Neca caʼruʼ gata ti ley ra ná cadi naquiiñeʼ guni adorárcabe bidóʼ, nanna Jacob Jehová si nga naquiiñeʼ gaca adorar (Éx 20:3-5). Nga runi, ora gudxi Jehová laabe guibiguétacabe Betel, gudxi Jacob familia stiʼ ne guiráʼ ni nabeza ra lidxi gusáʼbicaʼ o gunitilucaʼ guiráʼ ca bidóʼ nápacaʼ. Ngue runi, gudaañe Jacob ne bicaachiʼ guiráʼ bidóʼ ne ca arete ni zándaca biquiiñecabe casi amuletu (Gé 35:1-4). Guizáʼ guyuulaʼdxiʼ Jehová ni biʼniʼ Jacob.

Ca dxi stinu riʼ, ¿ximodo zanda guni adorarnu Jehová si yaʼ? Primé la? naquiiñeʼ gucáʼnanu ca cosa ni riquiiñecabe para guni adorárcabe bidóʼ o guni practicárcabe espiritismo ne xcaadxi cosa ni riquiiñeʼ Binidxabaʼ para quiteʼ binni. Ndiʼ riníʼ caquiiñeʼ gusáʼbinu o gunitilunu intiica cosa napa espiritismo ne gápanu cuidadu xi ridúʼyanu, xi ridúʼndanu ne xi rucaʼdiáganu. Gunabadiidxaʼ laca lii: «¿Ñee ruundaʼ libru o ruuyaʼ película ni cuzeeteʼ de vampiru, zombi o cosa ni napa espiritismo la? ¿Ñee ruundaʼ, ruuyaʼ o rucaadiaʼgaʼ xiixa ni ruluíʼ cadi malu peru cuzeeteʼ ni de magia, brujería o de ni runi dañu stobi la?». Naquiiñeʼ gucáʼnanu guiráʼ ca ni nanalaʼdxiʼ Jehová (Sl 97:10).

DESPUÉ DE GÚʼYALUʼ VIDEU NI LÁʼ «LAGUCAALÚ BINIDXABAʼ», ZANDA GUICÁBILUʼ CA PREGUNTA RIʼ:

• ¿Xi guendanagana bidxaagalú Palesa, ti gunaa ni cacaa estudiu?

• ¿Xiñee galán guyúbinu gacané ca ancianu laanu pa ruchiiñaʼ xiixa ni napa espiritismo laanu?

• Pa racaláʼdxinu gapa Jehová laanu, ¿xi caquiiñeʼ gusáʼbinu o gunitilunu?

• ¿Xi ti cosa risaca biʼniʼ Palesa?

• ¿Ximodo zanda gucáʼnanu ni rusiidiʼ ca demonio neza ra nabézanu?