讓上帝嘅律法同原則熏陶你嘅良心
“我思索你提醒世人嘅聖諭。”——詩篇119:99
1.人類比動物優越嘅一個因素係乜嘢?
耶和華一開始就賜俾人類良心。呢個係一份好特别嘅禮物,亦都係我哋比動物優越嘅一個因素。亞當同夏娃違反耶和華嘅律法之後就匿咗起嚟,表明佢哋嘅良心受到譴責。
2.點解將良心比作指南針?(請睇吓課文開頭嘅圖片)
2 一個人如果良心冇受到良好嘅熏陶,就好似一艘船用唔準確嘅指南針導航,噉樣係好危險嘅。喺海風同洋流影響之下,船好容易會偏離原來嘅航線。所以,船長使用精確嘅指南針,先可以保持正確嘅航向。良心可以話係我哋道德上嘅指南針,能够幫助我哋判斷乜嘢係啱乜嘢係錯,使我哋繼續往正確嘅方向前進。如果我哋想良心有效噉發揮作用,就要正確噉調校我哋嘅良心。
3.如果良心冇受到良好嘅熏陶,會導致乜嘢後果?
3 良心冇受到良好嘅熏陶,就唔會喺我哋做錯事之前以賽亞書5:20;提摩太前書4:1,2)耶穌提醒佢嘅門徒話:“時候要到,凡殺你哋嘅,都自以為係敬奉上帝。”(約翰福音16:2)嗰啲處死司提反嘅人就係其中一個例子。(使徒行傳6:8,12;7:54-60)喺歷史上,唔少信奉宗教嘅人都奉神嘅名義做壞事,甚至殺人流血。(出埃及記20:13)顯然,佢哋嘅良心根本冇正確噉引導佢哋!
發出警告,有時甚至會令我哋“稱惡為善”。(4.我哋可以點樣避免變得良心麻木?
4 我哋可以點樣避免變得良心麻木?上帝話語入面嘅律法同原則“對於教導、責備、糾正、按正義施行管教,都係有益嘅”。(提摩太後書3:16)所以,我哋經常研讀聖經,沉思所讀嘅内容並喺生活上實踐出嚟,噉我哋嘅良心就會受到熏陶,同上帝嘅諗法一致,可以正確噉引導我哋。等我哋嚟睇吓,耶和華嘅律法同原則可以點樣訓練我哋嘅良心。
受上帝律法熏陶
5,6.我哋遵從上帝嘅律法可以得到乜嘢益處?
5 如果我哋想從上帝嘅律法得益,研讀嘅時候就唔應該只係略略讀吓或者僅僅滿足於理解表面嘅意思。我哋要喜愛並尊重上帝嘅律法。聖經話:“要憎恨邪惡,喜愛良善”。(阿摩司書5:15)我哋點樣先可以做到呢?一個重要嘅方法係,學識用耶和華嘅觀點去睇事情。假設你經常失眠,醫生為你作咗一個治療計劃,而你喺飲食、運動同生活方面都需要作出調整。你跟足呢個計劃去做,結果大有成效。你一定好感激呢個醫生幫助你改善生活質素。
6 同樣,創造主賜下嘅律法可以保護我哋,減輕罪對我哋造成嘅影響,從而改善我哋嘅生活。我哋可以諗吓,喺講大話、欺騙、偷竊、性不道德、暴力同通靈術方面,遵從上帝嘅律法可以得到乜嘢益處。(請讀箴言6:16-19;啟示錄21:8)我哋按照耶和華嘅方式行事而得益,好自然就會對耶和華滿懷感激,亦都會更加喜愛佢嘅律法。
7.閲讀同沉思聖經入面嘅真人真事對我哋有乜嘢幫助?
