Biaʼ dxi huabani binni lu Guidxilayú, stale biaje huayacané ca gobiernu xquidxi Jehová (Esd 6:1-12; Est 8:10-13). Yanna riʼ laaca huadúʼyanu modo huayacané «guidxilayú» —ca binni napa autoridad ne riuu razón— ca xpinni Dios ora rucaa Binidxabaʼ binni sananda laacaʼ, ni zeeda gaca «guiiguʼ» ni riree de ndaaniʼ ruaa dragón que (Ap 12:16). Huayacané Jehová, «Dios ni rulá», iguudxi ladxidóʼ ca binni napa autoridad ni nuu lu Guidxilayú para gacanecaʼ ca xpínnibe (Sl 68:20; Pr 21:1).

Peru ¿pa lii nga nuuluʼ ndaaniʼ cárcel pur fe stiluʼ yaʼ? Gunna dxiichiʼ, cayapa Jehová lii (Gé 39:21-23; Sl 105:17-20). Zanda chuʼluʼ seguru zacaaluʼ ndaayaʼ pur fe ni nápaluʼ ne zacaneluʼ stale hermanu de guiráʼ ladu ora gánnacaʼ qué nixéleluʼ de Jehová (Flp 1:12-14; Ap 2:10).

DESPUÉ DE GÚʼYALUʼ VIDEU NI LÁʼ BIREE CAADXI HERMANU DE COREA NDAANIʼ CÁRCEL ZANDA GUICÁBILUʼ CA PREGUNTA RIʼ:

• ¿Xiñee maʼ raca stale iza huaguucabe stale hermanu de Corea del Sur ndaaniʼ cárcel?

• ¿Ximodo huayacané caadxi tribunal guiree caadxi hermanu ndaaniʼ cárcel ante gusaacaʼ condena sticaʼ?

• ¿Ximodo zanda gacanenu ca hermanu nuu lu guidubi Guidxilayú ni deguyoo pur fe stiʼ?

• ¿Ximodo zanda iquiiñenu libertad ni nápanu yanna?

• ¿Tuu ndiʼ naquiiñeʼ guisaca pur ca juiciu ni maʼ guca ganar lu ca tribunal?