CA TESORO ZEEDA LU BIBLIA | ISAÍAS 1-5
«Quíbanu lu dani stiʼ Jiobá»
2:2, 3
|
«Ora mayaca guiluxe ca dxi que» |
Ca dxi nabáninu riʼ. |
|
«Dani ra zuba lidxi Jiobá» |
Modo raca adorar Jiobá. |
|
«Napa xidé guidxiña guiráʼ guidxi roʼ ra nuuni» |
Cani cayuni adorar Jiobá nuuca tobi si. |
|
«Latáʼ, ne quíbanu lu dani stiʼ Jiobá» |
Cani dxandíʼ runi adorar Jiobá, cayuni invitarcaʼ xcaadxi para guidaagucaʼ laacabe. |
|
«Zusiidibe laanu ca neza stibe, ne zazanu lu ca nezahuiiniʼ stibe» |
Riquiiñeʼ Jiobá Stiidxaʼ para gusiidiʼ laanu ne racané laanu guibáninu modo riuulaʼdxiʼ. |
2:4
|
«Maʼ qué zaziidicaʼ tíndecaʼ para checaʼ lu guerra» |
Para gusihuinni Isaías qué zadinde xquidxi Dios la? guníʼ zaca guiráʼ guiibaʼ ni riquiiñeʼ binni lu guerra herramienta ni iquiiñeʼ para gaca dxiiñaʼ lu layú. Xi herramienta biquiiñecabe tiempu bibani Isaías yaʼ. |
|
Zúnicabe «espada stícabe cubu ni riuu ruaa aradu» |
1 Cubu ni riuu ruaa aradu que nga ni riquiiñecabe para guichézacabe layú ne gucaacabe surcu. De guiibaʼ nga guca caadxi de laacani (1Sa 13:20). |
|
«Zúnicabe lanza stícabe podadera» |
2 Podadera ni biquiiñecabe dxiqué nga ti pedazu guiibaʼ nagandxu ne naduxhuʼ ni napa ti cacha. Biquiiñeʼ ni para gaca podar lubáʼ uva (Isa 18:5). |
