你​有​冇​仔細​讀​過​最​近​幾​期《守望台》嘅​内容​呢？睇​吓​答​唔​答​到​以​下​嘅​問題：

有​邊​四​個​方法​可以​改善​我哋​嘅​歌喉？

我哋​可以​舉​高​歌​書，保持​正確​嘅​姿勢，亦​都​需要​適當​噉​呼吸。我哋​唱​歌​嗰陣​擘​大​啲​個​口​就​可以​唱​得​更​大聲。——《守》17.11​刊​5​頁

以色列​嘅​庇護城​位置​適中、道路​暢順，我哋​從中​學​到​乜嘢？

六​個​庇護城​位​於​以色列​唔同​嘅​地方，通​往​庇護城​嘅​道路​亦​都​保持​暢順。噉樣，誤殺​者​就​可以​更加​快速、容易​噉​尋​得​庇護。——《守》17.11​刊​14​頁

點解​耶和華​通過​耶穌​賜​下​嘅​贖價​係​佢​俾​我哋​嘅​最好​禮物？

我哋​好想​永遠​活着，亦​都​渴望​擺脱​罪​同​死亡。贖價​呢​份​禮物​可以​滿足​呢啲​願望。耶和華​好​愛​亞當​嘅​後代，所以​喺​我哋​仲係​罪​人​嘅​時候​就​為​我哋​獻​出​耶穌​嘅​生命​作為​贖價。——《守衆》17.6​期​6-7​頁

詩篇​118:22​點樣​預告​耶穌​嘅​復活？

以色列人​唔​承認​耶穌​就係​彌賽亞，並​將​佢​殺​害。耶穌​要​成為“房角石”，就​必須​要​被​復活。——《守》17.12​刊​9-10​頁

彌賽亞​嘅​所有​祖先​係咪​一定​要​係​頭生子？

彌賽亞​有啲​祖先​的確​係​頭生子，不過​唔​係​全部​都​係。大衛​係​彌賽亞​嘅​祖先，但​佢​唔​係​耶西​嘅​頭生子。——《守》17.12​刊​14-15​頁

聖經​入面​記載​咗​邊啲​醫學​知識？

摩西​律法​規定，患​咗​某​種​疾病​嘅​人​須​要​被​隔​離；人​接觸​屍體​後​必須​洗​手；排泄​物​要​處理​妥當；男嬰​要​喺​第​八​日​受​割禮，因為​嬰兒​出生​一​週​之後，血液​凝​結​能力​先至​會​達到​理想​嘅​水平。——《守衆》18.1​刊​7​頁

點解​一​個​基督徒​適當​噉​愛​自己​係​冇錯​嘅？

我哋​要​愛​人​如​己。（馬可福音​12:31）“丈夫​應該​愛​妻子，好似​愛​自己​嘅​身體。”（以弗所書​5:28）不過，對​自己​嘅​愛​可能​會​被​扭曲。——《守》18.01​刊​23​頁

你​點樣​做​就​可以​喺​屬靈​上​進步？

我哋​需要​用​心​研讀​並​沉思​上帝​嘅​話語，盡快​將​學​到​嘅​應用​出嚟，接受​耶和華​聖靈​嘅​指引，同埋​樂於​接受​其他​人​嘅​幫助。——《守》18.02​刊​26​頁

點解​我哋​唔​應該​通過​占卜​同​占星術預​知​未來？

原因​有​好​幾​個，不過​主要​係​因為​聖經​譴責​呢​兩​種​做法。——《守衆》18.2​刊​4-5​頁

我哋​接受​咗​邀請​就​應該​謹記​乜嘢？

我哋​接受​咗​一​個​邀請​就​應該​守​約。（詩篇​15:4）我哋​唔​應該​隨便​取消，因為​主人​可能​為​此​作​咗​好多​準備。——《守》18.03​刊​18​頁

受​委任​嘅​弟兄​可以​點樣​向​提摩太​學習？

提摩太​真心​關懷​他​人，佢​最​關注​嘅​係​屬靈​嘅​事；佢​努力​從事​神聖​服務​並​學​以​致​用；佢​不斷​訓練​自己，倚靠​上帝​嘅​聖靈。長老​同​其他​人​都​應該​效法​佢​嘅​榜樣。——《守》18.04​刊​13-14​頁