MODO RÚNINU XHIIÑAʼ DIOS
Dxi guzulú guni invitarnu binni asamblea regional
Guiráʼ iza riéchenu stale pur guendaró espiritual ni ricaanu lu ca asamblea regional ni rápanu. Cumu racaláʼdxinu laaca guni sentir xcaadxi binni pabiáʼ nadxii Jiobá laanu la? zúninu stipa pur guni invitarnu biaʼ ganda (Sl 34:8). Ca binnigola stiʼ cada neza binni ridagulisaa zuuyacaʼ ximodo jma jneza quíʼzinu invitación.
CANI NAQUIIÑEʼ GÁNNANU
-
Padxí chigaca asamblea stinneʼ.
-
Padxí guzulú congregación stinneʼ quiʼziʼ invitación.
-
Padxí chigaca ca guendaridagulisaa para chigucheechedu diidxaʼ.
-
Xi racalaʼdxeʼ guneʼ ora guzulú guiaaziʼ invitación riʼ.
-
Tu guiráʼ guneʼ invitar.
GUSAANANU INVITACIÓN
Ugapadiúxisinu, zanda guininu:
«Lu guidubi Guidxilayú, cayuni invitardu binni ti guendaridagulisaa nabé risaca. Lu invitación riʼ cá paraa, padxí ne pora chigaca ni. Ñuuláʼdxidu ñeluʼ dxi ca».
GUYÚBINU MODO CHUULAʼDXIʼ BINNI CHEʼ
Neca racaláʼdxinu guni invitarnu stale binni asamblea ca, naquiiñeʼ guidúʼyanu tu laa cayuulaʼdxiʼ cheʼ.
Ca sábadu ne ca domingu, laaca zanda gusaananetu binni invitación ra gusaananetu laacaʼ revista.