¿Ñee rusihuinni ca profecía zeeda lu Biblia Jesús nga Mesías la?
Ni ricabi Biblia
Dxandíʼ laabe nga Mesías. Dxi beeda Jesús ndaaniʼ Guidxilayú riʼ, guca cumplir stale profecía luguiabe, beeda gácabe «Mesías Xaíque», ne beedabe para gulabe «binni guidxilayú» (Daniel 9:25; 1 Juan 4:14). Ne despué de gútibe guca cumplir stale profecía luguiabe (Salmo 110:1; Hechos 2:34-36).
¿Xi raca significar título Mesías?
Título hebreu Maschíaj (Mesías) ne diidxaʼ griegu Kjristós (Cristu) raca significar ni «Ungidu». Nga runi diidxaʼ Jesucristu raca significar ni «Jesús Ungidu» o «Jesús Mesías».
Tiempu gucuá Biblia ora guni ungírcabe o cuícabe tuuxa para guicaa ti dxiiñaʼ nabé risaca caquiiñeʼ guxhiicabe aceite ique (Levítico 8:12; 1 Samuel 16:13). Gulí Jehová Jesús para gaca Mesías, ti dxiiñaʼ nabé risaca (Hechos 2:36) Peru qué ñuni ungir Dios laabe ne aceite, sínuque bi’ni’ ni né espíritu santu stiʼ (Mateo 3:16).
¿Ñanda ñuni cumplir jma de ti binni ca profecía stiʼ Mesías la?
Qué zanda. Casi ca zanda gánnanu tuu nga ti binni pur huella stiʼ, zacaca nga ca profecía ni zeeda lu Biblia ni caníʼ tuu nga Mesías o Cristu. Lu Biblia ná: «Purtiʼ zahuinni stale falsu Cristu ne falsu profeta ne zúnicaʼ milagru naroʼbaʼ, ne cosa ni idxagayaa binni para quítecaʼ laacabe, pa ñanda si dede né ca ni bibí» (Mateo 24:24).
¿Ñee zadúʼyanu Mesías sti biaje la?
Coʼ. Lu Biblia riete zá Mesías de familia stiʼ David, ni guca tobi de ca rey stiʼ guidxi Israel (Salmo 89:3, 4). Peru biniti ca registru ra cá lá ca ni guca familia stiʼ David. Ne ruluíʼ binitilú ca romanu ca registru riʼ dxi binitilucaʼ Jerusalén lu iza 70. a Dede dxi que, guirutiʼ qué huasihuinni zá de familia stiʼ David. Peru dxi bibani Jesús nuu ca registru que, ne nin ca enemigu stibe que ñanda niníʼ cadi zá Jesús de familia stiʼ David (Mateo 22:41-46).
¿Panda profecía ni caníʼ de Mesías riete lu Biblia?
Qué gánnanu ne qué zanda ugábanu panda profecía ni caníʼ de Mesías riete lu Biblia. Guzéʼtenu ti ejemplu, lu relatu ni zeeda lu Isaías 53:2-7 riete caadxi cosa ni chiguizaaca Mesías. Nuu binni riníʼ ni zeeda lu relatu riʼ nácani ti profecía si, peru laaca nuu xcaadxi riniʼcaʼ cada cosa ni riete raríʼ ti profecía ca ni.
Caadxi profecía ni caníʼ de Mesías ni guca cumplir luguiáʼ Jesús
Ni bizaaca |
Profecía |
Modo guca cumplir ni |
|---|---|---|
Zabe de Abrahán |
||
Zabe de Isaac, xiiñiʼ Abrahán |
||
De tribu israelita stiʼ Judá |
||
De familia stiʼ rey David |
Isaías 9:7 |
|
Xiiñiʼ ti binnidxaapaʼ |
Isaías 7:14 |
|
Zálebe Belén |
Miqueas 5:2 |
|
Binibiáʼcabe laabe casi Emmanuel b |
Isaías 7:14 |
|
Qué ñápabe cosa ni risaca |
Isaías 53:2 |
|
Biiticabe caadxi xcuidi despué de gúlebe |
Jeremías 31:15 |
|
Gulídxicabe laabe de Egipto |
Oseas 11:1 |
|
Binibiáʼcabe laabe casi Nazarenu c |
Isaías 11:1 |
|
Guzaniruʼ ti mensajeru delante de laabe |
Malaquías 3:1 |
|
Guca ungirbe casi Mesías lu iza 29 d |
Daniel 9:25 |
|
Guníʼ Dios Xiiñiʼ laabe |
Salmo 2:7 |
|
Gunnaxhiibe lidxi Dios |
Salmo 69:9 |
|
Biʼniʼ predicarbe ca noticia galán |
Isaías 61:1 |
|
Beeda gaca ministeriu stibe casi ti biaaniʼ dxi biʼniʼ predicarbe Galilea |
Isaías 9:1, 2 |
|
Cásica Moisés, bíʼnibe milagru |
Deuteronomio 18:15 |
|
Cásica Moisés, guniʼbe ni gudxi Dios laabe guiniʼbe |
Deuteronomio 18:18, 19 |
|
Bisiándabe binni huará |
Isaías 53:4 |
|
Qué nuyúbibe nusisaca binni laabe |
Isaías 42:2 |
|