7 我哋唔需要等到違反上帝嘅律法而承擔惡果之後先至學識乜嘢係啱,乜嘢係錯。我哋可以從聖經人物所犯嘅錯誤吸取教訓。箴言1:5話:“有智慧嘅人肯聽教誨,多受教益”。閲讀同沉思聖經入面嘅真人真事,我哋就可以從上帝嗰度得到最好嘅教育。大衛王違反耶和華嘅誡命,同拔示巴通姦,結果要承受痛苦。(撒母耳記下12:7-14)閲讀同沉思呢個記載嘅時候,我哋可以問吓自己:“大衛王點樣做就可以免受呢啲痛苦?如果面對類似嘅考驗,我會點樣做?我會好似約瑟噉馬上逃離定係會好似大衛噉向誘惑屈膝呢?”(創世記39:11-15) 我哋沉思順應肉體會有乜嘢惡果,就會更加決心“憎恨邪惡”。
8,9.(甲)我哋嘅良心可以幫助我哋做乜嘢?(乙)耶和華嘅原則點樣幫助我哋嘅良心有效噉發揮作用?
8 我哋知道要遠離耶和華憎恨嘅事。不過,某啲情況聖經並冇明確規定點樣做,噉我哋會點樣抉擇?喺呢啲情況下,我哋點知道上帝希望我哋點樣做?呢個時候,我哋就需要通過受到聖經熏陶嘅良心嚟做決定。
9 耶和華深愛我哋,所以佢提供嘅原則可以指引我哋嘅良心。佢話:“我耶和華係你嘅上帝,教導你使你得益處,指引你走當行嘅路。”(以賽亞書48:17,18)如果我哋深入思考聖經嘅原則,内心受到打動,就會調整自己嘅良心。噉樣就可以幫助我哋作出明智嘅決定。
受上帝原則指引
10.乜嘢係原則?耶穌點樣教導門徒運用原則?
10 原則係基本嘅真理,可以指導人嘅思想,幫助人做明智嘅決定。耶和華嘅原則幫助我哋明白佢嘅諗法,以及佢制定某啲律法嘅原因。耶穌喺地上傳道嘅時候教導門徒一啲基本嘅真理,幫助佢哋睇出某啲行為態度會帶嚟乜嘢後果。有一次,佢教導人話,怨恨會導致暴力,慾望會導致淫亂。(馬太福音5:21,22,27,28)如果我哋受耶和華嘅原則指引,良心就會得到良好嘅熏陶,作出嘅決定亦都會榮耀耶和華。(哥林多前書10:31)
11.每個基督徒嘅良心係咪都一樣?請解釋。
11 喺某啲情況下,雖然兩個基督徒嘅良心都受過聖經熏陶,但係佢哋作出嘅決定可能會有所不同。例如,聖經冇話唔可以飲酒,不過譴責人縱酒同醉酒。(箴言20:1;提摩太前書3:8)噉係咪話,一個基督徒適度飲酒就唔需要考慮其他因素?唔係。就算佢自己嘅良心覺得冇問題,但作為一個基督徒都應該顧及其他人嘅良心。
12.羅馬書14:21點樣鼓勵我哋尊重其他人嘅良心?
12 基督徒應該顧及其他人嘅良心。關於呢一點,保羅話:“無論係食肉、飲酒,定係任何事,如果會令你嘅弟兄失足,就一概唔好做。”(羅馬書14:21)雖然我哋有權為自己做決定,但如果我哋嘅決定會令弟兄姊妹良心不安,噉我哋願唔願意放棄自己嘅權利呢?有啲弟兄姊妹可能喺認識真理之前慣常縱酒,不過而家決定完全唔飲酒。我哋一定唔想絆倒佢哋,令佢哋再次沾染惡習。(哥林多前書6:9,10)所以喺交往嘅時候,如果我哋向一個唔想飲酒嘅弟兄施加壓力,就唔係仁慈嘅表現嘞。
13.為咗宣揚好消息,提摩太立下乜嘢好榜樣?
13 提摩太喺二十歲左右嘅時候,使徒行傳16:3;哥林多前書9:19-23)你願唔願意效法提摩太,為咗其他人嘅益處而作出犧牲?
為咗使猶太人接受好消息,甘願忍受割禮嘅痛苦。佢同使徒保羅一樣,唔想絆倒任何人。(“邁向成熟嘅階段”
14,15.(甲)邁向成熟係乜嘢意思?(乙)成熟嘅基督徒會點樣向人表現愛心?
