Lu discursu bidii Jesús lu dani que, guníʼ: «Cadi cuʼ xa ique tu ximodo ibani tu» (Mt 6:25). Zándaca ziuu ora zápanu ansiedad purtiʼ binni ruchee laanu ne purtiʼ nabáninu ndaaniʼ guidxilayú stiʼ Binidxabaʼ, neca zacá Jesús bisiidiʼ ca xpinni cadi chuʼcaʼ xizaa (Sl 13:2). ¿Xiñee yaʼ? Purtiʼ ora riuu xhaataʼ binni xizaa neca pur ca cosa ni caquiiñeʼ guiráʼ dxi, zanda gucueeza ni laa de guyubi primeru Reinu stiʼ Dios (Mt 6:33). Ni guníʼ Jesús despué zanda gacané ni laanu cadi chúʼpenu xizaa.

• Mt 6:26. ¿Xi rizíʼdinu ora ridúʼyanu ca manihuiiniʼ ni ripapa? (w16.07 yaza 9, 10 párr. 11-13).

• Mt 6:27. ¿Xiñee runiti si binni tiempu ne gana nga ora chuʼpeʼ xizaa yaʼ? (w05-S 1/11 yaza 22 párr. 5).

• Mt 6:28-30. ¿Xi rizíʼdinu de ca liriu ni nuu ndaaniʼ guiʼxhiʼ? (w16.07 yaza 10, 11 párr. 15, 16).

• Mt 6:31, 32. ¿Xiñee maʼ gadxé ca xpinni Cristu de ca binni ni qué runibiáʼ Dios? (w16.07 yaza 11 párr. 17).

¿Guna nga ca cosa ni racalaʼdxeʼ gusaanaʼ de chuaaʼ xizaa pur laaca?