Biabe ca ni cayuni sufrir |
Isaías 42:3 |
|
Bisiidibe justicia stiʼ Dios |
Isaías 42:1, 4 |
|
Ni jma nanna gudii conseju |
Isaías 9:6, 7 |
|
Bisiidibe binni lá Jehová |
Salmo 22:22 |
|
Biquiiñebe ejemplu para bisiidibe |
Salmo 78:2 |
|
Gúcabe ti Xaíque |
Daniel 9:25 |
|
Stale binni qué ñuni cré laabe |
Isaías 53:1 |
|
Guié ni guirenda ñee binni |
Isaías 8:14, 15 |
|
Bíʼnicabe menu laabe |
Salmo 118:22, 23 |
|
Guca nanaláʼdxicabe laabe sin guzaabibe gastiʼ |
Salmo 69:4 |
|
Bisisácacabe laabe dxi guyuube ndaaniʼ guidxi Jerusalén dxíʼbabe ti burru |
Zacarías 9:9 |
|
Bisisaca caadxi xcuidi laabe |
Salmo 8:2 |
|
Beedabe de lu lá Jehová |
Salmo 118:26 |
|
Biʼniʼ traicionar ti xhamígube laabe |
Salmo 41:9 |
|
Biʼniʼ traicionárcabe laabe pur 30 moneda de plata e |
Zacarías 11:12, 13 |
|
Bisaana ca xhamígube laabe |
Zacarías 13:7 |
|
Gundísacabe falsu luguiabe |
Salmo 35:11 |
|
Qué niniʼbe gastiʼ nezalú ca binni ni gundisaʼ falsu luguiabe |
Isaías 53:7 |
|
Bichá xhínnicabe lube |
Isaías 50:6 |
|
Bigázecabe ti ubaguí íquebe |
Miqueas 5:1 |
|
Guluucabe chicote laabe |
Isaías 50:6 |
|
Qué ñúnibe gastiʼ ora bininácabe laabe |
Isaías 50:6 |
|
Gundisaʼ caadxi binni risaca falsu luguiabe |
Salmo 2:2 |
|
Bicaacabe laabe lu ti yaga |
Salmo 22:16 |
|
Guleecabe suerte xhábabe |
Salmo 22:18 |
|
Guníʼcabe nácabe ti binni ruchee |
Isaías 53:12 |
|
Guluudícabe ne bíʼnicabe menu laabe |
Salmo 22:7, 8 |
|
Gunabe guni sufrirbe pur ca binni ruchee |
Isaías 53:5, 6 |
|
Stale tu guníʼ ique bisaana Dios laabe |
Salmo 22:1 |
|
Bidiicabe laabe vinu nuchaʼ guixi nandáʼ |
Salmo 69:21 |
|
Ante gátibe guniʼbe cayátibe nisa |
Salmo 22:15 |
|
Bisaanabe espíritu stibe lu náʼ Dios |
Salmo 31:5 |
|
Bidiibe xquendanabánibe |
Isaías 53:12 |
|
Bidiibe xquendanabánibe para guilá stale binni |
Isaías 53:12 |
|
Qué nigúzacabe nin ti dxita ládibe |
Salmo 34:20 |
|
Bicuícabe ti lanza cueʼ tíʼxhibe |
Zacarías 12:10 |
|
Bicaachicabe laabe lade binni ricu |
Isaías 53:9 |
|
Biásabe de lade gue’tu’ |
Salmo 16:10 |
|
Guleecabe ni biʼniʼ traicionar laabe |
Salmo 109:8 |
|
Zúbabe ladu derechu stiʼ Dios |
Salmo 110:1 |
a Cyclopedia McClintock ne Strong ná: «Zándaca binitilú ca registru stiʼ ca tribu ne ca familia judíu dxi binitilú Jerusalén, ne cadi ante de fecha ca».
b Lá hebreu Emmanuel, ni raca significar «Nuuné Dios laanu», rusihuinni xi dxiiñaʼ chiguni Jesús casi Mesías. Pur ni bíʼnibe dxi biuube ndaaniʼ Guidxilayú riʼ bisihuínnibe nuuné Dios ca ni runi adorar laa (Lucas 2:27-32; 7:12-16).
c Zándaca zeeda diidxaʼ Nazarenu de diidxaʼ hebreu néster, ni raca significar «biitu».
d Pa racaláʼdxiluʼ gánnaluʼ riete lu Biblia zahuinni Mesías lu iza 29, biindaʼ artículo ni láʼ «Guníʼ profeta Daniel chigueeda ti Mesías».
e Zeeda profecía riʼ lu libru stiʼ Zacarías, peru Mateo ná «guníʼ Dios de ruaa profeta Jeremías» (Mateo 27:9). Zándaca dxiqué guluucabe libru stiʼ Jeremías ra ruzulú sección stiʼ ca Escritura ni runibiáʼcabe casi «ca profeta» (Lucas 24:44). Ne zándaca biquiiñeʼ Mateo libru stiʼ Jeremías para guzeeteʼ ni zeeda lu sección riʼ, ne laaca lu sección riʼ zeeda libru stiʼ Zacarías.
Laaca zándaca ziuuláʼdxiluʼ ca ndiʼ
¡GUTANÁ!
Cusiene ti gunaa judía xiñee bichaa ca ni runi cré
¿Xi bicaa Racquel Hall guni cré Jesús nga Mesías ni cabeza gueeda que?
CA NI RUSIIDIʼ BIBLIA
Biiyaʼ ximodo ridúʼndanedu binni Biblia
Gunabaʼ guʼndané tuuxa lii sin quíxeluʼ.