XIÑEE RISACA NI. Guiráʼ ca publicación ni zeeda lu caja ra dxaʼ herramienta ni riquiiñenu para gusíʼdinu binni ruseendaʼ cani binni lu sitiu jw.org. Cásica tarjeta de contactu ne tratadu Tu zanda guicabi cani jma racalaʼdxiʼ binni ganna, guca cani para guseendaʼ cani binni lu sitiu ni nápanu lu Internet. Zanda iquiiñenu sitiu jw.org para guséʼndanu xiixa publicación ni nuu lu caja ra dxaʼ herramienta para gusíʼdinu binni, lu formatu electrónicu o ti link. Racané ndiʼ cani riníʼ sti diidxaʼ ora guni predicarcaʼ. Nuu tiru laaca naquiiñeʼ guicábinu pregunta ni cadi zeeda lu ca publicación ni rusaananenu binni. Ora guizaacanu nga, ni zacané laanu stale nga, gánnanu iquiiñenu sitiu ni nápanu lu Internet riʼ jneza.

XIMODO GÚNILUʼ NI

• Biquiiñeʼ sección «CANI RUSIIDIʼ BIBLIA». Ora guiníʼneluʼ ti binni ni nuu xizaa modo gusiniisi xiiñiʼ, guyé ra ná CANI RUSIIDIʼ BIBLIA > GUENDAXHEELAʼ NE FAMILIA.

• Biquiiñeʼ sección «LIBRU NE REVISTA». Ora guiníʼneluʼ ti compañeru de ra scuela ne racaláʼdxiluʼ guluiʼluʼ laabe folletu 10 pregunta runi ca joven, guyé ra ná LIBRU NE REVISTA > LIBRU NE FOLLETU.

• Biquiiñeʼ sección «TU LAADU». Ora guiníʼneluʼ ti compañeru de dxiiñaʼ ne racaláʼdxiluʼ gusiéneluʼ laabe xi runi crenu, guyé ra ná TU LAADU > CANI NABÉ RINABADIIDXAʼ BINNI.

GÚʼYASITU VIDEU BIZIIDIʼ IQUIIÑELUʼ SITIU JW.ORG, GUNÍʼ IQUE XI SECCIÓN NI NÁPANU LU SITIU DE INTERNET NIQUIIÑELUʼ ORA GUIDXAAGALULUʼ CA CLASE BINNI RIʼ:

• Para guiníʼneluʼ tuuxa ni qué runi cré Dios.

• Para quixhedxiluʼ ladxidóʼ tuuxa ni nacubi gudiʼdiʼ lu ti guendanagana.

• Para gacaneluʼ ti hermanu nuu inactivu.

• Para gusiéneluʼ paraa riree bueltu ni riquiiñeʼ para dxiiñaʼ ni rúninu.

• Para gacaneluʼ tuuxa de sti guidxi ni racalaʼdxiʼ cheʼ reunión ora guibiguetaʼ xquidxi.