嘅浸禮係由施浸者約翰施行嘅。(馬太福音3:1-6)嚟揾約翰嘅人由於違反咗摩西律法,所以佢哋通過約翰嘅浸禮表明自己已經悔改。好有意思嘅係,只有約翰有殊榮為一個完美嘅人——上帝嘅兒子耶穌施浸。呢個最重要嘅浸禮同悔改一啲關係都冇。(馬太福音3:13-17)耶穌係無罪嘅,所以佢唔需要悔改。(彼得前書2:22)佢所接受嘅浸禮,象徵佢獻出自己嚟遵行上帝嘅旨意。(希伯來書10:7)
7 耶穌喺地上傳道期間,佢嘅門徒亦都為人施浸。(約翰福音3:22;4:1,2)呢啲浸禮同約翰施行嘅一樣,表明一個違反摩西律法嘅人已經為自己嘅罪悔改。不過耶穌復活之後,浸禮對佢嘅門徒嚟講就有唔同嘅意義嘞。
8.(甲)耶穌復活之後,佢吩咐門徒要做乜嘢?(乙)請解釋基督徒浸禮嘅重要性。
8 公元33年,耶穌復活之後向超過500人顯現。呢啲人當中有男有女,或者仲有細路仔。可能就喺呢個時候,耶穌吩咐門徒:“所以你哋要去,使所有國族嘅人做我嘅門徒,奉父親、兒子、聖靈嘅名為佢哋施浸,我吩咐你哋嘅一切,都要教導佢哋遵守。”(馬太福音28:19,20;哥林多前書15:6)睇嚟耶穌講呢番話嘅時候,有幾百個門徒在場。耶穌指出,一個人想負起基督徒嘅軛就一定要受浸。(馬太福音11:29,30)如果人希望自己所作嘅崇拜蒙耶和華悦納,就一定要承認同接受基督喺實現耶和華旨意方面所擔任嘅角色,之後先可以接受水浸禮。唯有呢種浸禮先得到耶和華嘅認可。聖經嘅記載充分表明,1世紀嘅基督徒清楚明白受浸非常重要。佢哋並冇拖延時間,遲遲唔肯受浸。(使徒行傳2:41;9:18;16:14,15,32,33)
唔好拖延
9,10.關於浸禮,我哋通過埃塞俄比亞官員同使徒保羅嘅記載學到乜嘢?
9 請讀使徒行傳8:35,36。請諗吓一個歸信咗猶太教嘅埃塞俄比亞官員嘅記載。當時,呢個官員啱啱去完耶路撒冷崇拜上帝。喺佢返屋企嘅途中,耶和華嘅天使指引腓力向佢“傳講耶穌嘅好消息”。官員有乜嘢反應呢?佢跟住所做嘅事表明,佢對自己所學到嘅真理有感激之心。由於佢願意服從耶和華嘅安排,所以冇拖延,馬上受浸。
10 第二個記載同一個迫害基督徒嘅猶太男子有關。佢出生於一個獻咗身俾上帝嘅民族,而呢個民族已經失去咗同耶和華嘅特殊關係。呢個男子仍然熱衷於猶太教嘅傳統,不過佢後來認識到正確嘅崇拜方式。復活之後使徒行傳9:17,18;加拉太書1:14)相信你已經知道,呢個猶太男子就係後來為人所知嘅使徒保羅。值得留意嘅係,保羅一知道耶穌喺實現上帝旨意方面擔任嘅角色,就冇拖延,即刻受浸。(請讀使徒行傳22:12-16)
得到榮耀嘅耶穌基督親自向佢作見證。呢個男子有乜嘢反應?佢樂意接受基督嘅門徒亞拿尼亞嘅幫助。聖經話呢個男子跟住就“起嚟受浸”。(11.(甲)今日,乜嘢推動聖經學生受浸?(乙)我哋見到獻咗身嘅人受浸,會有咩感覺?
11 今日嘅聖經學生,無論年紀大細都一樣噉做。佢哋一旦對聖經真理建立信心,有深刻嘅體會,就會好渴望獻身受浸。浸禮演講就係特别為佢哋準備嘅,亦都係每個區域大會同分區大會嘅重要部分。每當有聖經學生接受真理,而且進步到受浸,所有弟兄姊妹都會為佢哋感到高興。基督徒父母見到自己兒女受浸,唔係亦都好開心咩?喺2017服務年度,超過28萬4000位“秉性適宜得永生嘅人”接受水浸禮,表明佢哋已經獻身俾耶和華。(使徒行傳13:48)顯然,呢啲新嘅弟兄姊妹都明白,想成為基督徒就必須受浸。一個人喺受浸之前需要採取乜嘢步驟?
