Guiráʼ iza rié stale xpinni Cristu ni nuu inactivu Conmemoración. Neca bizulú cuxooñecabe lu carrera ni rudii guendanabani, guyuu xiixa ni bicueeza laacabe de guxooñecabe casi dxi bizulúcabe, lu folletu Cabeza Jiobá guibiguétaluʼ rieeteʼ caadxi ejemplu (Heb 12:1). Cani nuu inactivu nabé risácacaʼ para Jiobá, purtiʼ laaca guziʼbe laacaʼ né rini stiʼ Xiiñibe (Hch 20:28; 1Pe 1:18, 19). ¿Ximodo zanda gacanenu laacabe guibiguétacabe ndaaniʼ congregación yaʼ?

Runi ca ancianu de congregación stipa guiníʼnecaʼ cani nuu inactivu para gacanecaʼ laacabe, cásica runi ti pastor ni ruyubi ca dendxuhuiiniʼ ni maʼ bixeleʼ (Lu 15:4-7). Ndiʼ rusihuinni pabiáʼ nadxii Jiobá laacabe (Jer 23:3, 4). Cadi ca ancianu si nga zanda gacané ca hermanu riʼ; guiranu zanda gúninu ni. Intiica cosa gúninu ni gusihuinni nadxiinu laacabe, zusiecheʼ ni Jiobá ne zasaca ni (Pr 19:17; Hch 20:35). Guníʼ ique tu zanda gacaneluʼ ne biʼniʼ ni nagueenda.

GÚʼYASITU VIDEU NI LÁʼ GACANENU CA INACTIVU, ZANDA GUICÁBITU CA PREGUNTA ZEEDA RARÍʼ:

• ¿Xi biʼniʼ Abbey dxi binibiáʼ ti hermana nuu inactiva?

• ¿Xiñee naquiiñeʼ guinínenu ca ancianu pa caníʼ íquenu gacanenu tuuxa inactivu?

• ¿Xi biʼniʼ Abbey ante chiganna Laura guiropa biaje?

• ¿Ximodo bisihuinni Abbey qué niree gana, gupa paciencia ne guendarannaxhii ora gucané Laura?

• ¿Xi rusiidiʼ ilustración stiʼ Jesús ni zeeda lu Lucas 15:8-10 laanu?

• ¿Xi guleendú guirá hermanu pur bíʼnicaʼ stipa para gacanecaʼ Laura?