Dxi deguyoo Pablo ne Silas, biindacaʼ canción para gusisácacaʼ Jiobá (Hch 16:25). Nánnanu gucané ni laacabe para biʼniʼ huantárcabe. Yanna riʼ, laaca racané ca canción ni ridúʼndanu ra Yoo stiʼ Reinu ne xcaadxi ni nuu lu sitiu jw.org riguu cani gana laanu ne racané cani laanu gácanu fiel ora guidxaagalunu guendanagana. Ne ni jma galán nga, rusisácanu Jiobá ora guidúʼndanu cani (Sl 28:7). Huaguucabe gana laanu gúninu stipa guizíʼdinu caadxi canción. Zanda guni practicarnu ca canción ca lu adoración en familia ne guiziidiluʼ letra stícani.

GÚʼYASITU VIDEU NI LÁʼ, RUSISACA CA XCUIDIHUIINIʼ JIOBÁ ORA GÚʼNDACAʼ ZANDA GUICÁBITU CA PREGUNTA RIʼ:

• Ora guidúʼndanu ca canción stiʼ Reinu, ¿ximodo racané cani laanu?

• ¿Ximodo raca preparar Departamentu de Audio ne Videu para guni grabarcaʼ ti canción?

• ¿Xi runi ca xcuidihuiiniʼ ni ruundaʼ lu coro ne familia sticaʼ ante de guni grabarcaʼ ti canción?

• ¿Gunáʼ nga canción stiʼ Reinu ni jma riuuláʼdxiluʼ ne xiñee?