14 所有基督徒都應該超越“關於基督嘅初步教義”,然後“邁向成熟嘅階段”。(希伯來書6:1)呢個過程唔係自然發生嘅。我哋需要“邁向”,意思係要不斷努力。達到成熟嘅階段,意味住我哋要繼續增加知識同埋培養洞悉力。我哋經常受到鼓勵,要每日研讀聖經。(詩篇1:1-3)你有冇將呢個視為自己嘅目標?研讀聖經可以幫助你更深入理解上帝嘅話語,使你更加明白耶和華嘅律法同原則。
15 對基督徒嚟講,最重要嘅律法就係愛。耶穌教導門徒話:“你哋如果彼此相愛,所有人就會因此知道你哋係我嘅門徒嘞。”(約翰福音13:35)耶穌同母異父嘅弟弟雅各將愛稱為 “至尊嘅律法”。(雅各書2:8)保羅話:“愛心完全體現咗律法。”(羅馬書13:10)聖經經常强調愛呢種特質並唔出奇,因為“上帝就係愛”。(約翰一書4:8)上帝唔單止喺心入面愛人類,仲會採取實際嘅行動。約翰寫道:“上帝差佢獨生嘅兒子到世人當中,使我哋可以通過佢得生命。憑住呢一點,上帝嘅愛就喺我哋身上顯明出嚟。”(約翰一書4:9)我哋對耶和華、耶穌基督、弟兄姊妹同其他人表現愛心,就證明我哋係成熟嘅基督徒。(馬太福音22:37-39)
16.點解我哋靈性越成熟,原則對我哋嚟講就越重要?
16 我哋靈性越成熟,原則對我哋哥林多前書15:33)不過小朋友長大、變得更加成熟之後,就可以運用自己嘅思考力,根據聖經嘅原則推理。噉樣,佢慢慢就識得明智噉選擇朋友。(請讀哥林多前書13:11;14:20)我哋按照上帝嘅原則嚟推理,良心所作嘅指引就會變得更加可靠,我哋喺唔同嘅情況下亦都更清楚上帝希望我哋點樣做。
嚟講就越重要。因為律法往往只適用於某啲特定嘅情況,而原則就可以喺唔同嘅情況下應用。例如,一個小朋友唔明白不良交往嘅危險,所以有辨識力嘅父母就會設立一啲規定嚟保護佢。(17.點解話,我哋已經擁有作明智決定所需嘅工具?
17 我哋有能力使自己嘅決定蒙耶和華悦納,因為我哋已經擁有作明智決定所需嘅工具。上帝嘅律法同原則使我哋可以“完全勝任,裝備齊全,做各樣善工”。(提摩太後書3:16,17)所以,為咗“明白耶和華嘅旨意係乜嘢”,我哋應該查考聖經嘅原則。(以弗所書5:17)要善用上帝組織提供嘅輔助工具,例如《守望台出版物索引》、《耶和華見證人出版物檢索手册》、《守望台書庫》、守望台線上書庫同埋JW Library應用程式。呢啲工具可以幫助我哋從個人研讀同家庭研讀充分得益。
良心受聖經熏陶會帶嚟福分
18.我哋按照耶和華嘅律法同原則去做會得到乜嘢福分?
18 我哋按照耶和華嘅律法同原則去做,就可以得到好多福分。詩篇119:97-100話:“我真係好愛你嘅律法!日夜不停噉沉思。你嘅誡命使我比仇敵有智慧,因為我永世謹記你嘅誡命。我比我嘅老師更能洞悉事理,因我思索你提醒世人嘅聖諭。我比年長嘅人更有悟性,因為我遵守你嘅命令。”我哋如果花時間“思索”上帝嘅律法同原則,就會更加識得善用智慧、洞悉力同理解力。我哋努力運用上帝嘅律法同原則熏陶自己嘅良心,就能够達成“基督長成嘅身量”。(以弗所書4:13)