¿Xiñee bidxiguetalú xheelaʼ Lot atrá ora ziree de Sodoma? Qué ruzeeteʼ diʼ Biblia xiñee (Gé 19:17, 26). Pur contextu stiʼ relatu riʼ nánnanu zándaca bíʼnibe ni purtiʼ guca arrepentirbe pur bisaanabe guiráʼ ca cosa risaca nápabe (Lu 17:31, 32). ¿Xi naquiiñeʼ gúninu para chuulaʼdxiʼ Dios ni rúninu ne cadi guizaacanu casi bizaaca xheelaʼ Lot yaʼ? Cadi naquiiñeʼ gudiʼnu lugar gaca ca cosa material ca ni jma risaca lu xquendanabáninu (Mt 6:33). Jesús bisiidiʼ «qué zanda di ganaxhii tu Dios ne ganaxhii ca tu bidxichi» (Mt 6:24). Yanna, ¿xi naquiiñeʼ gúninu pa gudiʼnu cuenta maʼ huaxiéʼ tiempu nápanu para gúninu xhiiñaʼ Jiobá pur cuyúbinu gápanu cosa material yaʼ? Naquiiñeʼ guinábanu Jiobá gacané laanu gánnanu paraa naquiiñeʼ guchaʼnu, gudiibe valor laanu ne chuʼnu dispuestu gúninu ni.

GÚʼYASITU GUIONNAʼ NDAA STIʼ VIDEU LAGUIETENALAʼDXIʼ NI BIZAACA XHEELAʼ LOT, ZANDA GUICÁBITU CA PREGUNTA RIʼ:

• Ra biʼniʼ presionárcabe Gloria para gapa jma bueltu, ¿ximodo bichaa ni modo riníʼ íquebe, modo riniʼbe ne ni rúnibe?

• ¿Xi rizíʼdinu de ni bizaaca xheelaʼ Lot?

• ¿Ximodo gucané ca principiu zeeda lu Biblia Joe ne familia stiʼ?

• ¿Ximodo bichaa Amistad napané Ana Jiobá pur nabé bidxaaga ca xcompañeru ni biʼniné dxiiñaʼ?

• ¿Xiñee caquiiñeʼ gápanu valor ora guni presionárcabe laanu para guyúbinu gápanu jma bueltu?

• ¿Xi biʼniʼ Brian ne Gloria para biguetaʼ bíʼnicaʼ ni ná Jiobá primé lu xquendanabánicaʼ?

• ¿Xi ca principiu zeeda lu Biblia nabé bihuinni lu videu riʼ?