Bidxiilú Jacob ti ángel para guicaa xiixa nabé risaca, laani nga ndaayaʼ stiʼ Jehová (Gé 32:24-31; Os 12:3, 4). ¿Laanu yaʼ? ¿Ñee cayúninu stipa pur guzúʼbanu stiidxaʼ Jehová ne zacá guicaanu ndaayaʼ stiʼ la? Guzéʼtenu ti ejemplu, pa caquiiñeʼ cuinu chuunu reunión o gúninu dxiiñaʼ hora extra, ¿xi ñúninu yaʼ? Pa gudiʼnu Jehová tiempu stinu, stipa stinu ne ca cosa risaca ni nápanu, zundaatebe ndaayaʼ stibe luguianu dede maʼ qué ziaadxaʼ gastiʼ laanu (Mal 3:10). Zuluíʼ Jehová laanu xi gúninu, zápabe laanu ne zudiibe ni caquiiñenu (Mt 6:33; Heb 13:5).

DESPUÉ DE GÚʼYALUʼ VIDEU NI LÁʼ CADI GUSAANA DE GUNI CUMPLIRLUʼ CA META STILUʼ, ZANDA GUICÁBILUʼ CA PREGUNTA RIʼ:

• ¿Xi guendanagana bidxaagalú ti hermana?

• ¿Xiñee zanda gaca dxiiñaʼ stinu ti guendanagana para laanu?

• ¿Xiñee qué nusaana Timoteo de ñapa meta espiritual neca cayuni xhiiñaʼ Jehová? (1Ti 4:16).

• ¿Ximodo zanda gusihuínninu gunáʼ nga «dxiiñaʼ jma risaca» para laanu?