¿Xiñee guyuu Jesús triste pur actitud gupa ca xaíque yuʼduʼ stiʼ ca judíu que? Purtiʼ gudíxhecabe stale cosa ni maʼ cadi zeeda lu ley stiʼ sábadu ne zaqué maʼ beeda gaca ni ti carga para binni. Guzéʼtenu caadxi ejemplu, dede nin ti biuuʼ qué zanda guuticabe dxi sábadu. Laaca qué zanda diʼ gusiándacabe ti binni pa gucaná o biluuza ñee. Gucanécabe binni ora si guyuu xquendanabani ra naxoo. Rihuínnica qué lica nizaalaʼdxiʼ ca xaíque yuʼduʼ que xa hombre que.
