CA TESORO ZEEDA LU BIBLIA | ISAÍAS 11-16
Zadxá tipa Guidxilayú riʼ de guiráʼ ni rusiidiʼ Jiobá
11:6-9
Ximodo guca cumplir profecía riʼ luguiáʼ ca Israelita.
-
Qué nidxibi ca israelita maniʼ duxhuʼ nin binni malu dxi zeedacaʼ neza bireesicaʼ de esclavu Babilonia ne nin dxi maʼ nuucaʼ xquídxicaʼ (Esd 8:21, 22).
Ximodo cayaca cumplir profecía riʼ ca dxi stinu.
-
Cayacané cani rusiidiʼ Jiobá stale binni guchaa xquendanabani. Ca binni ni nabé guca naduxhuʼ dxiqué, yanna maʼ nácacaʼ binni nadóʼ. Ne pur nga maʼ nuu ti paraísu espiritual lu Guidxilayú.
Ximodo zaca cumplir profecía riʼ despué.
-
Zaca Guidxilayú riʼ ti paraísu ra ziuu guendariuudxi ne guirutiʼ zuchibi stobi, casi gucalaʼdxiʼ Dios ñaca ni dxi bizáʼ Guidxilayú. Nin binni, nin ca maniʼ ca qué zácacaʼ naduxhuʼ.
Bichaa Pablo xquendanabani pur ni biziidiʼ de Dios
-
Dxi gúcabe fariseu, gúcabe naduxhuʼ casi ca maniʼ guiʼxhiʼ (1Ti 1:13).
-
Ni dxandíʼ biziidibe de Dios bichaa ni xquendanabánibe (Col 3:8-10).
