你​有​冇​仔細​讀​過​最近​幾​期《守望台》嘅​内容​呢？睇​吓​答​唔​答​到​以​下​嘅​問題:（所有​公衆版​同​1-5​月刊​嘅​研讀版​請​參考​普通話）

為咗​幫助​仔女​喺​屬靈​上​進步，點解​移​民​到​外國​嘅​父母​需要​考慮​語言​方面​嘅​問題？

仔女​好​可能​喺​學校​或者​其他​地方​學識​當地​嘅​語言。熟悉​多​一​種​語言​對​細路仔​嚟​講​係​有​好處​嘅。父母​需要​考慮​年輕人​喺​邊​種​環境​底​下​最​能够​吸收​真理、喺​屬靈​上​進步，究竟​喺​當地​語言​嘅​會衆，抑或​喺​母語​嘅​會衆​比較​好。父母​選擇​參加​邊​種​語言​嘅​聚會​嗰時，應該​優先​考慮​仔女​嘅​屬靈​情況，而​唔​係​自己​嘅​喜好。——《守》2017．5​刊 9-11​頁

耶穌​問​彼得:“你​係咪​愛​我​勝​過​愛​呢啲？”佢​講​嘅“呢啲”係​指​乜嘢？（約翰福音​21:15）

睇嚟​耶穌​係​指​捕​魚​或者​彼得​嘅​事業。耶穌​死​後，彼得​再次​返去​捕​魚。基督徒​需要​衡量​吓​自己​應該​將​世俗​工作​放​喺​乜嘢​位置。——《守》2017．5​刊 22-23​頁

點解​亞伯拉罕​叫​妻子​撒拉​話​自己​係​佢​嘅​妹？（創世記​12:10-13）

撒拉​的確​係​亞伯拉罕​同​父​異​母​嘅​妹。如果​撒拉​話​自己​係​亞伯拉罕​嘅​妻子，亞伯拉罕​就​可能​會​被​殺，噉​耶和華​所​應許​嘅​後代​就​唔​會​出現​嘞。——《守衆》2017．3​期 14-15​頁

埃利亞斯·胡特爾​使用​咗​乜嘢​技巧​嚟​幫助​人​學​希伯來語？

佢​想​幫助​學生​將​希伯來語​單詞​嘅​詞​根​同​前後​綴​區分​開。佢​用​實​心​字體​印刷​希伯來語​單詞​嘅​詞​根，而​用​空​心​字體​印刷​前後​綴。《聖經​新世界譯本​詳​注​本》（英語）嘅​腳注​亦​都​採用​類似​做法。——《守衆》2017．4​期 11-12​頁

對於​一​個​人​可唔可以​為咗​保護​自己​免​受​他​人​傷害​而​擁有​槍械，基督徒​應該​考慮​乜嘢？

喺​上帝​眼​中，生命​係​神聖​嘅；耶穌​冇​鼓勵​佢​嘅​門徒​為咗​自衛​而​佩​劍；（路加福音​22:36，38）我哋​要​將​刀劍​打​成​犁頭；生命​比​物質​更加​寶貴；我哋​會​尊重​其他​人​嘅​良心，亦​都​想​立​下​榜樣。（哥林多後書​4:2）——《守》2017．7​刊 31-32​頁

關於​耶穌​早期​嘅​生活，點解​馬太​同​路加​嘅​記載​有​出入？

馬太​嘅​記載​主要​同​約瑟​有關，例如​佢​對​馬利亞​懷孕​嘅​反應，天使​叫​佢哋​逃​離​埃及​同埋​之後​返翻​以色列。而​路加​嘅​記載​主要​集中​喺​馬利亞​身上，包括​佢​拜訪​伊利莎白，同埋​佢​對​耶穌​細個​嗰時​留​咗​喺​聖殿​嘅​反應。——《守》2017．8​刊 32​頁

聖經​經歷​咗​乜嘢​情況​但​依然​能够​留​存​落嚟？

隨​住​時間​過去，聖經​嘅​用語​同​表達​發生​咗​改變；政治​上​嘅​變化​亦​都​影響​到​社會​嘅​通​用語​言；將​聖經​翻譯​成​通​用語​言​嘅​工作​受​到​反對。——《守》2017．9​刊 19-21​頁

我哋​有​冇​一​個​守護​天使？

冇。耶穌​提​到​門徒​嘅​天使​喺​天上​可以​見到​上帝​嘅​面。（馬太福音​18:10）佢​嘅​意思​係​天使​好​關注​門徒​嘅​情況，而​唔​係​話​天使​會​神奇​噉​保護​每​一​個​門徒。——《守衆》2017．5​期 5​頁

最​偉大​嘅​愛​係​乜嘢？

“阿格配”呢​種​愛​係​最​偉大​嘅，以​正確​嘅​原則​為​基礎。呢​種​愛​包括​温情​同​愛意，但​最​主要​嘅​表現​係​無私​噉​為​他​人​付出。——《守》2017．10​刊 7​頁