CA TESORO ZEEDA LU BIBLIA | ISAÍAS 34-37
Biiyaʼ Ezequías modo guluu Jiobá ndaayaʼ laa pur fe stiʼ
Biseendaʼ Senaquerib, rey stiʼ Asiria ti hombre láʼ Rabsaqué guidxi Jerusalén para gabi laacabe gaca rendírcabe. Biquiiñeʼ ca asiriu caadxi razón para gucaacaʼ laacabe gaca rendírcabe sin gucaalúcabe.
-
Gúdxibe laacaʼ nuucaʼ stúbicaʼ. Qué zacané diʼ Egipto laacabe pa guidaagucabe laa (Isa 36:6).
-
Bicaabe laacaʼ guni dudarcaʼ. Cadxiichiné Jiobá laacabe ngue runi qué zulá diʼ laacabe (Isa 36:7, 10).
-
Bichíbibe laacaʼ. Qué lica zanda guni ganárcabe ejércitu nadipaʼ stiʼ ca asiriu (Isa 36:8, 9).
-
Biquiiñebe ti trampa. Pa gaca rendírcabe nezalú ca asiriu la? zabánicabe jma galán (Isa 36:16, 17).
Guizáʼ naguidxi fe ni gupa Ezequías Jiobá
37:1, 2, 14-20, 36
-
Bíʼnibe biaʼ gúndatiʼ para chuʼ guidxi que listu ante cúʼcabe leʼ laa.
-
Biʼniʼ orarbe Jiobá para guinábabe laa gulá laacabe ne gucanebe guidxi que gaca fe sticaʼ naguidxi cásica fe ni nápabe Jiobá.
-
Biiyabe modo guluu Jiobá ndaayaʼ laabe pur fe stibe ora biseendaʼ ti ángel ni biiti 185,000 soldadu de Asiria ti gueelaʼ si.
