XIÑEE RISACA GÚNILUʼ NI: Ca binni ridúʼndanenu Biblia naquiiñeʼ gánnacaʼ para chuulaʼdxiʼ Jiobá ni gúnicaʼ naquiiñeʼ gudiicaʼ laacaʼ Dios ne chuʼnísacaʼ (1Pe 3:21). Guiráʼ tu guni casi bidii stiidxaʼ Dios, zápabe laacaʼ (Sl 91:1 , 2). Laanu ca xpinni Cristu, rudiʼnu laanu Jiobá, cadi ti binni, xiixa dxiiñaʼ o ti organización. Nga runi naquiiñeʼ gannaxhii ca estudiante stinu Jiobá ne guni respetarcaʼ laabe (Ro 14:7, 8).

XIMODO ZANDA GÚNILUʼ NI:

• Ora maʼ cayuundatu, laguuyaʼ xi cusiidiʼ información ca de Dios. Gudxi laabe pabiáʼ risaca nga guidúʼndanu Biblia guiráʼ dxi ne zaqueca guni orarnu Jiobá sin guiaanadxinu (1Te 5:17; Snt 4:8).

• Guluu gana estudiante stiluʼ quixhe ique gudii laa Dios ne chúʼnisa. Laaca zanda gacaneluʼ laabe quixhe íquebe guni comentarbe lu ca guendaridagulisaa, güínebe ca xpecínube o cani runinebe dxiiñaʼ de ni caziidibe. Cadi guiaandaʼ lii qué rucaa diʼ Jiobá tuuxa guni ni na, cada binni nga riguixhe ique pa zudii laa Dios o pa coʼ (Dt 30:19, 20).

• Guluu gana estudiante stiluʼ guni stipa pur guchaa modo nabani para chuulaʼdxiʼ Jiobá ni cayuni ti ganda chúʼnisa (Pr 27:11). Nuu biaje raca nagana para laacabe guchaacabe xpiáʼcabe o gusaanacabe ca costumbre nápacabe maʼ xadxí, nga runi zándaca caquiiñeʼ gacanerouʼ laabe gusaanabe cani gucuá íquebe dxiqué ne guibánibe casi racalaʼdxiʼ Dios (Ef 4:22-24). Biluíʼ laabe caadxi experiencia ni beeda lu tema ni láʼ «Gucané Biblia laacabe para bichaacabe», ni reeda lu revista La Atalaya.

• Byuiʼné estudiante stiluʼ pabiáʼ nayecheʼ nabániluʼ purtiʼ cayúniluʼ ni na Jiobá (Isa 48:17, 18).