Hebreos 1:1-14
1 Dxiqué la? stale biaje ne stale modo biquiiñeʼ Dios ca profeta stiʼ para guniʼné ca bixhozebiidanu.*
2 Peru yanna la?* maʼ biquiiñebe Xiiñibe para guiníʼnebe laanu, ne gulibe laa para guicaa guiráʼ cosa casi herencia, ne pur mediu de laa bizaʼbe guiráʼ ni nuu guibáʼ.*
3 Rusihuinni Jesús guendanandxóʼ* stiʼ Dios, ne zeeda gácabe casi peʼ laa,* ne riquiiñeʼ Jesús poder ni napa stiidxaʼ Dios para guinaaze guiráʼ cosa. Ne bisiásibe laanu* de ca pecadu stinu, bibiguétabe guibáʼ ne guribe ladu derechu stiʼ Dios.
4 Nga runi, jma risácabe que ca ángel, ne maʼ gucuaabe ti nombre, tobi ni jma galán que ni nápacaʼ.
5 ¿Ñee huayuu dxi gabi Dios tobi de ca ángel: «Lii nga xiiñeʼ; yannadxí maʼ bedagacaʼ bixhózeluʼ» la? ¿Ñee huayuu dxi guiniʼbe ca diidxaʼ riʼ para ti ángel: «Zacaʼ bixhózebe ne laabe zácabe xiiñeʼ» la?
6 Peru dxi guseendabe baʼduʼ primé* stibe sti biaje ndaaniʼ guidxilayú riʼ la? zaniʼbe: «Guzuxibi guiráʼ ca ángel stiʼ Dios xañeebe».
7 Ne ndiʼ nga ni guniʼbe* de ca ángel: «Runi Dios ca ángel stiʼ espíritu, ne runi ca xpinni* casi ti bele».
8 Peru sicaríʼ nga guniʼbe de Xiiñiʼ Dios: «Dios nga rudii lii autoridad* ne zuni mandarluʼ para siempre, ne jneza zuni mandar Reinu stiluʼ.*
9 Gunnaxhiiluʼ ni jneza* ne guca nanaláʼdxiluʼ cosa malu. Nga runi, gulí* Dios stiluʼ lii né aceite, ne bisiecheʼ lii jma que ca xcompañéruluʼ».
10 Ne laaca riete lu Stiidxaʼ Dios: «Maʼ xadxí* gudíxheluʼ base* stiʼ guidxilayú riʼ Señor stinneʼ, ne lii bizaʼluʼ guibáʼ.
11 Zadxiña dxi guiluxe guiráʼ ni, peru lii qué ziuu dxi gátiluʼ; ne zioʼxhoʼ guiráʼ ni casi rioʼxhoʼ ti lari,
12 ne zutópaluʼ guiráʼ ni casi rutopa binni ti lari, ne zuchaaluʼ guiráʼ ni casi ora nuchaacabe de lari. Peru lii qué zuchaaluʼ, ne qué ziuu dxi gátiluʼ».
13 ¿Ñee huayuu dxi gabi Dios tobi de ca ángel stiʼ: «Gurí ladu derechu stinneʼ dede ora maʼ gudixheʼ ca enemigu stiluʼ casi banguhuiiniʼ para quixhe ñeeluʼ» la?
14 ¿Ñee cadi ca ángel ca nga ca espíritu ni runi xhiiñaʼ Dios la?* ¿Ñee cadi laacabe nga ruseendaʼ Dios para chigacanécabe ca xpinni ni chiguilá la?
Nota
^ O «ca antepasadu stinu».
^ Lit. «ra ziluxe ca dxi riʼ».
^ O «gloria».
^ O «rusihuínnibe personalidad stiʼ».
^ O «despué de biʼniʼ purificarbe laanu».
^ O «Primogénito».
^ Dios nga caníʼ raríʼ, ne riquiiñebe Stiidxabe para gúnibe ni.
^ O «ca ministru stiʼ».
^ Lit. «Dios nga trono stiluʼ».
^ Lit. «Dede ti principiu».
^ O «cimientu».
^ O «ca ni rudii ti serviciu santo», «ca ni rudii ti serviciu públicu».
