Dede lu beeu septiembre zuzulú zaree sti presentación nacubi lu Xhiiñaʼ Dios ne modo nabáninu ne zaree lá ni «Gusíʼdinu ni dxandíʼ». Xi racaláʼdxinu gúninu né laani yaʼ. Ni racaláʼdxinu nga gusiénenu ti cosa ni dxandíʼ rusiidiʼ Biblia ne zúninu ni ra guinabadiidxanu binni xiixa ne guidúʼndanenu laa textu zeeda lu Biblia. Pa guidúʼyanu riuulaʼdxiʼ binni ca guiziidiʼ la? zanda gusaananenu laabe ti publicación o guluinu laabe ti videu ni nuu lu jw.org para gusiguendabe guibiguétanu sti biaje ra nuube. Gúninu stipa pur guibiguétanu lu chupa chonna gubidxa para güínerunu laabe jma. Ca presentación nacubi ne ca asignación ni guicaa cani rutiidiʼ libana, zaree cani lu resumen stiʼ ca capítulo stiʼ libru What Can the Bible Teach Us?, ti versión stiʼ libru Xipeʼ ni biree lu lenguaje sencillo. Laga cabézanu guiree ni lu diidxastiá la? zaquiiñenu libru Xipeʼ ndiʼ cusiidiʼ Biblia, laani neni stale información ni zanda gacané laanu gúninu revisita o guidúʼndanenu binni peru iquiiñenu Biblia si.

Ti neza si nga ziné binni para guicaa guendanabani (Mt 7:13, 14). Cumu gadxé gadxé nga ni runi cré ca binni rinínenu ne gadxé gadxé modo biniisicabe la? naquiiñeʼ guyúbinu modo guinínenu laacabe cani dxandíʼ rusiidiʼ Biblia ti chuuláʼdxicabe cani (1Ti 2:4). Ra jma maʼ iquiiñenu ca tema ni cusiidiʼ de Biblia ne ra iquiiñenu «Stiidxa» Dios jma ziuuláʼdxinu gusíʼdinu binni cani dxandíʼ ca ne zabeendunu ni galán (2Ti 2:15).