Biaʼca risaca guiráʼ binni nezalú Jiobá (Hch 10:34, 35). Rudiibe lugar guidxiñaʼ binni de «irá ladu ne de irá guidxi ne irá idioma» laabe (Apoc 7:9). Nga runi, ca xpinni Cristo cadi naquiiñeʼ guni juzgarcaʼ guirutiʼ nin guidxaagacaʼ ti clase binni si (Snt 2:1-4). Riéchenu purtiʼ nuunu ndaaniʼ ti paraísu espiritual, ra cadúʼyanu ximodo cuchaa stale binni modo laa (Isa 11:6-9). Nga runi, cadi gudiʼnu lugar chuʼ xiixa ni gucaa laanu guni juzgarnu tuuxa, zacá zinándanu ejemplu stiʼ Dios (Ef 5:1, 2).

• Xiñee zanda gacané cani rusiidiʼ Dios laanu para cadi guni juzgarnu stobi ne para cadi gúninu menu sti binni.

• Xii nga ni maʼ ridxagayaaluʼ de modo nuu ca hermanu stinu lu guidubi Guidxilayú.

• Xiñee zanda guininu rusisácanu Jiobá ora nuunu tobi si.