12.一個聖經學生喺受浸之前必須採取乜嘢步驟?
12 一個聖經學生先要對上帝、上帝嘅旨意同埋上帝嘅拯救安排有確切嘅知識,喺呢個基礎上培養信心,然後先可以受浸。(提摩太前書2:3-6)學生有咗信心之後,就會棄絶令上帝不悦嘅行為,並且努力符合耶和華嘅正義標準。(使徒行傳3:19)噉樣做好重要,因為一個人如果繼續做耶和華憎恨嘅事,耶和華就唔會接受佢嘅獻身。(哥林多前書6:9,10)一個追求正義嘅人除咗要遵守耶和華崇高嘅道德標準之外,仲要參加聚會,而且積極參與傳道教人嘅救生工作。耶穌話,真基督徒會執行呢項工作。(使徒行傳1:8)一個聖經學生必須完成以上步驟,先可以通過禱告獻身俾耶和華,然後喺大家嘅見證之下受浸。
幫助聖經學生定立目標
13.點解聖經老師一定要緊記,想做真基督徒嘅人必須受浸?
13 我哋一步一步噉教導自己嘅兒女同埋聖經學生,同時都應該緊記,想做真基督徒嘅人必須受浸。如果我哋記住呢一點,就可以更有效噉教導學生。所以,喺適當嘅時候,我哋就會同學生討論獻身受浸嘅重要性。的確,我哋都好希望自己嘅兒女同聖經學生不斷進步,可以獻身受浸!
14.點解我哋唔會强迫人受浸?
14 當然,聖經學生唔應該因為受到父母、聖經老師或者會衆其他人嘅壓力而受浸。耶和華絶對唔會强迫人事奉佢。(約翰一書4:8)所以,我哋教導人嗰時,必須强調同上帝培養親 密關係嘅重要性。如果聖經學生對真理深有體會,而且好想負起基督徒嘅軛,就自然想受浸。(哥林多後書5:14,15)
15,16.(甲)一個人係咪一定要到咗某個年齡先可以受浸?請解釋。(乙)就算一個聖經學生過去喺其他宗教已經受過浸,點解佢要再一次受浸先可以成為耶和華見證人?
15 一個人唔一定要到咗某個年齡先可以受浸。每個人屬靈成長嘅速度都唔一樣。好多人年紀輕輕就受浸,長大之後都繼續忠於耶和華。有啲人就上咗年紀之後先至學習聖經真理同受浸,當中有啲甚至超過100歲!
16 一個年老嘅聖經學生以前喺唔同嘅宗教接受過幾次浸禮,所以佢問聖經老師,係咪真係有需要再次受浸。聖經老師就俾佢睇一啲相關嘅經文。呢個學生明白咗聖經嘅要求之後,冇幾耐就受浸。雖然佢就快80歲,但都唔會覺得自己冇必要再受浸。我哋從中學到乜嘢?要確切認識耶和華嘅旨意先可以受浸,唯有呢種浸禮先會得到耶和華嘅悦納。所以,即使有啲人過去喺其他宗教已經受過浸,佢哋都必須再次受浸。(請讀使徒行傳19:3-5)
17.一個人喺受浸當日應該認真諗吓乜嘢?
17 一個人喺受浸嗰日當然會好開心,不過佢亦都應該認真諗吓獻身受浸嘅意義。佢想符合獻身嘅誓願就需要付出努力。所以耶穌就將基督徒嘅責任比作一個軛。耶穌嘅門徒必須“唔再為自己活,而係為替佢哋死咗又復活嘅主活”。(哥林多後書5:15;馬太福音16:24)
18.喺下一篇課文,我哋會討論乜嘢?
18 瑪麗亞嘅媽媽知道,成為基督徒係一個好嚴肅嘅決定,所以佢先會有課文開頭提到嘅疑問。如果你為人父母,可能你都問過自己:“我嘅兒女係咪已經準備好可以受浸?佢係咪已經有足够嘅知識可以獻身俾耶和華?我嘅兒女係咪要等到讀完書揾到工先考慮受浸?如果佢受浸之後犯咗嚴重嘅罪,點算好呢?”喺下一篇課文,我哋會討論以上嘅問題,而且睇吓基督徒父母可以點樣對受浸有正確嘅觀點。