LECCIÓN 12
¿Xha ibig gaxhnu kun Dios?
1. ¿Á rkuadiág Dios irate de oración ni ruyn de bniety?
Dios ruyn invitar irate de bniety par ibig gaxdeb ló Dios kun oración (Salmo 65:2). Nde kɨt zeloti didx dek rkuadiagni irate de oración ni ruyn de bniety. Xhtidx Dios rní dek bniety nguiu ni kɨt rkualo chielni «kɨt ruynti Dios kuend xhtidxba» (1 Pedro 3:7). Ne chi de israelitas ruyndeb ni ná mal zien güeld, kɨt rkuadiagti Dios laadeb. Per Dios rkuadiagni de bniety ni rialaaz pur de duld ni a beindeb. Bily Isaías 1:15 ne 55:7.
2. ¿Xha na par guynnu oración?
Zikza chi ruynu oración kayunnu adorar laani, pur nii soltiz ló ni na par guynnu oración (Mateo 4:10; 6:9). Pur nanu, bniety duld, na par guynnu oración pur lá Jesús, laani gutyni pur de duld xhtennu (Juan 14:6). Jehová kɨt rkazti gulnu tuby oración ni ka lo guitz o ininuni zien güelt, laani rkaz ininénuni ni rzienpaknu. Bily Mateo 6:7 ne Filipenses 4:6, 7.
Ni benché dunún rkuadiagni de oración ni ruynnu xhigaa (1 Samuel 1:12, 13). Ne ruynni invitar dunún guynnu oración xixite, rzily, guxhin chi rkinnu ne chi kadednu galnagán. Bily Salmo 55:22 ne Mateo 15:36.
3. ¿Xha rakné de reunión dunún?
Nuʼn lay de bniety ni kɨt rap fe en Dios ne axht ruyndeb burl chi rindiagdeb de promés dek soltiz Dios ná ni guiedné paz lo Guixliú. Nde guyn dek kɨtruʼ guynnu fuérz par ibignu lo Dios (2 Timoteo 3:1, 4; 2 Pedro 3:3, 13). Pur nii rkin idxag saʼn kun steruʼ de cristianos par gaknedeb dunún. Zikza rkin gaknenu laadeb. Bily Hebreos 10:24, 25.
Chi rdxag saʼn kun de bniety ni rkáz Dios rziennu dek nuʼnu mazruʼ gax de laani. De reunión xhten de testigu xhte Jehová rnidxni oportunidá dunún par gakben de ejémpl de fe xhte steruʼ de saʼn. Bily Romanos 1:11, 12.
4. ¿Xha ibigaxhbiú kun Dios?
Zuynbiú gan ibigaxhbiú kun Dios bel guynbiú xhgab lo ni kazedbiú laʼn xhtidxni. Benbiú xhgab ni a beinni, de conséju ne de promés xhtenni. Xhgab ne oración gakné gakbezakbiú dek broʼ ná galrkáz ne galnan xhte Dios. Bily Josué 1:8 ne Salmo 1:1-3.
Soltiz zeleʼ ibigaxhbiú kun Dios bel napbiú fe ne reldilazbiú laani. Fe ná zik nanu dunún, par ibainu na par ikinzaknu xixite, ne riennu zik chi ruynnu xhgab xhi rson nuʼ par choldilaaznu ni kazednu laʼn xhtidx Dios. Bily Mateo 4:4 ne Hebreos 11:1, 6.
5. ¿Xhi galnazák gap de bniety ni ibig gaxh kun Dios?
Jehová ruʼni garzá pur de bniety ni rkáz laani. Rapni poder par ikualoni de bniety lo irate ni suʼ lo fe xhtendeb ne esperánz xhte galnabáin ni kɨt ilux (Salmo 91:1, 2, 7-10). Rguixteni xhi de kɨt nati par guyndeb par chuʼ zakdeb ne ibaindeb nasáʼ, ne rliuʼni xha ibáin zakdeb. Bily Salmo 73:27, 28 ne Santiago 4:4, 8.
Puede que también le interese
TU DE NANU
Videu: ¿Xhi ní na par izednuʼ Biblia?
Biblia kayakné zien de bniety idubte lo Guixliú kadxieldeb ni rkazdeb gakbedeb lo galnabáin xhtendeb. ¿La rkazu gakbéu xhi rni Biblia lo galrnabdidx xhteniu?
