¿Tuu ndiʼ guidxaagalunu yaʼ? Guiráʼ cani rié reunión, cani nacubi o cani maʼ napa tiempu de runibiaʼnu (Ro 15:7; Heb 13:2). Zándaca ti hermanu de sti guidxi o ti inactivu ni deruʼ cuzulú cayé reunión sti biaje. ¿Xi ñuni sentirluʼ pa ñuuluʼ lugar stícabe? ¿Cadi dxandíʼ ñécheluʼ ñuu tu nidxaagalú lii la? (Mt 7:12). Nga runi, galán nga gúninu stipa pur gudíʼnanu guiráʼ cani cheʼ ra Yoo stiʼ Reinu ante ne despué de cada reunión. Ndiʼ zacané laanu chuʼnu tobi si ne guni sentirnu galán (Mt 5:16). Zándaca qué zudii tiempu laanu guinínenu guiráʼ. Peru pa cada tobi de laanu guni stipa pur guidxaagalú cani cheʼ, guiranu ziuʼnu nayecheʼ. *

Guiráʼ ora nga naquiiñeʼ guidxaagalunu binni galán ne cadi ora si gaca Conmemoración. Ora guni sentir cani nacubi guendarannaxhii napa ca xpinni Cristu, zanda gucaa ni laacabe gusisácacabe Dios ne guni adorárcabe laa (Jn 13:35).